Anna er með BA gráðu í mann­fræði og meist­ara­gráðu í Alþjóða­sam­skiptum og stjórn­mála­fræði. Hún hefur yfirsýn með öllum verk­efnum deild­ar­innar, ber ábyrgð á öllu sem við hin gerum og sinnir daglegum rekstri. Að auki er hún talskona samtak­anna. Hún æfir ballett og badm­inton, er gríð­ar­lega mikið fyrir að fara í húsgagna­versl­anir og talar spænsku. Svo kann hún víst að kafa.

Ef þú hringir á skrif­stofuna er líklegt að Anna Dóra svari. Hún er með eindæmum fjölhæf, kemur við sögu í mörgum verk­efnum og sér um allar skrán­ingar og skipu­lags­vinnu. Hún þýðir líka og skrifar mikið af greinum og er okkar helsti próf­arka­lesari. Anna Dóra er með BA í mann­fræði, veit ekkert skemmti­legra en að ferðast og bjó eitt sinn í Tælandi. Hún talar og skrifar tælensku og hefur prófað teygju­stökk.

Árni er tveggja barna faðir, áhuga­maður um uppeldi og umhverf­ismál. Hann hefur komið víða við og lærði meðal annars leik­stjórn í Bretlandi. Hann starfaði á rás1 í nokkur ár og hefur kennt á öllum skóla­stigum landsins. Þetta kemur allt heim og saman í Amnesty þar sem hann heldur utan um hóp ungl­ið­anna okkar og skipu­leggur með þeim aðgerðir um allan bæ.

Ef við þurfum að vita eitt­hvað þá spyrjum við Bryn­dísi sem þekkir samtökin inn og út enda hefur hún starfað lengst af okkur hjá deild­inni. Sem herferð­ar­stýra ber hún ábyrgð á herferðum deild­ar­innar. Bryndís er með BA í heim­speki og meist­ara­gráðu í mann­rétt­inda­fræðum ásamt diplóma í kennslu­fræðum. Þú finnur Bryn­dísi helst í líkams­rækt­ar­stöðvum landsins enda þarf hún að brenna þessum snúðum sem hún borðar á nótt­unni!

Rúna er hagfræð­ingur með meist­ara­gráðu í alþjóða­lög­fræði og sjálf­bærri þróun. Sem verk­efna­stjóri kemur hún að alls kyns verk­efnum á flestum sviðum deild­ar­innar. Pílates og pasta eru hennar ær og kýr en Rúna hefur alið manninn á Ítalíu síðustu 10 ár. Einnig sér hún um að halda okkur öllum í fanta­formi en hún leiðir viku­legar hádeg­isæfingar.

Sonja er lífefna­fræð­ingur með meist­ara­gráðu í Alþjóða­við­skiptum og mark­aðs­fræði. Sem fjár­öfl­un­ar­stjóri hefur hún umsjón með allri fjár­öflun samtak­anna. Ef þig vantar glænýja Amnesty mynda­véla­hulu eða vilt halda tónleika til styrktar mann­rétt­indum, talaðu við hana. Sonja er matgæð­ingur fram í fing­ur­góma og veit fátt betra en óger­il­sneydda osta og góð rauðvín með.

Vala (Bjarn­freð­ar­dóttir) er með fimm háskóla­gráður. BA í ensku, MA í Alþjóða almanna­tengslum og þrjár diplómur í kennslu­fræðum. Hún hefur lengi unnið við kennslu og fjöl­miðla og er því á réttri hillu hér hjá Amnesty þar sem hún sinnir bæði kennslu og fær að útbúa kennslu­efni. Vala bjó í Tyrklandi áður en hún hóf störf hjá Amnesty, þrátt fyrir það drekkur hún ekki kaffi.

Þórunn er lögfræð­ingur í sálfræði­námi og sinnir ýmsum verk­efnum sem snúa að stjórn­völdum og umsögnum um lög. Hún kemur að verk­efnum á öllum sviðum deild­ar­innar, lætur sér flest varða og er vel upplýst enda alveg sjúk í fréttir. Þórunni er margt til lista lagt en ekki er ólílk­legt að þið sjáið hana þjót­andi um á hjóli, annað hvort með hlað­varp í eyrum eða syngj­andi hress en hún er menntuð djass­söng­kona.