Ekvador

Ekvador: Verndum umhverfissinna í Amason-regnskóginum

Þær Patricia Gual­inga, Nema Grefa, Salomé Aranda og Margoth Escobar hætta lífi sínu og fjöl­skyldna sinna daglega við störf sín í Amason-skóg­inum. Störf þeirra felast í því að vernda stærsta regn­skóg heims með því að berjast gegn póli­tískum og efna­hags­legum öflum sem tengjast jarð­efna­vinnslu á land­svæðum frum­byggja í Amason.

Árið 2018 urðu þær fyrir ítrek­uðum árásum og fengu morð­hót­anir frá ónafn­greindum aðilum. Meira en ár er liðið frá þessum árásum og hafa stjórn­völd í Ekvador brugðist skyldu sinni að vernda þær og finna hina seku.

Tugir hópa sem saman­standa af konum á Amason-svæðinu vinna að því að vernda skóg­lendið sem er heimili hundraða frum­byggja­sam­fé­laga, þúsunda dýra­teg­unda og er helm­ingur allra regn­skóga heims. Umfangs­mikil olíu­vinnsla, námugröftur og skóg­ar­högg eru mikil ógn við lífríki og mann­rétt­indi fólks á svæðinu.

Til þess að standa í hárinu á hags­muna­öflum og vinna að verndun svæð­isins setja konurnar sig og fjöl­skyldur sínar í mikla hættu á hverjum degi. Árásir á hendur umhverf­is­sinnum hafa ekki verið rann­sak­aðar til hlítar og yfir­völd veita ekki næga vernd fyrir fólkið.

Þrátt fyrir refsi­leysið, hótanir og árásir í garð kvenna­hóp­anna hefur ein þeirra, Patricia Gual­inga sagt að þær muni ekki gefast upp, „samein­aðar munum við halda áfram að berjast fyrir verndun Móður Jarðar“.

Forseti Ekvador, Lenín Moreno og ríkis­sak­sóknari landsins, Diana Salazar hafa völd til að gera breyt­ingar á ástandinu með því að veita mann­rétt­inda- og umhverf­is­vernd­ar­sinnum vernd við störf sín og þau geta einnig farið fram á að árás­irnar verði rann­sak­aðar.

Krefstu þess að ríkis­sak­sóknari Ekvador, Diana Salazar veiti mann­rétt­inda- og umhverf­is­vernd­ar­sinnum í Amason-regn­skóg­inum vernd og rann­saki árásir á hendur þeim!

Þau þurfa þína hjálp!

Þín undirskrift getur bjargað mannslífi

Rússland

Rússland: Heilsu Tatara í haldi hrakar

Edem Bekirov Tatari frá Krímskaga, hefur setið í varðhaldi í borginni Simferopol frá því að rússneskar öryggissveitir handtóku hann þann 12. desember 2018. Edem Bekirov notast við hjólastól og glímir við alvarleg heilsufarsvandamál og krefst sérhæfðrar læknisaðstoðar sem stendur honum ekki til boða í varðhaldinu. Eftir síðustu heimsóknina, 24. maí s.l. lýsti lögfræðingur Edem áhyggjum yfir heilsu hans sem færi verulega hrakandi.

Tæland

Tæland: Kærð fyrir að koma upp um brot á réttindum launþega

Mannréttindabaráttufólk, aðgerðarsinnar, blaðamenn og fyrrum starfsmenn fyrirtækisins Thammakaset Co. Ltd, kjúklingabú staðsett á mið Tælandi, hafa verið kærð fyrir ærumeiðingar eftir að þau upplýstu um um brot á réttindum launþega fyrirtækisins. Nan Win, fyrrum starfsmaður fyrirtækisins og Sutharee Wannasiri mannréttindasérfræðingur og fyrrum starfsmaður Amnesty International í Tælandi fóru fyrir rétt þann 24. maí síðast liðinn en Tun Tun Win, innflytjandi frá Mjanmar fór fyrir rétt þann 5. júní. Þau þrjú ásamt 22 öðrum einstaklingum hafa verið kærð af fyrirtækinu.

Ekvador

Ekvador: Verndum umhverfissinna í Amason-regnskóginum

Þær Patricia Gualinga, Nema Grefa, Salomé Aranda og Margoth Escobar hætta lífi sínu og fjölskyldna sinna daglega við störf sín í Amason-skóginum. Störf þeirra felast í því að vernda stærsta regnskóg heims með því að berjast gegn pólitískum og efnahagslegum öflum sem tengjast jarðefnavinnslu á landsvæðum frumbyggja í Amason.

Palestína

Palestína: Þrýstu á ísraelsk stjórnvöld að aflétta herkvínni á Gaza!

Alaa, sem er 21 árs, átti sér draum um að keppa fyrir hönd þjóðar sinnar í alþjóðlegri hjólakeppni en hann á erfitt með að sjá framtíð sína fyrir sér. Alaa hefur ekki tækifæri á að vera fulltrúi síns lands á alþjóðavettvangi vegna ástandsins á Gaza sem skerðir ferðafrelsi fólks eins og Alaa. Hann er einn af tveimur milljónum Palestínumanna sem hefur í 11 ár búið í herkví Ísraels á Gaza.

Filippseyjar

Filippseyjar: Stöðvum árásir á mannréttindasinna

Þann 22. apríl fékk mannréttindasinninn Christina Palabay textaskilaboð frá nafnlausum aðila þar sem hún var vöruð við því að hún og nokkrir aðrir sem tilheyra mannréttindasamtökunum Karapatan á Filippseyjum verði myrt á þessu ári. Nokkrum klukkustundum áður var meðlimur Karapatan, Bernadino Patigas, skotinn til bana í borginni Escalante í Negros-héraðinu í norðuhluta Filippseyja.

Danmörk

Danmörk: Kynlíf án samþykkis er nauðgun

Dönsk stjórnvöld hafa ekki sett samþykki í forgrunn við skilgreiningu á hugtakinu nauðgun í hegningarlögum landsins. Lögin vísa eingöngu til ofbeldis eða hótana. Aðeins 8 lönd af 31 Evrópulandi hafa sett kröfu um samþykki við skilgreiningu á hugtakinu nauðgun og er Ísland eitt þeirra.

Bandaríkin

Bandaríkin: Fjölskyldur þurfa samkennd, ekki meira ofbeldi

Þúsundir einstaklinga frá Mið-Ameríku, fjölskyldur þar á meðal, neyðast til að flýja heimkynni sín og allt það sem er þeim kunnulegt og kært í leit að öryggi og betra lífi fyrir sig og börnin sín.