Albert er mennt­aður lögfræð­ingur og starfar nú á lögmanns­stof­unni Claudia & Partners. Áður starfaði hann sem lögfræð­ingur á vegum Rauða krossins á Íslandi. Albert sérhæfir sig í málum sem lúta að mann­rétt­indum og útlend­inga­rétti. Albert á tvær dætur og hans helstu áhugamál eru útivist.

Donika útskrifast sem lögfræð­ingur þann 22. júní og er með sérþekk­ingu á mann­rétt­indum og alþjóða­lögum. Hún starfar á lögmanns­stof­unni Rétti og lætur sig jafn­rétti varða, m.a. með félags­störfum, svo sem fyrir alþjóðanefnd LÍN.

Eva Einars­dóttir er kynn­ing­ar­stjóri hjá Rannís (Rann­sóknamið­stöð Íslands). Eva er með meist­ara­gráðu í stjórn­unar- og viðskipta­fræði (MBA) frá Háskóla Reykja­víkur og gráðu í alþjóð­legri verk­efna­stjórnun  og  í tómstunda- og félags­mála­fræði frá Gauta­borg. Áður var hún meðal annars borg­ar­full­trúi í Reykjavík og hefur fjöl­breytta reynslu af mennta­málum, æsku­lýðs- og íþrótt­a­starfi, af norrænu og evrópsku samstarfi, auk reynslu af kynn­ing­ar­starfi, skipu­lagn­ingu viðburða og vefum­sjón.

Pétur er mennt­aður blaða­maður og bókmennta­fræð­ingur auk þess að hafa bætt við sig diplóma námi í stjórn­mála­fræði. Hann starfaði lengi í fjöl­miðlum en sl. 15 ár hefur hann verið samskipta­stjóri Vega­gerð­ar­innar. Hann hefur starfað innan Amnesty mörg undan­farin ár, fyrst og fremst við söfnun undir­skrifta þegar slík átök fóru að mestu fram í almenn­ings­rýmum. Pétur hefur alla ævi haft bók um hönd og það er hans helsta áhugamál að lesa allskyns bækur. Göngu­ferðir eru í uppá­haldi og jafnast ekkert á við Hornstrandir þegar kemur að þeim. Hann á þrjú uppkomin börn og tvær afast­elpur.

Harpa er mann­fræð­ingur að mennt og er að klára meist­aranám í þróun­ar­fræði. Harpa hefur mikinn áhuga á málefnum fólks á flótta en hún hefur verið sjálf­boða­liði hjá Rauða Kross­inum í verk­efnum með umsækj­endum um alþjóð­lega vernd. Harpa vann eitt sumar hjá Amnesty en lengst af starfaði hún sem flug­freyja meðfram námi. Hún hefur einnig lagt stund á flugnám og kann því að fljúga hvert á land sem er. Harpa á tvö ung börn sem halda henni vel upptek­inni en annars unir hún sér best í sveit­inni með fjöl­skyld­unni eða að skála í freyðivín með vinkonum sínum.

Helena er útskrifuð leik­kona frá The American Academy of Dramatic Arts. Hún er einnig tónlist­ar­kona í dúett­inum Heró. Hún hefur mikla ástríðu fyrir mann­rétt­indum og þekkir mjög vel til Amnesty enda hefur hún verið meðlimur í Ungl­iða­hreyf­ing­unni í mörg ár. Hún er ein af stofn­endum @samstadan sem sameinar unga aktív­ista á samfé­lags­miðlum í ýmsum verk­efnum.

Ólöf er athafna­kona með meist­ara­gráðu í stjórn­unar- og viðskipta­fræðum (MBA). Hún hefur komið að rekstri fyrir­tækja með fjöl­skyldu sinni frá árinu 1985. Fjöl­skyldu­fyr­ir­tæki Ólafar kom t.d. með Trivial Pursuit og Picti­onary spilin inn á íslenskan markað. Í dag beinir fjöl­skyldan sjónum sínum að golf ferða­brans­anum. Ólöf starfaði um árabil í tækni­geir­anum og gengdi ýmsum stjórn­un­ar­stöðum á 25 ára ferli sínum hjá Nýherja/Origo.Í dag rekur Ólöf fyrir­tæki sitt, PAGO hús ehf, en það veitir umhverf­i­s­vænu bygg­ing­ar­efni inn á íslenskan markað og rennir þannig stoðum undir vist­vænni bygg­ingar.