Býður stjórnvöldum birginn
Chaima Issa er aðgerðasinni sem er í blóð borið að tala opinskátt um það sem hún telur vera rétt. Hún er dóttir fyrrverandi pólitísks fanga og býður stjórnvöldum í heimalandi sínu birginn, jafnvel þótt það kosti hana frelsið.
Þegar forseti landsins, Kais Saied, leysti upp þingið, rak forsætisráðherra úr embætti og tók sér öll völd í júlí 2021 með vísan í neyðartilskipun var Chaima meðal þeirra fyrstu til að gagnrýna hann opinberlega. Allt frá því að forsetinn tók völdin í Túnis hafa mannréttindi staðið höllum fæti. Ráðist er gegn tjáningarfrelsinu, herdómstóll herjar á gagnrýnendur stjórnvalda og dómskerfið skortir sjálfstæði.
Chaima var handtekin hinn 22. febrúar 2023 í tengslum við rannsókn á meintu „samsæri“ í kjölfar þess að hafa fundað með erlendum stjórnarerindrekum og innlendum stjórnarandstæðingum um stjórnmálaástandið í Túnis. Hún var leyst úr haldi 13. júlí síðastliðinn eftir fjóra mánuði í varðhaldi að geðþótta. Málshöfðun gegn henni er þó enn í gangi og yfirvöld hafa meinað henni að ferðast til annarra landa og „sjást á opinberum vettvangi“.
Hlutdrægur herdómstóll heldur einnig uppi rannsókn á Chaimu fyrir að gagnrýna stjórnvöld í útvarpsþætti. Hún á yfir höfði sér áratugalangt fangelsi.
En Chaima gefst ekki upp. Hún lét í sér heyra á skrifstofu dómara: „Er þetta Túnis? Er þetta Túnis þar sem við stunduðum nám, ég og þú? Er þetta Túnis sem okkur dreymdi um?“ Þegar Chaima var færð í fangelsi, umkringd lögreglumönnum, brosti hún, lyfti upp krepptum hnefa og söng þjóðsönginn.
Krefstu þess að Chaima Issa fái fullt frelsi
Þín undirskrift getur bjargað mannslífi
Pólland
Kvenréttindafrömuðurinn Justyna Wydrzyńska fann sig knúna til að aðstoða konu í ofbeldissambandi við þungunarrof. Slík aðstoð er refsiverð samkvæmt lögum í Póllandi. Justyna var sakfelld fyrir að aðstoða við þungunarrof. Dómurinn setur hættulegt fordæmi.
Bandaríkin
Rocky Myers, svartur karlmaður með þroskahömlun, hefur setið í þrjá áratugi á dauðadeild í Alabama fyrir morð. Réttargæslan sem honum var úthlutað var ófullnægjandi og Rocky var sakfelldur í kjölfar vitnisburða sem litaðir voru af mótsögnum og meintum þrýstingi lögreglu.
Ástralía
Pabai frændi og Paul frændi eru leiðtogar frumbyggjasamfélags í nyrsta hluta Ástralíu, á eyjunum í Torres-sundi. Nú eru heimkynni þeirra í hættu vegna loftslagsbreytinga. Verði ekki gripið til aðgerða strax neyðjast eyjabúar í Torres-sundi að flýja heimaslóðir sínar.
Túnis
Á þeim tveimur árum sem liðin eru frá því að forseti landsins, Kais Saied, tók öll völd í Túnis hafa mannréttindi verið fótum troðin, ráðist hefur verið gegn tjáningarfrelsinu og sjálfstæði dómstóla skert. Chaima Issa gagnrýndi aðgerðir forsetans og var sett í varðhald í kjölfarið. Hún á yfir höfði sér áratugalangt fangelsi.
Sameinuðu arabísku furstadæmin
Ahmed Mansoor vakti reglulega máls á varðhaldi, pyndingum og óréttlátum réttarhöldum yfir einstaklingum sem gagnrýndu stjórnvöld í Sameinuðu arabísku furstadæmunum. Nú er hann einn af gagnrýnendum stjórnvalda sem sitja í fangelsi.
Brasilía
Pedro Henrique var aðgerðasinni og talsmaður kynþáttaréttlætis og mannréttinda. Pedro var 31 árs þegar hann var skotinn til bana af hettuklæddum mönnum í desember 2018. Lögreglumennirnir sem grunaðir eru um morðið eru enn starfandi og réttarhöld eru ekki enn hafin. Ana Maria, móðir hans, berst fyrir réttlæti.
Suður-Afríka
Thapelo Mohapi leiðir grasrótarhreyfinguna AbM sem vinnur að efnahagslegum umbótum í lífi fólks í Suður-Afríku og hefur talað gegn spillingu á svæðinu. Frá árinu 2021 hefur hann neyðst til að vera í felum vegna líflátshótana. Árið 2022 voru þrír meðlimir hreyfingarinnar myrtir.
Kirgistan
Rita Karasartova er baráttukona fyrir mannréttindum í Kirgistan. Hún var mótfallin samkomulagi um landamæri sem veitir Úsbekistan stjórn yfir ferskvatnssvæðum. Núna er hún í stofufangelsi og sætir ströngu útgöngubanni. Hún á yfir höfði sér 15 ára fangelsisvist.
Mjanmar
Maung Sawyeddollah var15 ára þegar hann flúði þjóðernishreinsanir á Róhingjum. Hatursorðræða þar sem hvatt var með beinum hætti til ofbeldis gegn Róhingjum fékk víðtæka dreifingu á Facebook. Hann krefur nú samfélagsmiðilinn um skaðabætur.
Esvatíní
Thulani Maseko helgaði líf sitt fólkinu í Esvatíní, konungsríki þar sem konungsfjölskyldan er einráð og auðug en 60% íbúa lifa undir fátæktarmörkum. Hann gagnrýndi opinberlega kúgandi lög í landinu og ríkisofbeldi. Hann var skotinn til bana fyrir framan konu sína þann 21. janúar 2023.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Fyrir ungt fólk sem vill hafa áhrif minnum við á ungliðahreyfingu Amnesty International en hópar eru starfandi um land allt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
