Hin árlega herferð Þitt nafn bjargar lífi gekk fremur vel árið 2025 en samtals söfnuðust 35.731 undirskriftir á Íslandi fyrir öll málin átta sem voru í forgrunni herferðarinnar. Þetta árið var einnig aukin áhersla á að skrifa stuðningskveðjur til að sýna þolendum mannréttindabrota og aðstandendum þeirra stuðning, sem er ekki síður mikilvægt til að veita þeim von og styrk. Samtals voru 335 stuðningskveðjur skrifaðar hér á landi, bæði handskrifaðar og á netinu, sem er 44% aukning á milli ára.

Í tilefni af alþjóðlegum mannréttindadegi 10. desember minnir Íslandsdeild Amnesty International á að baráttan fyrir verndun mannréttinda hefur sjaldan verið jafn þörf og nú. Víða er tjáningarfrelsið fótum troðið og grafið undan öðrum sjálfsögðum mannréttindum svo sem réttinum til lífs , frelsis og mannhelgi.

Eins og fyrri ár fer herferðin Þitt nafn bjargar lífi fram á ýmsum stöðum undir öflugri stjórn aðgerðasinna á kaffihúsum, jólamörkuðum, bókasöfnum og í skólum víða um land. Undirskriftum til stjórnvalda er safnað til stuðnings átta einstaklingum og hópum sem sæta mannréttindabrotum víða um heim. 

Við lifum á tímum þar sem frelsi okkar fer þverrandi, valdboðsstefna og einræðistilburðir fara vaxandi, við verðum vitni að hópmorðinu á Gaza, loftslagsváin vomir yfir okkur og borgaraleg réttindi hafa hnignað. Það er auðvelt að láta hugfallast á þessum erfiðu tímum og finnast sem við fáum litlu um breytt en þó að við getum ekki breytt öllu getum við öll breytt einhverju!

Taktu þátt í árlegri og alþjóðlegri herferð Amnesty International, Þitt nafn bjarrgar lífi. Skrifaðu undir átta áríðandi mál einstaklinga eða hópa sem beittir eru alvarlegum órétti.

Okkar árlega herferð Þitt nafn bjargar lífi gekk vel árið 2024 þrátt fyrir að hún hafi verið minni í umsvifum en undanfarin ár. Á Íslandi söfnuðust 49.038 undirskriftir fyrir öll málin sem var aðeins meira en í fyrra ef miðað er við fjölda mála þar sem málin í ár voru níu en ekki tíu eins og undanfarin ár. Í heildina á heimsvísu var gripið til tæplega 4,7 milljóna aðgerða í 200 löndum og næstum 380 þúsund stuðningskveðjur voru skrifaðar til þolendanna til að sýna þeim stuðning á erfiðum tímum. 

Á alþjóðlega mannréttindadeginum, þriðjudaginn 10. desember, frumsýnir Íslandsdeild Amnesty International heimildarmyndina Vonarljós í Bíó Paradís kl. 19 í sal 1. Aðgangur er ókeypis og öllum boðið að mæta á meðan húsrúm leyfir.  

Herferðin Þitt nafn bjargar lífi gengur vel í ár líkt og áður. Undirskriftum er safnað víðs vegar um heim til stuðnings níu einstaklingum og hópum sem þolað hafa mannréttindabrot. Fjölmargar fræðslur um herferðina hafa verið í skólum, bæði framhalds- og grunnskólum. Á döfinni eru fjölbreyttir viðburðir og undirskriftasafnanir í tengslum við herferðina.

Ár hvert tekur fjöldi fólks um heim allan þátt í alþjóðlegri herferð Amnesty International, Þitt nafn bjargar lífi. Þetta er auðveld leið til þess að hafa mikil áhrif á einfaldan og aðgengilegan hátt. Það eina sem þarf að gera er að skrifa undir málin á vefsíðu Íslandsdeildar Amnesty International. Það er svona auðvelt að breyta heiminum til hins betra!

Taktu þátt í árlegri og alþjóðlegri herferð Amnesty International, Þitt nafn bjarrgar lífi. Skrifaðu undir níu áríðandi mál einstaklinga eða hópa sem beittir eru alvarlegum órétti.

Okkar árlega og alþjóðlega herferð, Þitt nafn bjargar lífi, fór fram í lok árs 2023 líkt og fyrri ár. Herferðin gekk vel á Íslandi sem og um heim allan. Vakin var athygli á tíu málum þolenda mannréttindabrota víðs vegar um heiminn. Á Íslandi söfnuðust yfir 50 þúsund undirskriftir og stuðningskveðjur. Á heimsvísu var gripið til 5.828.323 aðgerða fyrir málin tíu með ýmsum hætti í 63 löndum. Það eru 500 þúsund fleiri aðgerðir en árið áður.   

Á hverju ári blæs Íslandsdeild Amnesty International til herferðarinnar, Þitt nafn bjargar lífi, sem er alþjóðleg mannréttindaherferð við að safna undirskriftum til stuðnings einstaklinga eða hópa sem þolað hafa mannréttindabrot.