Fræðslur í boði
Íslandsdeild Amnesty International býður upp á fjölbreyttar mannréttindafræðslur fyrir skóla, fyrirtæki og hópa. Mannréttindafræðsla snýst um að skapa skilning á mannréttindum og sjá til þess að allir einstaklingar þekki réttindi sín og geti gert tilkall til þeirra.
Með fræðslu getum við barist gegn mismunun, stuðlað að jafnrétti og virkri þáttttöku einstaklinga í lýðræðislegum ákvörðunum samfélagsins og þannig unnið að betri heimi.
Mannréttindafræðsla Amnesty International byggir á því að auka þekkingu, hæfni og breyta viðhorfum í þágu mannréttinda. Þetta er í samræmi við 26. grein Mannréttindayfirlýsingu Sameinuðu þjóðanna um að mennta einstaklinga og efla skilning, umbyrðarlyndi og vináttu milli hópa í þágu friðar.
Hér má skoða þær fræðslur sem við bjóðum upp á en einnig getum við skipulagt fræðslu eftir því hvað hentar hverjum hópi. Við heimsækjum höfuðborgarsvæðið jafnt sem landsbyggðina og fræðsluheimsóknir Íslandsdeildar Amnesty International eru öllum að kostnaðarlausu.
Íslandsdeild Amnesty International býður upp á fjölbreytt fræðsluerindi, vinnusmiðjur og málstofur fyrir bæði nemendur og kennara á leik-, grunn-, og framhaldsskólastigi. Hér má sjá nokkrar af þeim smiðjum sem við bjóðum upp á en einnig getum við skipulagt fræðsluerindi, smiðjur, málstofur eða lengri námskeið eftir því sem hentar. Við heimsækjum skóla á höfuðborgarsvæðinu sem og á landsbyggðinni.
Vilt þú bóka fræðsluheimsókn í skólann þinn? Hafðu samband við Íslandsdeild Amnesty International í gegnum tölvupóst: emma@amnesty.is
Námsmiðjurnar okkar eru án endurgjalds.
ALMENN FRÆÐSLA FYRIR GRUNN- OG FRAMHALDSSKÓLANEMA
Fræðsla um Amnesty International og mannréttindi. Fjallað er um upphaf og starfsemi samtakanna, mannréttindi og mannréttindayfirlýsingu Sameinuðu þjóðanna ásamt því hvernig nemendur geta gripið til aðgerða og tekið þátt í mannréttindabaráttunni.
Lengd: 40-50 mínútur
fræðsluerindi um mannréttindafræðslu
Erindið er ætlað kennurum sem hafa áhuga á að styrkja hlut mannréttinda í kennslu. Hentar kennurum flestra, ef ekki allra, faga. Markmiðið er að skapa vettvang til að deila reynslu og efla kennara í mannréttindakennslu.
Fjallað verður um tengsl mannréttindafræðslu við aðalnámskrá grunnskóla og áskoranir og tækifæri í mannréttindakennslu rædd.
Lengd: 60-90 mínútur
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu