Anna Lúðvíksdóttir framkvæmdastjóri Íslandsdeildar Amnesty International og Þórunn Pálína Jónsdóttir lögfræðingur deildarinnar afhentu Bjarna Benediktssyni utanríkisráðherra ákall með 6944 undirskriftum þann 3. nóvember. Forsætisráðuneytið fékk einnig undirskriftirnar en Katrín Jakobsdóttir forsætisráðherra gat ekki veitt þeim viðtöku sökum fjarveru erlendis.
Hin árlega og alþjóðlega herferð, Þitt nafn bjargar lífi, hefur svo sannarlega sýnt að hægt er að umbreyta lífi þolenda mannréttindabrota með þeim einfalda hætti að setja nafn sitt á bréf til stjórnvalda og krefjast umbóta í máli þeirra.
Taktu þátt og skrifaðu undir tíu áríðandi mál einstaklinga eða hópa sem beittir eru alvarlegum órétti. Þannig söfnuum við milljónum undirskrifta og mögnum saman þrýsting á stjórnvöld víða um heim sem brjóta mannréttindi. Samtakamátturinn skilar árangri! Á hverju ári fáum við góðar fréttir af málum einstaklinga sem þið hafið barist fyrir í Þitt nafn bjargar lífi.
Nú þegar yfirvöld í nokkrum Evrópulöndum hafa sett takmarkanir á réttinn til að mótmæla í tengslum við samstöðu með mannréttindum palestínsks fólks kallar Amnesty International eftir því að tjáningarfrelsið sé virt. Fólk á rétt á að koma saman og tjá sig með friðsamlegum hætti.
Anna Lúðvíksdóttir framkvæmdastjóri Íslandsdeildar Amnesty International og Þórunn Pálína Jónsdóttir lögfræðingur deildarinnar afhentu Þórdísi Kolbrúnu Reykfjörð Gylfadóttur utanríkisráðherra ákall með 1109 undirskriftum þann 4. september.
Hádegishlé er ný fundaröð Íslandsdeildar Amnesty International um fjölbreyttar hliðar mannréttinda. Fundirnir eru haldnir í hádeginu, frá kl. 12:05-13:00, alla miðvikudaga í september á skrifstofu Íslandsdeildarinnar í Þingholtsstræti 27, og eru opnir almenningi. Einstaklingar með reynslu af ólíkum sviðum mannréttinda deila þekkingu sinni með gestum og svara spurningum eftir erindið. Það verða léttar veitingar í boði og heitt á könnunni.
Sögulega stór hópur félagasamtaka stóð í síðustu viku saman að neyðarfundi til að ræða þá mannúðarkrísu sem upp er komin með framkvæmd nýrra útlendingalaga sem sviptir hóp fólks allri þjónustu.
Leikhússtjórinn Evgenia Berkovich og handritshöfundurinn Svetlana Petriychuk voru handteknar að geðþótta þann 5. maí og eru enn í haldi.
Tuttugu og þrjú félagasamtök á Íslandi, þar á meðal Íslandsdeild Amnesty International, hafa sent frá sér sameiginlega yfirlýsingu vegna þeirrar alvarlegu stöðu sem komin er upp í málefnum fólks á flótta sem vísað hefur verið úr allri þjónustu opinberra aðila á Íslandi.
Í Tyrklandi hafa gleðigöngur hinsegin fólks verið bannaðar árum saman og réttindabarátta hinsegin fólks stendur höllum fæti. Fólk á rétt á velja hvern það elskar og vera eins og það er án mismununar. Ungliðahreyfing Íslandsdeildar Amnesty International stendur með tyrknesku hinsegin fólki og stuðningsfólki þeirra.
75 ára spænskur sjálfboðaliði, Mariano García Calatayud, sem sinnti mannúðarstarfi í borginni Kherson í Úkraínu var handtekinn af rússneskum yfirvöldum þann 19. mars 2022.
Helgina 24.-25. júní hélt ungliðahreyfing Íslandsdeildar Amnesty International mannréttindasmiðju fyrir ungt fólk á aldrinum 15 til 18 ára. Í smiðjunni, sem var haldin á Elliðavatnsbæ í Heiðmörk, lærðu þrettán ungmenni um skipulagningu aðgerða í þágu mannréttinda undir leiðsögn Árna Kristjánssonar ungliða- og aðgerðastjóra, Asks Hrafns Hannessonar forseta ungliðahreyfingarinnar og Írisar Bjarkar Ágústsdóttur forseta Háskólafélags Amnesty International.