Þann 3. ágúst 2021 lést José Eduardo Ravelo af innvortis blæðingum. Hann hafði sagt móður sinni að lögregla hafði pyndað sig í varðhaldi dagana áður í Mérida, í Yucatán héraði í Mexíkó. Skrifstofa saksóknara lýsti því yfir, áður en að rannsókn hófst að hvorki pyndingar né önnur ill meðferð hefði átt sér stað.
Dómstóll í Bretlandi samþykkti beiðni Bandaríkjanna um framsal á Julian Assange sem byggist á ákærum vegna birtingar á leynilegum skjölum á Wikileaks. Birting efnis í almannaþágu er undirstaða fjölmiðlafrelsis þar sem almenningur hefur rétt á upplýsingum um misgjörðir stjórnvalda. Þessi réttur er einnig verndaður í alþjóðamannréttindalögum.
Íslandsdeild Amnesty International stendur að málþingi um stöðu kvenna í Mexíkó, þriðjudaginn 30. nóvember í Lögbergi, Háskóla Íslands, stofu 101, frá kl. 12 til 13. Claudia Ashanie Wilson, héraðslögmaður og varaformaður Íslandsdeildar Amnesty International, leiðir málþingið. Sérstakir gestir málþingsins eru Wendy Andrea Galarza, feministi og baráttukona, og Edith Olivares Ferreto, framkvæmdastjóri Amnesty International í Mexíkó. Heimsóknin er hluti af árlegri, alþjóðlegri herferð Amnesty International, Þitt nafn bjargar lífi.
Alltof oft er lögreglan of fljót að grípa til valdbeitingar, oft gegn friðsömum mótmælendum sem eru einungis að nýta rétt sinn til að koma saman með friðsömum hætti. Á undanförnum árum og á tímum heimsfaraldursins hafa stjórnvöld víðs vegar um heim takmarkað tjáningarfrelsið og réttinn til friðsamlegrar samkomu, oft með ofbeldisfullum hætti.
Nú er undirbúningur hafinn fyrir árlegu alþjóðlegu herferð Amnesty International, Þitt nafn bjargar lífi sem ýtt verður úr vör síðar á árinu. Árið 2020 söfnuðust fjöldi undirskrifta í herferðinni til stuðnings málum tíu þolenda mannréttindabrota. Á Íslandi söfnuðust 70.405 undirskriftir en á heimsvísu var gripið til tæplega 4,5 milljóna aðgerða í heildina. Þessi gífurlegi samstöðumáttur hefur nú þegar skipt sköpum. Okkur hafa borist nokkur gleðitíðindi vegna framfara í málum frá herferðinni í fyrra.
Þann 15. ágúst 2021 skrifuðu Amnesty International og mannréttindasamtökin Freedom House bréf til Joe Biden, Bandaríkjaforseta, þar sem farið var fram á að Hvíta húsið verndi mannréttindi í Afganistan í kjölfar yfirtöku Talíbana í Kabúl.
Diego Charles og Antoinette Duclare voru myrt fyrir framan heimili Diego þann 30. júní síðastliðinn í höfuðborg Haíti, Port-au-Prince. Daginn eftir hófu vopnaðir einstaklingar skothríð fyrir utan heimili þeirra í þeim tilgangi að ógna fjölskyldum þeirra og mögulegum vitnum.
Þúsundir komu saman þann 11. júlí á Kúbu til að mótmæla ríkisstjórninni vegna efnahagsástandsins, skorts á lyfjum, og almennra takmarkana á tjáningarfrelsinu. Mögulega eru hundruð mótmælenda í fangelsi og ríkið þaggar niður í gagnrýnisröddum með fjölda ákæra. Krefjumst þess að friðsamir mótmælendur verði leystir umsvifalaust úr haldi án skilyrða.
Milostène er aðgerðasinni sem stýrir umhverfisverndarsamtökum Action pour la Reforestation et la Défense de l’Environnement, AREDE í Trou-duNord, bæ í norðausturhluta Haítí. Síðan 2013 hafa samtökin barist fyrir réttindum smábænda. Hann hefur margoft orðið fyrir árásum eða morðtilraunum vegna starfa sinna.
Síðan 28. apríl hafa þúsundir tekið þátt í mótmælum víðsvegar um Kólumbíu. Mótmælin byrjuðu vegna fyrirhugaðra skattalagabreytinga en hafa þróast í mótmæli vegna viðbragða stjórnvalda við efnahags- og félagslegum vandamálum í kjölfar kórónuveirufaraldursins. Stjórnvöld hafa brugðist við með hervaldi í nokkrum borgum þar sem mótmælendur eru beittir óhóflegu valdi með vopnum sem hefur leitt tugi einstaklinga til dauða og enn fleiri særða.
Þegar Ciham Ali var 15 ára reyndi hún að yfirgefa Erítreu en stjórnvöld handtóku hana. Ekki hefur sést til hennar síðan og nú eru liðin átta ár. Hjálpaðu okkur að finna Ciham og leysa úr haldi.
Þingið í Dóminíska lýðveldinu vinnur nú að umbótum á hegningarlögum í landinu. Þar á meðal er verið að ræða hvort eigi að afglæpavæða þungunarrof við ákveðin skilyrði. Hundruð aðgerðasinna tjalda nú fyrir utan þinghúsið og krefjast þess að þingmenn styðji þessar breytingar.