Útvarpsmaðurinn „Giggs“ Edmund Wan, sem hefur verið í haldi í rúma 19 mánuði, var dæmdur í 32 mánaða fangelsi fyrir uppreisnaráróður og peningaþvætti þann 7. október 2022. 

Mótmæli hafa brotist út á landsvísu í Íran í kjölfar þess að hin 22 ára gamla Mahsa (Zhina) Amini lét lífið í varðhaldi yfirvalda. Írönsk yfirvöld hafa brugðist grimmilega við mótmælunum. Við krefjumst þess að alþjóðasamfélagið grípi til aðgerða.

Samviskufanginn Sergey Tihanovski er vinsæll bloggari sem hefur gagnrýnt hvítrússnesk stjórnvöld. Sviatlana Tsikhanouskaya, eiginkona hans, er í útlegð sem leiðtogi stjórnarandstöðunnar. Sergey var handtekinn að geðþótta í maí 2020 og ranglega dæmdur í 18 ára fangelsi.

Nasta Loika, baráttukona fyrir mannréttindum frá Hvíta-Rússlandi, hefur verið í haldi að geðþótta frá 6. september 2022 fyrir uppspunnar ákærur um „minniháttar óspektir“. Henni er neitað um  nauðsynjavörur og læknisaðstoð sem hún þarfnast. Hún fær auk þess ekki aðgang að lögfræðingi sínum. Nasta Loika er skotmark stjórnvalda einungis vegna mannréttindabaráttu sinnar og skal tafarlaust vera leyst úr haldi.

Á enskumælandi svæðum Kamerún hefur verið herjað á stuðningsfólk stærsta stjórnarandstöðuflokks landsins, mannréttindafrömuði, aðgerðasinna og mótmælendur fyrir það eitt að nýta sér tjáningarfrelsið og réttinn til að mótmæla friðsamlega. Rúmlega hundrað einstaklingar hafa verið handteknir að geðþótta.

Fordæmalaus og vaxandi ógn steðjar að réttinum til að mótmæla um heim allan, að sögn Amnesty International sem ýtir nýrri herferð úr vör í dag til að sporna gegn tilraunum stjórnvalda til að grafa undan þessum grundvallarrétti. Þessi alþjóðlega herferð styður við herferð sem Íslandsdeild Amnesty International hóf í fyrra og ber heitið: Án mótmæla verða engar breytingar.

Rannsaka þarf morðið á Kevin Agudelo sem átti sér stað í aðgerðum lögreglu. Þúsundir fólks fór út á götur í þjóðarverkfalli í mörgum borgum Kólumbíu árið 2021 til að krefjast réttar síns. Viðbrögð stjórnvalda var að ráðast á og refsa þeim einstaklingum sem létu í sér heyra. Flest mannréttindabrot í tengslum við mótmælin áttu sér stað í borginni Cali. 

Aisha el-Shater, 41 árs dóttir leiðtoga Múslímska bræðralagsins (Muslim Brotherhood), og eiginmaður hennar Mohamed Abo Horeira hafa verið í haldi í rúm þrjú og hálft ár vegna fjölskyldutengsla við bræðralagið og fyrir að nýta mannréttindi sín með friðsamlegum hætti. Mál þeirra er nú fyrir neyðarrétti vegna falskra ákæra.

Mohamed Rusthum Mujuthaba, 39 ára aðgerða- og friðarsinni, á yfir höfði sér fimm mánaða fangelsi fyrir guðlast. Hann var í haldi í meira en sex mánuði áður en hann fór fyrir dóm. Stjórnvöld verða að fella niður ákærur gegn honum.

Marfa Rabkova er baráttukona fyrir mannréttindum í Hvíta-Rússlandi og hefur unnið fyrir Viasna, hreyfingu sjálfboðaliða, sem er einn öflugasti mannréttindahópurinn í Hvíta-Rússlandi. Viasna fylgist með og skráir mannréttindabrot í landinu. Marfa var handtekin að geðþótta þann 17. september 2020 og hefur verið í varðhaldi síðan og bíður réttarhalda. Hún á yfir höfði sér 12 ára fangelsisdóm verði hún dæmd sek fyrir upplognar sakir.

Samkvæmt ársskýrslu Amnesty International fyrir árið 2021 um málefni Evrópu og Mið-Asíu sætti baráttufólk fyrir mannréttindum stöðugum árásum og var spjótum beint sérstaklega að friðsömum mótmælendum, fjölmiðlafólki, dómurum og borgaralegum samtökum með það að markmiði að bæla niður andóf í stað þess að takast á við rótgróinn ójöfnuð til að hægt væri að rísa upp úr kórónuveirufaraldrinum með sanngjörnum hætti. Á svæðinu var rekin aukin valdboðsstefna undir yfirskini verndar gegn kórónuveirufaraldrinum. 

Í dag fer af stað herferð á samfélagsmiðlum til að vekja athygli á teiknimyndum Amnesty, Má bjóða þér mannréttindi? Framleidd voru sex myndbönd sem fjalla um sögur einstaklinga sem hafa orðið fyrir mannréttindabrotum.