Góðar fréttir
20. ágúst 2019El Salvador: Sýknun Evelyn Hernández sigur fyrir mannréttindi
Evelyn Hernández var sýknuð fyrir rétti þann 19. ágúst og er það sigur fyrir mannréttindi. Hún var 21 árs þegar neyðartilvik á heimili Evelyn þann 6. apríl 2016 leiddi til fósturmissis hennar. Starfsfólk á vakt tilkynnti Evelyn Hernández til lögreglu þegar hún kom á sjúkrahús til aðhlynningar.
Hún var handtekin, þá réttað yfir henni og hún dæmd í 30 ára fangelsi fyrir morð. Árið 2018 var úrskurðurinn ógiltur af æðri dómstóli sem fyrirskipaði ný réttarhöld.
„Þetta er afgerandi sigur fyrir réttindi kvenna í El Salvador. Þetta staðfestir enn og aftur að engin kona ætti að vera ásökuð um morð vegna neyðartilviks á meðgöngu. Nú í ljósi sýknun Evelyn kallar Amnesty International eftir því að El Salvador bindi enda á svívirðilegar aðferðir sem mismuna og glæpavæða konur í eitt skipti fyrir öll með því að afnema þessi harðneskjulegu lög gegn þungunarrofi í landinu,“
segir Erika Guevara-Rosas, framkvæmdastjóri málefna Ameríku hjá Amnesty International.
Þungunarrof er ólöglegt í öllum tilvikum í El Salvador. Konur sem lenda í neyðartilvikum á meðgöngu hafa í mörgum tilfellum verið sakfelldar fyrir brot á þessum lögum.
Samkvæmt samstarfsamtökum Amnesty International í El Salvador eru að minnsta kosti 19 konur enn í haldi eða ákærðar fyrir brot á þessum lögum.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu