Fréttir
30. júní 2021Alsír: Herjað á aðgerðasinna
Samkvæmt rannsókn Amnesty International hafa alsírsk stjórnvöld herjað á aðgerðasinna sem hafa nýtt rétt sinn til tjáningar eða friðsamlegra mótmæla fyrir kosningar sem fram fóru þann 12. júní síðastliðinn. Að minnsta kosti 37 aðgerðasinnar voru handteknir með óréttmætum hætti fyrir þátttöku í mótmælum eða gagnrýni á stjórnvöld á tímabilinu 26. mars til 26. maí 2021. Auk þess voru a.m.k. 273 aðgerðasinnar enn í haldi í lok júní 2021.
Frá apríl 2021 hafa alsírsk stjórnvöld í auknum mæli beitt ákærum á borð við „hryðjuverk“ eða „samsæri gegn ríkinu“ til að lögsækja aðgerðasinna í Hirak-mótmælahreyfingunni og aðra mannréttindafrömuði. Samkvæmt rannsókn Amnesty International hafa a.m.k. 17 aðgerðasinnar verið ákærðir fyrir „hryðjuverk“ frá því í mars 2021. Þeirra á meðal er lögfræðingurinn Abderraouf Arslane og mannréttindafrömuðirnir Kaddour Chouicha, Jamila Loukil and Said Boudour sem voru ákærð þann 28. apríl ásamt 12 aðgerðasinnum úr Hirak-mótmælahreyfingunni.
breyting á lögum
Breytingar voru gerðar á hegningarlögum þann 8. júní 2021 þar sem skilgreining á hryðjuverkum var gerð víðtækari, þar á meðal „tilraun til að ná völdum eða gera breytingar á stjórnkerfinu sem samræmist ekki stjórnskipunarlögum“.
Þessi víðtæka skilgreining gæti leitt til þess að friðsamleg gagnrýni, þar sem kallað er eftir breytingum hjá stjórnvöldum, teljist vera glæpur og að Hirak-mótmælahreyfingin sem hefur kallað eftir róttækum pólitískum breytingum í Alsír verði í raun bönnuð.
„Þessar aðgerðir stjórnvalda í Alsír til að stimpla friðsamlega aðgerðasinna sem hryðjuverkafólk og kapp þeirra við að víkka lagalega skilgreiningu á hryðjuverkum sýna á hrollvekjandi hátt einbeittan vilja stjórnvalda til að þagga niður í friðsamlegum gagnrýnendum með kúgun og útrýma allri pólitískri andstöðu.“
Amna Guellali, starfandi framkvæmdastjóri Miðausturlanda og Norður-Afríkudeildar.
Ákall
Stjórnvöld verða a binda enda á þessa aðför gegn friðsamlegum mótmælendum, fjölmiðlafólki og aðgerðasinnum. Það verður að leysa úr haldi alla einstaklinga sem eru í haldi fyrir það eitt að nýta sér rétt til tjáningar og friðsamlegra mótmæla og fella niður ákærur á hendur þeim.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu