Þegar allt virðist á niðurleið í heiminum getur verið niðurdrepandi að lesa fréttirnar. Þá er erfitt ímynda sér að hægt sé breyta heiminum til hins betra. Þitt nafn bjargar lífi, hin árlega alþjóðlega herferð Amnesty International, sýnir að þú getur haft mikil áhrif með lítilli fyrirhöfn. Það eina sem þarf að gera er að skrifa nafn sitt undir tíu mál til stuðnings þolendum mannréttindabrota og krefja þannig stjórnvöld um umbætur. Það er meira að segja hægt að skrifa undir öll málin í einu!

Íslandsdeild Amnesty International minnir á þær ríku skyldur stjórnvalda að uppfylla alþjóðlegar skuldbindingar og mikilvægi þess að axla ábyrgð og skapa hér góð skilyrði fyrir fólk á flótta. Íslenskum stjórnvöldum ber að tryggja að lög séu í samræmi við alþjóðlega mannréttindasamninga, svo sem mannréttindayfirlýsingu Sameinuðu þjóðanna, samning Sameinuðu þjóðanna um efnahagsleg félagsleg og menningarleg réttindi, sem Ísland hefur fullgilt, auk Barnasáttmála Sameinuðu þjóðanna og Mannréttindasáttmála Evrópu sem báðir hafa verið lögfestir hér á landi. 

Aðalframkvæmdastjóri Amnesty International, Agnès Callamard, er stödd á loftslagsráðstefnunni COP27 sem haldin er í Sharm El-Sheikh í Egyptalandi dagana 6.-18. nóvember. Amnesty International kallar eftir því að leiðtogar heims sýni opinbera samstöðu með þolendum mannréttindabrota í Egyptalandi og þrýsti á egypsk yfirvöld að láta af áralöngum brotum á mannréttindum.

Íslandsdeild Amnesty International fordæmir brottvísanir íslenskra stjórnvalda á umsækjendum um alþjóðlega vernd sem þegar hafa fengið stöðu sína viðurkennda í Grikklandi. Deildin harmar hina ómannúðlegu og vanvirðandi meðferð stjórnvalda gagnvart þessum viðkvæma hópi umsækjenda um alþjóðlega vernd sem sviptur var frelsi sínu og þvingaður úr landi aðfaranótt 3. nóvember sl.

Mótmæli hafa brotist út á landsvísu í Íran í kjölfar þess að hin 22 ára gamla Mahsa (Zhina) Amini lét lífið í varðhaldi yfirvalda. Írönsk yfirvöld hafa brugðist grimmilega við mótmælunum. Við krefjumst þess að alþjóðasamfélagið grípi til aðgerða.

Taktu þátt og skrifaðu undir 10 áríð­andi mál einstak­linga eða hópa sem beittir eru alvarlegum órétti. Þannig söfnum við millj­ónum undir­skrifta og mögnum saman þrýsting á stjórn­völd víða um heim sem brjóta mann­rétt­indi.

Þrír fangar, tveir menn og ein kona, eiga á hættu að verða blinduð fljótlega af yfirvöldum. Einstaklingarnir voru dæmdir samkvæmt reglunni um auga fyrir auga (qesas) sem byggir á því að refsing sé samsvarandi brotinu sem dæmt er fyrir.

Samviskufanginn Sergey Tihanovski er vinsæll bloggari sem hefur gagnrýnt hvítrússnesk stjórnvöld. Sviatlana Tsikhanouskaya, eiginkona hans, er í útlegð sem leiðtogi stjórnarandstöðunnar. Sergey var handtekinn að geðþótta í maí 2020 og ranglega dæmdur í 18 ára fangelsi.

Nasta Loika, baráttukona fyrir mannréttindum frá Hvíta-Rússlandi, hefur verið í haldi að geðþótta frá 6. september 2022 fyrir uppspunnar ákærur um „minniháttar óspektir“. Henni er neitað um  nauðsynjavörur og læknisaðstoð sem hún þarfnast. Hún fær auk þess ekki aðgang að lögfræðingi sínum. Nasta Loika er skotmark stjórnvalda einungis vegna mannréttindabaráttu sinnar og skal tafarlaust vera leyst úr haldi.

Hinsegin baráttukonan Zahra Sedighi-Hamadani, 31 árs, og Elham Choubda, 24 ára, voru dæmdar til dauða fyrir „spillingu á jörðu“. Konurnar eru skotmörk stjórnvalda vegna kynhneigðar sinnar, kynvitundar og stuðnings við hinsegin baráttuna á samfélagsmiðlum.  

Benjamin Cole, 57 ára maður á að verða tekinn af lífi 20. október næstkomandi. Hann var dæmdur til dauða 2004 fyrir morð á níu mánaða gamalli dóttur sinni í desember 2002. Hann hefur verið greindur með geðklofa og heilaskaða.

Nú liggur fyrir að Jón Gunnars­son, dóms­mála­ráð­herra, muni leggja fram frum­varp um breytingar á lögum um út­lendinga í fimmta sinn á haust­þingi Al­þingis og mun frum­varpið vera eitt af fyrstu þing­málunum.