Myrt af lögreglu

Lögregla drepur áttræða konu með táragassprengju

Zineb Redouane, áttatíu ára gömul kona sem bjó í Marseille í Frakklandi, hafði unun af tónlist og blómum. Að kvöldi dags hinn 1. desember 2018 útbjó Zineb kvöldmat á heimili sínu á fjórðu hæð og spjallaði við dóttur sína í síma á meðan.

Fyrir neðan hafði fólk safnast saman á götum úti til að mótmæla bágbornu húsnæð­is­ástandi í Marseille. Lögreglan beitti tára­gasi til að dreifa mann­skapnum.

Þegar Zineb varð ljóst að heil­mikið táragas barst inn á heim­ilið inn um opinn glugga gekk hún í áttina að glugg­anum til að loka honum. Áður en Zineb tókst að loka glugg­anum varð henni litið út og tók þá eftir tveimur lögreglu­mönnum á götunni fyrir neðan. Annar lögreglu­mað­urinn varpaði tára­gassprengju í áttina að Zineb sem hæfði hana í andlitið.

Zineb var flutt á sjúkrahús með alvar­lega áverka í andliti. Hún var við það að kafna vegna þess að efri gómurinn hafði fallið saman og kjálka­beinið var brotið. Zineb átti að gangast undir bráða­að­gerð en hún fór í hjarta­stopp við svæf­ingu og nokkrum sinnum eftir það. Hún lést að lokum af sárum sínum.

Zineb dó vegna gáleysis lögreglu við beit­ingu tára­gassprengju. Um fjórum árum síðar er rann­sókn á dauða hennar enn í gangi. Enginn hefur verið ákærður eða vikið úr starfi vegna þessa hörmu­lega atburðar.

Fjöl­skylda Zineb bíður enn rétt­lætis.

Krefstu rétt­lætis fyrir Zineb núna!

Þau þurfa þína hjálp!

Þín undirskrift getur bjargað mannslífi