Alþjóðlegt

Ríki hætti ólögmætri notkun á njósnabúnaði

Aukning er á staf­rænum árásum gegn mann­rétt­inda­sinnum, fjöl­miðla­fólki og almennum borg­urum. Njósnum, hótunum og þöggun er beitt með því að brjótast inn í stafræn tæki einstak­linga. Þessari aðför verður að linna.

Í löndum víðs­vegar um heiminn reiða yfir­völd sig sífellt meira á staf­rænt eftirlit í þeim tilgangi að áreita eða hand­taka einstak­linga sem tjá sig til varnar mann­rétt­indum eða afhjúpa viðkvæmar upplýs­ingar. Á alþjóða­vísu eru yfir­völd að kaupa og heimila sölu á háþró­uðum njósna­búnaði sem gerir þeim kleift að nýta stafræn tæki einstak­linga til að stunda persón­unjósnir. Einka­fyr­ir­tæki hanna og selja þennan búnað til ríkis­stjórna um heim allan sem nýta tæknina til að fremja mann­rétt­inda­brot.

Í útskýr­ingum stjórn­valda og fyrir­tækja sem fram­leiða þennan njósna­búnað kemur fram að honum sé einungis beint gegn einstak­lingum sem brotið hafa af sér eða framið hryðju­verk. En sann­leik­urinn er sá að einstak­lingar sem berjast fyrir mann­rétt­indum, þar með talið starfs­fólk Amnesty Internati­onal hafa sætt sams­konar eftir­liti.

Stjórn­völd í Marokkó, Sádi-Arabíu og Sameinuðu arab­ísku fursta­dæmunum hafa stundað njósnir með ólög­mætum hætti um aðgerða­sinna og almenna borgara. Þrátt fyrir að þetta sé vitað heldur alþjóða­sam­fé­lagið áfram að leyfa viðskipti á tækni­búnaði af þessu tagi til landa sem notað hafa njósna­búnað til mann­rét­inda­brota.

Stöðva verður útflutning á njósna­búnaði til yfir­valda sem nota hann með ólög­mætum hætti.

Fyrrum sérfræð­ingur Sameinuðu þjóð­anna um skoðana- og tján­ing­ar­frelsi hefur kallað eftir alþjóð­legu banni á sölu og notkun njósna­bún­aðar af þessu tagi þar til almennur alþjóð­legur lagarammi verður að veru­leika sem verndar mann­rétt­inda­sinna og almenna borgara gegn misbeit­ingu þess­arar tækni.

Nú reynir á samtaka­mátt alþjóða­sam­fé­lagsins að vernda mann­rétt­inda­sinna gegn ólög­mætu eftir­liti.

Krefstu þess að:

• Yfir­völd tryggi að þessari tækni verði ekki beitt með ólög­mætum hætti gegn mann­rétt­inda­sinnum og almennum borg­urum.
• hætt sé að selja eftir­lits­búnað til ríkja eins og Marokkó þar sem mikil hætta er á að búnað­urinn sé notaður til að fremja mann­rétt­inda­brot.
• ríkis­stjórnir víða um heim beiti sér fyrir tíma­bundnu banni á sölu, flutn­ingi og notkun njósna­bún­aðar.

Með undir­skrift þinni þrýstir þú á stjórn­völd á heimsvísu að bregðast við þessum kröfum og vernda mann­rétt­inda­sinna um heim allan.

Tengt efni

Þau þurfa þína hjálp!

Þín undirskrift getur bjargað mannslífi

Hong Kong

Lýðræðissinni í fangelsi fyrir friðsamleg mótmæli

Owen Chow Ka-shing er ungur aðgerðasinni sem hefur beitt sér fyrir lýðræði í Hong Kong. Hann var virkur þátttakandi í mótmælahreyfingu sem kennd var við regnhlífar árið 2014 og í mótmælum gegn frumvarpi um framsal frá Hong Kong til Kína árið 2019. Chow er í fangelsi fyrir að nýta tjáningar- og fundafrelsið með friðsamlegum hætti. Hann afplánar nú 12 ára og 10 mánaða dóm.

Bandaríkin

Í fangelsi í El Salvador vegna ólögmætrar brottvísunar

Andry José Hernández Romero er samkynhneigður förðunarmeistari sem flúði Venesúela þar sem hann óttaðist um líf sitt vegna kynheigðar sinnar og pólitískra skoðana. Hann sótti um alþjóðlega vernd í Bandaríkjunum árið 2024.  

Búlgaría

Fjölskyldur Rómafólks bornar út og hús rifin niður

Fjölskyldur Rómafólks voru bornar út og hús þeirra rifin niður. Nær 200 manneskjur urðu heimilislausar, þar með talin börn, eldri borgarar, barnshafandi konur og fatlað fólk. Skrifaðu undir ákall þar sem krafist er að búlgörsk yfirvöld veiti Rómafjölskyldunum sem urðu fyrir útburðinum viðunandi húsnæði, heilbrigðisþjónustu og félagsaðstoð.

Fílabeinsströndin

Upplýsingafulltrúi stéttarfélags fær tveggja ára fangelsisdóm

Hettuklæddir menn handtóku Ghislain Duggary Assy, upplýsingafulltrúa stéttarfélags kennara, í kjölfar þess að bandalag stéttarfélaga kennara blés til verkfalls á Fílabeinsströndinni. Ghislain fékk tveggja ára fangelsisdóm. Skrifaðu undir ákall um að Ghislain Duggary Assy verði leystur úr haldi, tafarlaust og án skilyrða.

Rússland

Stríðsglæpum gegn Úkraínubúum í haldi verður að linna

Í Rússlandi eru þúsundir úkraínskra hermanna og óbreyttra borgara í haldi. Fjölskyldur stríðsfanganna fá engar upplýsingar og ná ekki sambandi við fjölskyldumeðlimi sem eru í haldi. Þær leita örvæntingafull upplýsinga um ástvini sína og fjölskyldumeðlimi. Margir fangar njóta ekki grundvallarréttinda svo sem að eiga í samskiptum við ástvini og fjölskyldur og verða fyrir ómannúðlegri meðferð eins og pyndingum, kynferðisofbeldi og er synjað um heilbrigðisþjónustu á sama tíma og heilsu þeirra hrakar. Þessi meðferð fanga telst til stríðsglæpa og glæpa gegn mannúð. Skrifaðu undir ákall um að rússnesk yfirvöld bindi enda á þessa stríðsglæpi og glæpi gegn mannúð.

Haítí

Vernd fyrir börn gegn glæpagengjum á Haítí

Síaukið ofbeldi glæpagengja á Haítí bitnar verst á haítískum börnum. Þau eru svipt öruggu rými til að leika sér og læra og eru neydd til að alast upp í umhverfi þar sem ótti og óvissa ráða ríkjum. Vegna áskorana hjá haítískum yfirvöldum og aðgerðaleysis alþjóðasamfélagsins hefur neyðin aukist og skapað vítahring ofbeldis og vanrækslu. Skrifaðu undir ákall til haítískra yfirvalda og krefstu verndar fyrir börn á Haítí.

Ekvador

Binda þarf enda á notkun gasbruna í Amazon-skóginum

Stjórnvöld í Ekvador hafa ekki framfylgt dómsúrskurði sem féll í vil níu baráttustúlkna og ungra kvenna um að binda enda á notkun gasbruna í Amazon-skóginum. Gasbrunar brjóta á réttindum íbúa nærliggjandi svæða vegna mengunar sem þeir valda. Skrifaðu undir ákall og krefstu þess að forseti Ekvador hrindi af stað áætlun um að stöðva notkun gasbruna (sérstaklega þeirra sem staðsettir eru 5 km frá byggð) í samræmi við dómsúrskurð, verndi mannréttindi íbúa sem búa í grennd við gasbruna, stuðli að réttlátum orkuskiptum þar sem dregið verður smám saman úr notkun jarðefnaeldsneytis.

Alþjóðlegt

TikTok þarf að gæta öryggis barna og ungs fólks

Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.

ÞITT NAFN BJARGAR LÍFI

Þú ætlar að styðja og .

Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Skrifaðu undir og Íslandsdeild Amnesty International sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu