75 ára spænskur sjálfboðaliði, Mariano García Calatayud, sem sinnti mannúðarstarfi í borginni Kherson í Úkraínu var handtekinn af rússneskum yfirvöldum þann 19. mars 2022.

Í fyrsta lagi tekur deildin heilshugar undir öll þau sjónarmið Mannréttindaskrifstofu Íslands sem koma fram í umsögn hennar um reglugerðardrögin. Breytingarnar sem um er að ræða eru að mestu leyti teknar orðrétt upp úr lögskýringargögnum sem þegar ber að skoða við túlkun laganna sem reglugerðin byggir á. Þó er nokkrum veigamiklum atriðum úr greinargerð með lögunum sleppt. Virðast tillagðar breytingar því þjóna litlum tilgangi öðrum en þeim að draga úr möguleikum tiltekins hóps á mannúðarleyfi, umfram skýran vilja löggjafans.

Íslandsdeild Amnesty International fagnar frumvarpi til laga um Mannréttindastofnun Íslands. Samtökin hvetja til þess að lagasetningunni verði komið á sem fyrst og minna á að á íslenskum stjórnvöldum hvílir þjóðréttarleg skylda til að setja á fót mannréttindastofnun sem uppfyllir Parísarviðmið Sameinuðu þjóðanna.

Helgina 24.-25. júní hélt ungliðahreyfing Íslandsdeildar Amnesty International mannréttindasmiðju fyrir ungt fólk á aldrinum 15 til 18 ára. Í smiðjunni, sem var haldin á Elliðavatnsbæ í Heiðmörk, lærðu þrettán ungmenni um skipulagningu aðgerða í þágu mannréttinda undir leiðsögn Árna Kristjánssonar ungliða- og aðgerðastjóra, Asks Hrafns Hannessonar forseta ungliðahreyfingarinnar og Írisar Bjarkar Ágústsdóttur forseta Háskólafélags Amnesty International.

„Evrópuþingið hefur sent skýr skilaboð þess efnis að það hafi í hyggju að tryggja þeim sem sætt hafa mannréttindabrotum af hálfu fyrirtækja réttlæti“, sagði Hannah Storey, ráðgjafi um stefnumál Amnesty International er varðar mannréttindi og viðskipti þegar Evrópuþingið greiddi atkvæði með tilskipun um  ábyrgð fyrirtækja á mannréttindum og umhverfinu.

Ungliðahreyfing Íslandsdeildar Amnesty International stendur fyrir Mannréttindasmiðju í fyrsta sinn síðan heimsfaraldurinn skall á. Markmið smiðjunnar er að gefa ungu fólki sem brennur fyrir mannréttindum vettvang til að efla eigin rödd og tjáningu og vinna saman með skipulögðum og ánægjulegum hætti í þágu mannréttinda.

Samar í Noregi berjast fyrir lausn á máli sínu vegna vind­mylla sem reistar voru á beitilendi fyrir hrein­dýra­rækt samanna. Samar eru frum­byggjar á svæðum í Noregi, Svíþjóð, Finn­landi og Rússlandi. Maja óttast að vind­myll­urnar valdi menn­ingu Sama og búrekstri hrein­dýra stórskaða. Norsk stjórn­völd þurfa að bregðast við á meðan enn er tími til stefnu.

Í tilefni af leiðtogafundi Evrópuráðsins sem haldinn er 16. og 17. maí  í Reykjavík kallar Amnesty International eftir því eftir því að gripið verði til aðgerða vegna fimm eftirfarandi atriða sem samtökin hafa fjallað um  seinustu vikur: sterkari vernd borgaralegra réttinda, verndun og styrking óháðra dómskerfa, viðnám við bakslagi í jafnrétti kynjanna, nýtt framtak til að auka áhrif Evrópuráðsins og að gerendur stríðsglæpa verði dregnir fyrir sjálfstæða, hlutlausa og sanngjarna dómstóla. 

Í tilefni af leiðtogafundi Evrópuráðsins sem haldinn verður í Reykjavík í næstu viku  kallar Amnesty International eftir nýjum aðgerðum til að auka áhrif Evrópuráðsins. 

Í tilefni af leiðtogafundi Evrópuráðsins sem haldinn verður í Reykjavík um miðjan maí kallar Amnesty International eftir viðnámi við bakslagi í jafnrétti kynjanna. Stjórnvöld um alla Evrópu hafa í auknum mæli á síðustu árum takmarkað kvenréttindi og réttindi hinsegin fólks.  

Í tilefni af leiðtogafundi Evrópuráðsins sem haldinn verður í Reykjavík 16.-17. maí kallar Amnesty International eftir vernd og styrkingu óháðra dómskerfa í löndum Evrópuráðsins til að standa vörð um mannréttindi. Mannréttindadómstóll Evrópu er mikilvægur til að standa vörð um mannréttindalöggjöf í Evrópu en stóraukinn málafjöldi sem ratar til Mannréttindadómstólsins ber merki þess að sjálfstæði og hlutleysi dómstóla aðildarríkjanna sé ekki trygg.

Í tilefni af leiðtogafundi Evrópuráðsins sem haldinn verður í Reykjavík í maí næstkomandi kallar Amnesty International eftir sterkari vernd borgaralegra réttinda.