Eftirfarandi upptalningar eru útdráttur og því er ekki um tæmandi talningu að ræða á réttindum og skyldum

Lögreglu er heimilt að handtaka þig ef rökstuddur grunur leikur á að þú hafir framið brot sem sætt getur ákæru

Lögreglu er einnig heimilt að handtaka þig ef þú:

Neitar að segja til nafns og deili á þér að öðru leyti, enda sé það nauðsynlegt í þágu rannsóknar,
Ef þú hefur verið kvaddur til að gefa skýrslu hjá lögreglu sem sakborningur eða fyrir dómi í sakamáli en ekki sinnt því,
Ef þú hefur leyfislaust horfið úr gæsluvarðhaldi eða rofið farbann.

Lögreglu ber að:

Forðast að valda þér tjóni eða baka þér meiri óþægindi en nauðsyn ber til, þ.e. henni ber að gæta meðalhófs.
Leiða þig fyrir dómara innan 24 klst. frá því þú ert handtekinn
Tilnefna þér verjanda ef þú óskar þess við fyrsta tækifæri. Ef þetta er ekki gert, áttu rétt á að leita til dómara og óska eftir verjanda. Auk þess er dómara skylt, ef þú óskar þess, að skipa þér verjanda ef:
1. þess hefur verið krafist að þú sætir gæsluvarðhaldi eða öðrum ráðstöfunum, eða
2. mál hafi verið höfðað gegn þér.
Aðeins að taka upp að nýju rannsókn – sem hefur verið hætt því sakargögnin hafa þóttu ekki nægileg til ákæru – ef ný sakargögn eru komin fram eða líklegt er talið að þau komi fram.
Tilkynna þér ef rannsókn gegn þér hefur verið hætt.

Þú átt rétt á að:

Vita af hverju það er verið að handtaka þig.
Fá upplýsingar um réttindi þín.
Hafa samband við lögmann og nánustu vandamenn þegar eftir handtöku.Nánustu vandamenn þínir eru ekki skyldugir að veita lögreglu lið í þágu rannsóknar.
Tala einslega við verjanda um hvaðeina sem málið varðar.
Vera með verjanda þinn viðstaddan þegar skýrsla er tekin af þér.
Fá læknisþjónustu.
Skora lögmæti handtökunnar á hólm.
Leggja fram kvörtun ef þú sætir illri meðferð eða pyndingum.

Þinn réttur

ÞITT NAFN BJARGAR LÍFI