Lífstíðardómur aðgerðasinna
Panusaya Sithijirawattanakul, kölluð Rung sem þýðir regnbogi, er nemandi og áhugafiðluleikari sem hefur lýst sér sem „hógværri og hljóðlátri“ og var áður mjög feimin. Í dag er hún leiðandi rödd í lýðræðishreyfingu ungs fólks í Taílandi.
Rung gerðist pólitískur aðgerðasinni þegar hún stundaði nám í félagsfræði og mannfræði við háskóla í Bangkok, höfuðborg landsins. Óhrædd tók hún þátt í mótmælum til að krefjast félagslegra og pólitískra breytinga allt árið 2020. Í ágúst sama ár var hún orðin leiðtogi mótmælanna. Þúsundir fylgdust með Rung krefjast réttlætis, frelsis og réttar til tjáningar, auk þess að kalla eftir umbótum á konungsríkinu, sem er afar viðkvæmt málefni í Taílandi. Þessi fordæmislausa krafa gerði hana þjóðþekkta en á sama tíma var hún stimpluð sem vandræðaseggur í augum stjórnvalda.
Rung hélt áfram að leiða mótmælin fyrir félagslegum umbótum. Hún var sökuð um að hvetja til ófriðar og var handtekin í mars 2021 á grundvelli laga sem banna gagnrýni á konungsríkið. Hún var fangelsuð í 60 daga og smitaðist þar af Covid-19. Yfirvöld neituðu henni sex sinnum um lausn gegn tryggingu. Hún fór í 38 daga hungurverkfall og var að lokum leyst úr haldi hinn 30. apríl 2021.
Rung stendur frammi fyrir fjölda ákæra og verði hún fundin sek á hún yfir höfði sér lífstíðardóm.
„Um leið og þú stígur inn í fangelsið finnst þér eins og mennska þín sé ekki lengur heil,“ segir Rung.
Krefstu þess að stjórnvöld í Taílandi felli niður allar ákærur á hendur Rung.
Þín undirskrift getur bjargað mannslífi
Rússland
Aleksandra setti upplýsingar um innrás Rússlands í Úkraínu í stórmarkað. Hún situr nú í fangelsi í Rússlandi þar sem aðstæður eru hræðilegar og á yfir höfði sér allt að tíu ára fangelsi verði hún fundin sek.
Simbabve
Vinkonurnar Joanah, Netsai og Cecillia voru handteknar í kjölfar þess að leiða mótmæli. Þær voru þvingaðar í ómerktan bíl, barðar og beittar kynferðisofbeldi. Þær eiga fangelsisdóm yfir höfði sér.
Paragvæ
Yren og Mariana þurfa að berjast gegn mismunun sem trans konur. Þær geta ekki fengið skilríki í samræmi við kynvitund sína. Yren og Mariana krefjast þess að fá lagalega viðurkenningu á því hverjar þær eru.
Bangladess
Shanewaz óttaðist skaðleg umhverfisáhrif sem nýtt orkuver kynni að hafa á þorpið hans. Hann lýsti áhyggjum sínum á Facebook og á nú yfir höfði sér margra ára fangavist.
Frakkland
Hin áttatíu ára gamla Zineb dó vegna gáleysis lögreglu við beitingu táragassprengju á mótmælum fyrir utan heimili hennar. Tæpum fjórum árum síðar hefur enn enginn verið ákærður.
Marokkó
Mannréttindafrömuðurinn Nasser Zefzafi afplánar 20 ára fangelsisdóm fyrir friðsamleg mótmæli. Hann hefur sætt pyndingum og illri meðferð og heilsu hans hefur hrakað við hræðilegar aðstæður í fangelsinu.
Hong Kong
Chow Hang-tung, ung aðgerðakona, afplánar 22 mánuði í fangelsi í Hong Kong fyrir að hvetja fólk til að minnast fórnarlamba stúdentamótmælanna á Torgi hins himneska friðar.
Kamerún
Dorgelesse, einstæð móðir og hárgreiðslukona, var handtekin þegar hún tók þátt í friðsamlegum mótmælum þar sem hún krafðist betri framtíðar. Hún hefur verið í haldi frá september 2020. Hún hlaut fimm ára fangelsisdóm í herrétti.
Kúba
Listamaðurinn Luis Manuel birti myndband á netinu í júli 2021 þar sem hann sagðist ætla að taka þátt í mótmælum í Havana. Hann var handtekinn áður en mótmælin fóru fram og dæmdur í fimm ára fangavist.
Íran
Vahid og tveir bræður hans voru handteknir árið 2018 fyrir þátttöku í friðsamlegum mótmælum gegn ójafnrétti og pólitískri kúgun. Vahid hefur sætt pyndingum og verið í einangrun frá september 2020.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Fyrir ungt fólk sem vill hafa áhrif minnum við á ungliðahreyfingu Amnesty International en hópar eru starfandi um land allt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
