Mojahed (Abbas) Kourkouri á það á hættu að vera tekinn af lífi. Í byrjun apríl 2023 var tilkynnt að hann hefði verið dæmdur til dauða fyrir „fjandsemi við Guð“, „spillingu á jörðinni“ og „vopnaða uppreisn gegn ríkinu“. Réttarhöld yfir honum voru verulega ósanngjörn og „játningu“ var náð fram með pyndingum.
Skólastúlkur hafa verið í forystu mótmæla í Íran og sýnt hugrekki gegn kúgandi lögum um skyldunotkun höfuðslæða með því að taka af sér höfuðslæðuna. Eiturgasi hefur nú verið beitt gegn skólastúlkum á grunnskóla- og menntaskólastigi. Réttur til menntunar, heilsu og lífs er í hættu hjá milljónum skólastúlkna vegna gasárásanna.
Leyniþjónusta og öryggissveitir í Íran hafa beitt barnunga mótmælendur, allt niður í 12 ára, hrottafengnum pyndingum til að hindra þátttöku þeirra í mótmælum, meðal annars barsmíðum, svipuhöggum, rafstuði, nauðgunum og öðru kynferðisofbeldi.
Yfir 20 einstaklingar eiga á hættu að vera teknir af lífi í tengslum við mótmæli í Íran. Yfirvöld hafa nú þegar tekið mótmælendur af lífi eftir óréttlát sýndarréttarhöld í þeim tilgangi að vekja ótta á meðal almennings og enda mótmæli í landinu.
Íslandsdeild Amnesty International fagnar ályktun Íslands og Þýskalands í mannréttindaráði Sameinuðu þjóðanna um að stofnuð verði sjálfstæð og óháð rannsóknarnefnd sem safna á upplýsingum og gögnum sem nýst geta til að draga gerendur til ábyrgðar sem hafa brotið á mannréttindum friðsamra mótmælenda í Íran undanfarnar vikur. Ályktunin var lögð fram á sérstökum aukafundi mannréttindaráðsins um hríðversnandi stöðu mannréttinda í Íran.
Mótmæli hafa brotist út á landsvísu í Íran í kjölfar þess að hin 22 ára gamla Mahsa (Zhina) Amini lét lífið í varðhaldi yfirvalda. Írönsk yfirvöld hafa brugðist grimmilega við mótmælunum. Við krefjumst þess að alþjóðasamfélagið grípi til aðgerða.
Þrír fangar, tveir menn og ein kona, eiga á hættu að verða blinduð fljótlega af yfirvöldum. Einstaklingarnir voru dæmdir samkvæmt reglunni um auga fyrir auga (qesas) sem byggir á því að refsing sé samsvarandi brotinu sem dæmt er fyrir.
Hinsegin baráttukonan Zahra Sedighi-Hamadani, 31 árs, og Elham Choubda, 24 ára, voru dæmdar til dauða fyrir „spillingu á jörðu“. Konurnar eru skotmörk stjórnvalda vegna kynhneigðar sinnar, kynvitundar og stuðnings við hinsegin baráttuna á samfélagsmiðlum.
Íranskar og tyrkneskar öryggissveitir hafa ítrekað þvingað afganskt fólk til að snúa aftur til Afganistan þegar það reynir að fara yfir landamærin í leit að öryggi. Meðal aðferða er að skjóta í átt að fólkinu. Þetta kemur fram í nýrri skýrslu Amnesty International, „They don’t treat us like humans“. Einnig er greint frá fjölda tilfella, einkum á írönskum landamærum, þar sem öryggissveitir skutu á fólk þegar það klifraði yfir veggi eða skreið undir grindverk.
Írönsk stjórnvöld beita Shokrollah Jebeli, 82 ára ástralskan-íranskan fanga, pyndingum með því að neita honum af ásettu ráði um læknisþjónustu og lyf. Í ljósi aldurs og heilsufarsástands ásamt ósanngjörnum réttarhöldum verður að leysa hann úr haldi strax.
Nazanin Zaghari-Ratcliffe og Anoosheh Ashoori hafa verið leyst úr haldi í Íran. Þau eru bæði bresk-írönsk og eru komin aftur til Bretlands. Samanlagt voru þau rúm tíu ár í fangelsi eftir óréttmæta handtöku. Amnesty International fagnar þessum fréttum þótt fyrr hefði verið.
Zahra Sedighi-Hamadani er kynsegin aðgerðasinni og hefur verið í haldi yfirvalda síðan í október 2021 vegna kynhneigðar og kynvitundar sinnar og fyrir að verja réttindi hinsegin fólks á samfélagsmiðlum. Hún hefur sætt illri meðferð.