Ungliðahreyfing Íslandsdeildar Amnesty International var með mannréttindagjörning fyrir utan Alþingishúsið í hádeginu þann 9. desember.

Á síðastliðnu ári var Norræna ungliðaráð Amnesty International stofnað og í því sitja tveir ungliðar frá Danmörku, Finnlandi, Íslandi, Noregi og Svíþjóð. Markmið ungliðaráðsins er að gefa ungu fólki vettvang til að kynnast hvert öðru, efla leiðtogahæfileika sína og hafa áhrif á mannréttindastarf Amnesty International á Norðurlöndunum. 

Mannréttindasmiðjan er vettvangur fyrir ungt fólk á aldrinum 14-18 ára, sem brennur fyrir mannréttindum.

Helgina 24.-25. júní hélt ungliðahreyfing Íslandsdeildar Amnesty International mannréttindasmiðju fyrir ungt fólk á aldrinum 15 til 18 ára. Í smiðjunni, sem var haldin á Elliðavatnsbæ í Heiðmörk, lærðu þrettán ungmenni um skipulagningu aðgerða í þágu mannréttinda undir leiðsögn Árna Kristjánssonar ungliða- og aðgerðastjóra, Asks Hrafns Hannessonar forseta ungliðahreyfingarinnar og Írisar Bjarkar Ágústsdóttur forseta Háskólafélags Amnesty International.

Ungliðahreyfing Íslandsdeildar Amnesty International stendur fyrir Mannréttindasmiðju í fyrsta sinn síðan heimsfaraldurinn skall á. Markmið smiðjunnar er að gefa ungu fólki sem brennur fyrir mannréttindum vettvang til að efla eigin rödd og tjáningu og vinna saman með skipulögðum og ánægjulegum hætti í þágu mannréttinda.

Opnað hefur verið fyrir umsóknir á Norrænu ungliðaráðstefnuna sem í ár verður haldin í Finnlandi. Umsóknarfrestur er til 2. maí, 2022.Norræna ungliðaráðstefnan, Nordic Youth Conference, er árleg ráðstefna fyrir ungt fólk á aldrinum 16-24 ára frá Finnlandi, Noregi, Danmörk, Íslandi og Færeyjum. Ár hvert hittast um fimmtíu ungliðar og læra um mannréttindi og aðgerðastarf. Í ár verður ráðstefnan haldin í Tuusula í Finnlandi, sem er í nágrenni Helsinki, dagana 27. júní til 1. júlí.

Síðastliðinn laugardag komu aðgerðasinnar saman víða um heim til að sýna afgönskum borgurum samstöðu. Refugees in Iceland, No borders og Solaris stóðu fyrir samstöðufundi hér á landi og mættu einnig aðgerðasinnar frá Ungliðahreyfingu Íslandsdeildar Amnesty International og grasrótarhópi sem kallar sig Samstaðan. Samstöðufundurinn hófst með kröfugöngu frá Hlemmi niður að Austurvelli. Opið var fyrir óformleg ræðuhöld sem endaði með afgönskum hópsöng sem snerti hjörtu viðstaddra á Austurvelli.

Ungliðahreyfing Íslandsdeildar Amnesty er aftur komin á skrið eftir að hafa legið í dvala yfir veturinn. Ungliðastarfið felst í því að vekja athygli á og kalla eftir aðgerðum í málum sem tengjast mannréttindabaráttu víðsvegar um heim, en einnig að fræðast og fræða aðra um stöðu mannréttinda á Íslandi. Það verður viðburðaríkur maímánuður hjá ungliðahreyfingu Íslandsdeilarinnar og er markmiðið að fá inn fleiri nýja ungliða til að spreyta sig á mannréttindastarfi í sumar.

Í maí hefst ungliðastarf Amnesty International af fullum krafti og  ungu fólki á aldrinum 14-24 ára er velkomið að taka þátt.

Íslandsdeild Amnesty International kynnir með stolti fyrsta fulltrúa deildarinnar í Global Youth Collective, alþjóðlegu ungmennaráði Amnesty International. Þórhildur Elísabet Þórsdóttir var valin í byrjun maí sem fulltrúi okkar í ráðinu. Hún hefur verið meðlimur ungliðahreyfingar Íslandsdeildarinnar um langt skeið og sinnt þar ýmsum sjálfboðaliða- og aðgerðastörfum. Hún var formaður stjórnar ungliðahreyfingarinnar frá 2016 til 2019, verið fulltrúi deildarinnar á ráðstefnum og fundum erlendis og stofnaði Háskólafélag Amnesty í Háskóla Íslands ásamt öðrum haustið 2018. Þórhildur situr nú í aðalstjórn Íslandsdeildarinnar og er jafnframt yngsti stjórnarmeðlimurinn en hún var aðeins 19 ára þegar hún var kosin í stjórnina í mars 2019.

Dagana 13. – 17. júlí sóttu þær Þórkatla Haraldsdóttir og Arndís Ósk Magnúsdóttir ráðstefnuna  European Youth Meeting (EYM) fyrir hönd Íslandsdeildar Amnesty International.

Laugardaginn 13. júlí stendur ungliðahreyfing Íslandsdeildar Amnesty International fyrir Mannréttindamaraþoni. Farin verður um fimm kílómetra löng leið á milli 5 sendiráða í miðborg Reykjavíkur. Við hvert sendiráð verða sjálfboðaliðar frá ungliðahreyfingunni og þar munu hlauparar skrifa undir mál sem snúa að löndum sendiráðanna og hafa þannig áhrif á mannréttindabaráttuna.