Margverðlaunuð sýrlensk heimildarmyndagerðarkona, aðgerðasinni og rannsakandi, Lina, verður gestur Íslandsdeildar Amnesty International dagana 27. september til 1. október á RIFF alþjóðlegu kvikmyndahátíðinni í Reykjavík. Hin rómaða heimildarmynd hennar 5 Seasons of Revolution verður sýnd á hátíðinni þriðjudaginn 30. september kl. 19:10 í Háskólabíó, sal 2. Að henni lokinni verða pallborðsumræður og spurningum svarað úr sal.
Ríki, opinberar stofnanir og fyrirtæki um heim allan gera Ísrael kleift eða hagnast á því að Ísrael hafi til langs tíma brotið alþjóðalög og má þar nefna yfirstandandi hópmorð á Palestínubúum á Gaza, ólögmætt hernám á palestínsku svæði og grimmilega aðskilnaðarstefnu gegn öllum Palestínubúum. Þessir aðilar eru ýmist samsekir Ísrael, veita því stuðning eða telja sig ekki geta gert neitt í stöðunni. Þetta kemur fram í nýútkominni skýrslu Amnesty International.
Ísrael fremur hópmorð (e. genocide) á Palestínubúum á Gaza. Við krefjumst þess að alþingismenn á Íslandi geri allt sem í þeirra valdi stendur til að stöðva það.
Íslandsdeild Amnesty International tók þátt í fjöldafundinum Þjóð gegn þjóðarmorði á Austurvelli laugardaginn 6. september. Fjölmörg samtök, félög og verkalýðsfélög stóðu að baki fundinum og voru þátttökufélögin vel á annað hundrað.
Ný rannsókn Amnesty International leiddi að þeirri niðurstöðu að stjórnvöld og herlið tengd þeim hefðu tekið fjölda Drúsa í Suwayda af lífi án dóms og laga. Þessi hryllilegu mannréttindabrot eru enn ein grimmilega áminningin um hörmulegar afleiðingar sem refsileysi í Sýrlandi hefur haft þar sem núverandi stjórnvöld og herlið tengd þeim drepa án ótta við að verða sótt til saka.
Mario Guevara, fjölmiðlamaður frá El Salvador sem býr í Bandaríkjunum, var handtekinn og ákærður fyrir minniháttar brot á mótmælum gegn valdboðsstefnu ríkisstjórnar Trumps „No Kings“ þann 14. júní 2025.
Börn á Gaza og Vesturbakkanum alast upp við óbærilegar aðstæður. Ofbeldið eykst og verður æ hræðilegra á meðan heimurinn horfir á og vonin dvínar. Frá því að hópmorðið hófst á Gaza höfum við reglulega fengið hryllilegar fréttir um þau fjölmörgu börn sem hafa verið drepin. Alþjóðlega herferðin Let Children Live snýr að baráttu fyrir þau börn sem eru enn á lífi. Herferðin er unnin í samstarfi Amnesty International við Barnaheill (Save the Children).
Ríkisstjórn Sýrlands þarf að skuldbinda sig skilyrðislaust til að tryggja réttinn til sannleikans, réttlætis og skaðabóta vegna tuga þúsunda horfinna einstaklinga með því að hefja leit þar í landi að þeim sem enn hafa ekki fundist og sjá til þess að gerendur sæti ábyrgð. Þetta kemur fram í skýrslu Amnesty International sem er birt í tilefni af alþjóðadegi fórnarlamba þvingaðra mannshvarfa þann 30. ágúst, og níu mánuðum eftir fall ríkisstjórnar Bashar al-Assads.
Þann 9. ágúst síðastliðinn voru 522 mótmælendur handteknir í London. Í aðdraganda þess voru rúmlega 200 til viðbótar handteknir fyrir svipuð brot í London og víðs vegar um Bretland fyrir friðsamleg mótmæli gegn banni við aðgerðum í þágu Palestínu sem tók gildi 5. júlí.
Amnesty International rannsakaði áhrif landárása Ísraels á 24 bæjarfélög í Líbanon frá 1. október 2024 til 26. janúar 2025. Rannsóknin sýndi að 10.000 borgaraleg mannvirki voru eyðilögð eða urðu fyrir miklum skemmdum á innan við fjórum mánuðum, þar á meðal heimili, moskur, grafreitir, almenningsgarðar og landbúnaðarland. Í sumum þorpum urðu rúmlega 70% allra bygginga fyrir skemmdum eða eyðilögðust.
Ísrael sveltir Palestínubúa á Gaza af ásettu ráði sem spillir heilsu þeirra, velferð og samfélagskerfi með kerfisbundnum hætti.
Fjölmiðlakonan Selma Inocência Marivate tjáði Amnesty International þann 27. júlí að hana grunaði að eitrað hafi verið fyrir sér með þungmálmum í vinnuferð til Maputo, höfuðborg Mósambík, í mars síðastliðnum.