Amnesty International kallar eftir því að alþjóðasamfélagið fordæmi beitingu banvæns ofbeldis af hálfu öryggissveita Írans sem hefur valdið dauða 143 mótmælanda frá því mótmæli hófust 15. nóvember síðastliðinn. Amnesty International telur dauðsföllin jafnvel enn fleiri og fylgist grannt með málum.

Sihan Sergiwa, þingkona og baráttukona fyrir mannréttindum, hvarf sporlaust þann 17. júlí 2019 í Benghazi eftir að vopnaðir menn réðust inn á heimili hennar. Þetta var rétt eftir að hún hafði opinberlega gagnrýnt sjálfskipaðan þjóðarher Líbíu fyrir að hernema borgina Trípolí. Talið er að mennirnir tengist þessum her.

Þann 22. september 2019 handtóku óeinkennisklæddir lögreglumenn mannréttindalögfræðinginn og aðgerðasinnann Mahienour el-Masry þegar hún var að ganga út úr byggingu saksóknara í borginni Alexandríu. Saksóknari yfirheyrði síðan Mahienour el-Masry út af ákærum á hendur henni sem enginn fótur er fyrir, þar á meðal fyrir „að aðstoða hryðjuverkahóp“, og „dreifingu á fölskum fréttum“ í máli sem tengist mótmælum gegn ríkisstjórn Egyptalands sem fram fóru í mars 2019. Saksóknarinn fyrirskipaði 15 daga varðhald yfir henni í Al Qanater kvennafangelsi á meðan að rannsókn stæði yfir.

Amnesty International þrýstir á TripAdvisor að taka út skráningar á síðu sinni á ferðamannastöðum á landtökusvæðum Ísraels. Landtökusvæði Ísraela á hernumdu svæðum Palestínu eru ólögleg og valda þjáningum Palestínubúa. Hvað eru hernumdu svæði Palestínu, hvers vegna eru landtökusvæði Ísraela ólögleg og hvaða þjáningum valda þau?

Amnesty International hvetur starfsfólk TripAdvisor til að krefjast þess að fyrirtækið hætti að græða á stríðsglæpum með skráningum ferðamannastaða og gistingar á landtökusvæðum Ísraels á hernumdu svæðum Palestínu.

Átján ára unglingur, Daniel Zeinolabedini, sem er í haldi í Mahabad-fangelsi í Vestur-Azerbaijan héraði í Íran, á hættu á að vera tekinn af lífi. Hann var dæmdur til dauða fyrir manndráp í júní 2018 eftir ósanngjörn réttarhöld þegar hann var aðeins 17 ára. Aftaka væri alvarlegt brot á alþjóðalögum.

Áfrýjunardómstóll í Bretlandi kvað upp úrskurð nýverið um að ákvörðun breskra stjórnvalda um að leyfa vopnaútflutning til Sádi-Arabíu væri ólögmæt.

Í mars síðastliðnum var ár liðið frá því að vikuleg mótmæli hófust á Gaza til að kalla eftir því að ólöglegri herkví á Gaza yrði aflétt og  palestínsku flóttafólki leyft að snúa aftur á landsvæði sem það var hrakið frá fyrir rúmum 70 árum síðan. Enn eru eru þúsundir óbreyttra borgara enn að takast á við afleiðingar grimmilegra aðgerða Ísraelsríkis, sem hefur ekki enn verið dregið til ábyrgðar.

Fyrirtæki eins og Airbnb, Booking.com, Expedia og TripAdvisor eru með á skrá fjölda hótela, gististaða, ferðamannastaða og skoðunarferða á landtökusvæðum Ísraela á hernumdu svæðum Palestínu vitandi það að landtökusvæði Ísraela eru ólögleg og stríðsglæpur samkvæmt alþjóðlegum lögum.    

Malak al Kashef er 19 ára trans kona frá Egyptalandi sem haldið er í karlafangelsi eftir að hafa verið ranglega sökuð um glæp. Malak er mannréttindasinni og þekkt fyrir hugrekki í baráttu sinni fyrir réttindum hinsegin fólks í Egyptalandi.

Þrjár baráttukonur fyrir mannréttindum voru nýverið leystar úr haldi í Sádi-Arabíu. Þær leiddu baráttu fyrir réttindum kvenna til að keyra, til að binda enda á mismunun gegn konum og forræði karlmanna yfir konum.

Nasrin Sotoudeh, virtur mannréttindalögfræðingur,  var dæmd í 38 ára fangelsi og til að þola 148 svipuhögg eftir tvö óréttlát réttarhöld. Ákærur á hendur henni má eingöngu rekja til friðsamlegra mannréttindastarfa hennar, þar á meðal baráttu hennar fyrir réttindum kvenna og andstöðu við dauðarefsingunni.