Laugardaginn 13. júlí stendur ungliðahreyfing Íslandsdeildar Amnesty International fyrir Mannréttindamaraþoni. Farin verður um fimm kílómetra löng leið á milli 5 sendiráða í miðborg Reykjavíkur. Við hvert sendiráð verða sjálfboðaliðar frá ungliðahreyfingunni og þar munu hlauparar skrifa undir mál sem snúa að löndum sendiráðanna og hafa þannig áhrif á mannréttindabaráttuna.
Í dag, þann 4. júlí 2019, sendi ungliðahreyfing Amnesty International ásamt ungmennaráði UNICEF á Íslandi, ungmennaráði Barnaheilla og ráðgjafarhóps Umboðsmanns barna frá sér sameiginlega yfirlýsingu vegna brottvísana barna á flótta aftur til Grikklands. Ungmennaráðin skora á yfirvöld að grípa til aðgerða og vernda börn á flótta eins og þeim ber skylda til, sama hvað það kostar.
Íslandsdeild Amnesty International fagnar löngu tímabærum lögum um kynrænt sjálfræði sem samþykkt voru á Alþingi í dag. Lögin eru gríðarlega mikilvægt skref í átt að koma Íslandi í fremstu röð í málefnum hinsegin fólks og að tryggja rétt þess bæði í lögum og framkvæmd.
Þann 14. og 15. maí var tveimur blaðamönnum hjá Radio France, Geoffrey Livolsi og Mathias Destal, skipað að mæta í fyrirtöku í dómsmáli frönsku leyniþjónustunnar eftir að saksóknari Parísarborgar hóf undirbúningsrannsókn gegn þeim fyrir að birta leynilegar upplýsingar um varnarmál Frakklands. Í apríl birtu þeir leynileg skjöl, svokölluðu „Jemen pappírana“, um sölu franskra vopna til Sádi-Arabíu og Sameinuðu arabísku furstadæmanna sem notuð hafa verið gegn almennum borgurum í borgarastríðinu í Jemen. Aðgerðir blaðamanna eiga þó rétt á sér samkvæmt ákvæðum laga um tjáningarfrelsi og því verður að stöðva rannsóknir gegn þeim samstundis.
Zak Kostopoulos, grískur samkynhneigður aðgerða- og mannréttindasinni lést þann 21. september 2018 í kjölfar fólskulegrar líkamsárásar. Zak, einnig þekktur undir drag-sviðsnafninu Zackie Oh, var baráttumaður fyrir réttindum hinsegin fólks og HIV- smitaðra.
Formaður allsherjar- og menntamálanefndar, Páll Magnússon, tók í dag á móti ákalli Íslandsdeildar Amnesty International um verndun mannréttinda intersex barna á Íslandi ásamt 3252 undirskriftum einstaklinga víðsvegar að úr heiminum meðal annars frá Þýskalandi, Svíþjóð og Bandaríkjunum.
Fyrir fimm árum síðan var fólki af sama kyni fyrst heimilt að ganga í hjónaband í Bretlandi. Hins vegar er það enn ólöglegt á Norður-Írlandi. Þrýstum á stjórnvöld og forsætisráðherra Bretlands að breyta þessu.
Emil Astrauko og Vasily Sauchanka er haldið í unglingafangelsi í Hvíta-Rússlandi þar sem brotið er á mannréttindum þeirra. Þeir hafa orðið fyrir áreitni og mismunun af hálfu fangelsisyfirvalda. Eftir óréttlát réttarhöld á seinasta ári voru þeir dæmdir í 10 ára fangelsi fyrir minniháttar vímuefnabrot. Emil og Vasily voru 17 ára þegar þeir voru handteknir. Mál þeirra er eitt fjölmargra svipaðra mála.
Kvennaskólinn í Reykjavík og Framhaldsskólinn á Laugum eru Mannréttindaframhaldsskólar ársins 2018 og Háteigsskóli og Alþjóðaskólinn á Íslandi eru Mannréttindagrunnskólar ársins 2018.
Árangur hefur náðst í tveimur málum herferðar okkar Bréf til bjargar lífi 2018. Annars vegar hafa orðið framfarir í máli frá Brasilíu og hins vegar í máli frá Úkraínu.
Ársskýrsla Íslandsdeildar Amnesty International fyrir árið 2018 er komin út og verður kynnt á aðalfundi í húsnæði deildarinnar, Þingholtsstræti 27, fimmtudaginn 21.mars 2019 kl. 20:00.
Aðalfundur Amnesty International verður haldinn í kvöld, fimmtudaginn 21,mars 2019 kl. 20:00 í húsnæði deildarinnar, Þingholtsstræti 27, 101 Reykjavík, 3. hæð.