Fréttir

26. mars 2020

Kórónu­veira: Nýtum tímann vel

Aðstæður í samfé­laginu eru óvenju­legar og án fordæmis. Áhrifin vegna útbreiðslu COVID-19 má finna hér á landi og um heim allan.

Margt fólk þarf að halda sig heima fyrir í sóttkví og yfir­stand­andi samkomu­bann hefur áhrif á alla hópa samfé­lagsins. Viðkvæmir hópar finna því miður oft verst fyrir áhrif­unum. Aukin hætta er á heim­il­isof­beldi og fjár­hags­legt óöryggi og fjar­lægð frá ástvinum getur valdið kvíða í þessari óvissu.

Samstaða er enn mikil­vægari á þessum óvissu­tímum. Látum óttann ekki taka yfir­höndina og nýtum tímann í það sem er uppbyggi­legt.

Sex dæmi um uppbyggilega nýtingu á tíma

1. Deildu því sem er jákvætt og veitir gleði og von

Það getur reynt á að fylgjast með fréttum þessa dagana. Það er því ekki úr vegi að deila á samfé­lags­miðlum færslum um þá jákvæðu samstöðu sem ríkir í samfé­laginu þessa dagana eða jákvæðri frétt sem varð á vegi þínum. Þú getur einnig tekið þátt í bangsa­leit og sett bangsa út í gluggann hjá þér til að gleðja börn í göngu­ferðum. Skráðu þig í viðburðinn Bangsa­leit á höfuð­borg­ar­svæðinu á Face­book.

Mörg dæmi eru um samstöðuna hérlendis líkt og erlendis. Tónlistar­fólk á Íslandi syngur fyrir eldri borgara í einangrun, fólk hefur boðið fram aðstoð sína við innkaup fyrir þá sem þurfa á því að halda, fólk býður húsnæði án endur­gjalds til þeirra sem þurfa  að vera í sóttkví, fyrir­tæki senda gjafir á sjúkrahús og öldrun­ar­heimili, matsölustaðir veita heil­brigð­is­starfs­fólki frían mat eða afslátt og almenn­ingur hvetur til stuðn­ings við við veit­inga­staði og lista­fólk sem verða af tekjum.

2. Skrifaðu undir mikilvæg mál

Mann­rétt­inda­bar­áttan heldur áfram. Mann­rétt­inda­brot eiga sér enn stað víða um heim. Leggðu mann­rétt­inda­bar­átt­unni lið með undir­skrift þinni. Þú getur skrifað undir mikilvæg mál og þannig þrýst á stjórn­völd að virða mann­rétt­indi.

Farand­fólk og umsækj­endur um alþjóða­lega vernd í varð­haldi í hættu vegna COVID-19 í Banda­ríkj­unum. Hrein­læti í varð­haldsmið­stöðv­unum er ófull­nægj­andi, lækn­is­þjón­usta er skert og stöðv­arnar eru yfir­fullar af fólki. Krefstu þess að banda­rísk stjórn­völd veiti þeim vernd.

Ofsóknir Kína gegn Úígúrum og öðrum múslimskum minni­hluta­hópum. Fjöldi fólks hefur verið sendur í svokall­aðar endur­mennt­un­ar­búðir þar sem brotið er á mann­rétt­indum þess. Krefstu þess að kínversk stjórn­völd hætti ofsóknum gegn þessum hópum.

Julian Assange á yfir höfði sér að vera fram­seldur til Banda­ríkj­anna þar sem hann á í hættu á að verða fyrir mann­rétt­inda­brotum. Hann er ákærður vegna birt­ingar gagna á Wiki­leaks, m.a. upplýs­inga um mögu­lega stríðs­glæpi banda­ríska hersins. Þessar ákærur gætu haft hroll­vekj­andi afleið­ingar fyrir tján­ing­ar­frelsið. Krefstu þess að Banda­ríkin felli niður allar ákærur á hendum honum.

3. Fræddu þig

Hefur þú meiri tíma til aflögu? Endi­lega nýttu tímann í að fræðast betur um mann­rétt­indi. Öll fjöl­skyldan getur farið saman í gegnum fræðslu­efni Íslands­deildar Amnesty Internati­onal sem er á íslensku. Hægt er að leita eftir málefnum sem vekja áhuga og eftir aldurs­hópum.

Dæmi um málefni: Flótta­fólk, rétt­indi barna og jafn­rétti

Eins bendum við á ýmis örnám­skeið Amnesty Internati­onal á ýmsum tungu­málum. Flest eru á ensku en einnig á öðrum tungu­málum. Von bráðar verður þar í boði örnám­skeið á íslensku.

Dæmi um örnám­skeið:

  • Kynning á mann­rétt­indum
  • COVID-19 og mann­rétt­indi
  • Tækni og mann­rétt­indi
  • Tján­ing­ar­frelsi

4. Lærðu af mynd­böndum

Ekki mikið fyrir að lesa? Hvað með að horfa á mynd­bönd? Fyrir þá sem eru góðir í ensku þá er Amnesty Internati­onal með fræðslu á ensku um ýmis­legt, t.d. hvernig er að vera aðgerðasinni og hvernig á að sjá í gegnum falskar fréttir.

Þar má einnig finna mynd­bönd sem greina frá mann­rétt­inda­brotum víða um heim. Dæmi um málefni eru mótmælin í Chile og harka­legar aðgerðir stjórn­valda, land­töku­svæði í Palestínu og ferða­manna­iðn­aður, átök í Sýrland og pálma­ol­í­u­ræktun í Indó­nesíu.

5. Veittu hjálp­ar­hönd

Hægt er að nýta tæknina til að veita öðrum ráðgjöf á samfé­lags­miðlum og í gegnum ýmis samskipta­forrit. Hefur þú nægi­legu þekk­ingu til að aðstoða aðra, sem þurfa á því að halda, að nýta sér þessa mögu­leika betur, t.d. eldra fólk? Bentu á áreið­an­legar síður til að leita eftir ráðum. Beindu fólki á hópa á netinu þangað sem fólk getur leitað eftir stuðn­ingi og spjallað.

6. Sýnum samstöðu og skilning

Það er mikil­vægt að við sem samfélag stöndum vörð um mann­rétt­indi og hugum að þeim sem minna mega sín. Við getum öll lagt okkar af mörkum.

  • Verum góð hvert við annað, sýnum hvert öðru skilning og virð­ingu.
  • Verum til staðar fyrir fólk sem gæti fundið til einmana­leika.
  • Dreifum réttum upplýs­ingum frá sérfræð­ingum til að koma í veg fyrir misvís­andi upplýs­ingar. Fylgjum leið­bein­ingum sérfræð­inga og verndum þannig viðkvæma hópa frá smiti.

Lestu einnig