Benjamin Cole, 57 ára maður á að verða tekinn af lífi 20. október næstkomandi. Hann var dæmdur til dauða 2004 fyrir morð á níu mánaða gamalli dóttur sinni í desember 2002. Hann hefur verið greindur með geðklofa og heilaskaða.

Nú liggur fyrir að Jón Gunnars­son, dóms­mála­ráð­herra, muni leggja fram frum­varp um breytingar á lögum um út­lendinga í fimmta sinn á haust­þingi Al­þingis og mun frum­varpið vera eitt af fyrstu þing­málunum.

Anna Lúðvíksdóttir framkvæmdastjóri Íslandsdeildar Amnesty International og Þórunn Pálína Jónsdóttir lögfræðingur deildarinnar afhentu Þórdísi Kolbrúnu Reykfjörð Gylfadóttur utanríkisráðherra ákall með 1630 undirskriftum þann 31. ágúst. Í ákallinu eru íslensk stjórnvöld hvött til þess að beita sér á alþjóðavettvangi til stuðnings kvenréttindum í Afganistan. Þar var sérstaklega nefnt að það verði að eiga samtal við kvenréttindafrömuði og kvenkyns aðgerðasinna frá Afganistan til að fræðast um það hvernig best megi efla kvenréttindi þar í landi, ráðstafa fjármagni í verkefni og starfsemi sem styrkir stöðu kvenréttinda í Afganistan og þegar tækifæri gefast nota samningsstöðu sína við talíbana til að ítreka mikilvægi kvenréttinda.

Íranskar og tyrkneskar öryggissveitir hafa ítrekað þvingað afganskt fólk til að snúa aftur til Afganistan þegar það reynir að fara yfir landamærin í leit að öryggi. Meðal aðferða er að skjóta í átt að fólkinu. Þetta kemur fram í nýrri skýrslu Amnesty International, „They don’t treat us like humans“. Einnig er greint frá fjölda tilfella, einkum á írönskum landamærum, þar sem öryggissveitir skutu á fólk þegar það klifraði yfir veggi eða skreið undir grindverk.

Hafin er ný bylgja mannréttindabrota í Afganistan. Í dag, um ári eftir að Talíbanar náðu völdum í landinu, er eyðileggingin að verða óafturkræf. 

Varðhald um óákveðinn tíma sem bandarísk stjórnvöld hafa beitt í Guantanamo-fangelsinu í kjölfar september 2001 er ólögmætt. Enn eru 19 fangar í haldi þrátt fyrir að búið sé að heimila lausn þeirra. Krefstu þess að ríkisstjórn Joe Biden, Bandaríkjaforseta, loki Guantanamo fangelsinu fyrir fullt og allt.

Á enskumælandi svæðum Kamerún hefur verið herjað á stuðningsfólk stærsta stjórnarandstöðuflokks landsins, mannréttindafrömuði, aðgerðasinna og mótmælendur fyrir það eitt að nýta sér tjáningarfrelsið og réttinn til að mótmæla friðsamlega. Rúmlega hundrað einstaklingar hafa verið handteknir að geðþótta.

Amnesty International harmar að fréttatilkynning um hernaðaraðferðir Úkraínuhers hafi valdið áhyggjum og reiði. Frá því að innrás Rússlands hófst í febrúar 2022 hefur Amnesty International rannsakað og ítrekað greint frá stríðsglæpum og mannréttindabrotum Rússlands í Úkraínu og rætt við hundruð þolenda. Frásagnir þeirra varpa ljósi á grimmilegi veruleika þar í landi vegna ólögmætrar innárásar Rússlands. Amnesty International hefur hvatt heimsbyggðina til að sýna íbúum Úkraínu samstöðu með aðgerðum og því verður sannarlega haldið áfram. 

Fordæmalaus og vaxandi ógn steðjar að réttinum til að mótmæla um heim allan, að sögn Amnesty International sem ýtir nýrri herferð úr vör í dag til að sporna gegn tilraunum stjórnvalda til að grafa undan þessum grundvallarrétti. Þessi alþjóðlega herferð styður við herferð sem Íslandsdeild Amnesty International hóf í fyrra og ber heitið: Án mótmæla verða engar breytingar.

Á tímum þegar mannréttindi eru víða fótum troðin í heiminum er auðvelt að missa sjónar á því jákvæða.  Það má ekki gleyma að fagna þeim mannréttindasigrum sem Amnesty International hefur stuðlað að með hjálp stuðningsfólks okkar á fyrstu sex mánuðum ársins. Fólk ranglega í fangelsi hefur verið leyst úr haldi, óréttlátum lögum hefur verið breytt og valdafólk hefur verið dregið til ábyrgðar. Hér eru mannréttindasigrar til að fagna.

Rannsaka þarf morðið á Kevin Agudelo sem átti sér stað í aðgerðum lögreglu. Þúsundir fólks fór út á götur í þjóðarverkfalli í mörgum borgum Kólumbíu árið 2021 til að krefjast réttar síns. Viðbrögð stjórnvalda var að ráðast á og refsa þeim einstaklingum sem létu í sér heyra. Flest mannréttindabrot í tengslum við mótmælin áttu sér stað í borginni Cali. 

Hætta er á þvinguðum brottflutningum Masai-hirðingjasamfélagsins til að greiða leið fyrir ferðaþjónustu á svæðinu. Um 70.000 einstaklingar eru í hættu í kjölfar þess að liðsafli lögreglu og hers kom í bæinn Loliondo í norðurhluta Tansaníu þar sem Masai-fólkið býr. Liðsaflinn kom á svæðið þann 7. júní í þeim tilgangi að taka land af Masai-fólkinu samkvæmt áætlun yfirvalda. Mótmæli hófust tveimur dögum síðar. Yfirvöld beittu táragasi og skotvopnum gegn mótmælendum. 25 einstaklingar voru handteknir og ranglega ákærðir fyrir samsæri um morð á lögreglufulltrúa.