Amnesty Internati­onal er stærsta mannréttindahreyfing í heimi. Kjarni starfsins felst í að berjast gegn mannréttindabrotum um heim allan. Alþjóðastarf Amnesty International byggist nær eingöngu á styrktarframlagi einstaklinga. Það gerir okkur kleift að vera óháð pólitískum, trúarlegum og efnahagslegum hagsmunum.

Mohammad bin Nasser al-Ghamdi, kennari á eftirlaunum, hlaut dauðadóm fyrir það eitt að nýta tjáningarfrelsið.

Íslands­deild Amnesty Internati­onal býður upp á fjöbreytt fræðsluefni og verkefni fyrir kennslu og áhugasama einstaklinga.

Víða í Evrópu á rétturinn til friðsamlegra samkoma undir högg að sækja þar sem ríki eru í auknum mæli að fordæma, glæpavæða og herja á friðsama mótmælendur með því að setja á óréttmætar takmarkanir með refsingum og beita kúgandi aðferðum til að kæfa niður andóf samkvæmt nýrri skýrslu Amnesty International.

Taka á Keith Gavin af lífi í Alabama-fylki í Bandaríkjunum þann 18. júlí 2024. Amnesty International krefst þess að að dauðadómurinn verði felldur niður.

Dauðarefs­ingin er grimmileg, ómann­úðleg og niðurlægjandi refsing. Hún er brot á réttinum til lífs og á ekki að fyrir­finnast í réttarkerfi nútímans. Allir einstaklingar hafa rétt til að lifa, það eru mannrétt­indi sem gilda um alla, hvort sem þeir eru sekir um glæpi eða ekki. Í sumum löndum er fólk dæmt til dauða fyrir brot tengd vímuefnum sem eru brot á alþjóðalögum, í öðrum löndum brot gegn öryggi ríkis og morð.

Við stöndum vörð um mannréttindi, réttlæti, frelsi og reisn. Amnesty Internati­onal er alþjóðleg mannrétt­inda­hreyfing rúmlega tíu milljóna einstak­linga í meira en 150 löndum. Við berj­umst fyrir heimi þar sem sérhver einstak­lingur nýtur mannrétt­inda sinna.

Stjórn­völd í Sádi-Arabíu sýna ekkert umburð­ar­lyndi gagn­vart gagn­rýni. Fólk hlýtur nú harðari dóma en Amnesty Internati­onal hefur nokkru sinni áður skrá­sett í Sádi-Arabíu fyrir að nýta rétt sinn til tján­ingar.

Julian Assange var loks látinn laus úr Belmarsh-fangelsinu sem er hámarksöryggisfangelsi í Bretlandi. Hann sat í fangelsi í Bretlandi í fimm ár á grundvelli framsalsbeiðni Bandaríkjanna en hefði Julian Assange verið framseldur hefði hann átt á hættu að sæta mannréttindabrotum. 

Khaled Al Serr er palestínskur skurðlæknir sem var handtekinn þann 24. mars 2024 á Nasser-sjúkrahúsinu í suðurhluta Gaza af ísraelska hernum. Honum hefur verið haldið í leynilegu varðhaldi. Það telst þvingað mannshvarf sem er brot á alþjóðlegum lögum. Í rúma tvo mánuði hafa ísraelsk yfirvöld haldið staðsetningu hans og afdrifum leyndum. Þær brotakenndu upplýsingar sem fjölskylda hans hefur fengið koma frá samstarfsfólki hans og föngum sem hafa verið leystir úr haldi. 

Frumvarp til fyrstu almennu hegningarlöggjafar Sádi-Arabíu, sem er ekki enn búið að opinbera en var lekið var út, gengur í berhögg við alþjóðlega mannréttindastaðla og afhjúpar hræsnina á bak við loforð krónprinsins Mohammed bin Salman um framfarir og umburðarlyndi í landinu. Þetta kemur fram í skýrslu Amnesty International um stöðu mála í Sádi-Arabíu. Yfirvöld í Sádi-Arabíu hafa ekki deilt frumvarpinu með frjálsum félagasamtökum til umsagnar en þarlendir lögfræðingar hafa staðfest að frumvarpið sem var lekið út sé ófalsað.

Ungliðahreyfing Íslandsdeildar Amnesty International hélt opinn fund síðastliðinn fimmtudag, 6. júní. Á fundinum var yfirlýsing Andófs gegn nýju frumvarpi um breytingar á útlendingalögum lögð fram og ungliðahreyfingin samþykkti yfirlýsinguna heilshugar. Þrettán ungliðahreyfingar skrifa undir yfirlýsinguna og leggja fram kröfu um að að allar lagabreytingar séu gerðar með mannréttindi að leiðarljósi.  Hér að neðan má lesa yfirlýsinguna í heild sinni.