Grikkland

Börn á flótta fái aðgang að heilbrigðisþjónustu

Síðan í júlí 2019 hefur umsækj­endum um alþjóð­lega vernd og börnum óskráðs flótta­fólks verið mein­aður aðgangur að opin­berri heil­brigð­is­þjón­ustu í Grikklandi. Ný lög um alþjóð­lega vernd sem kynnt voru í nóvember síðast­liðnum hafa komið einhvers konar reglu á málið en skortur á aðgerða­áætlun veldur því að líf og heilsa þúsunda barna og full­orð­inna er í hættu.

Grísk lög veita “viðkvæmum þjóð­fé­lags­hópum” eins og flótta­fólki, umsækj­endum um alþjóð­lega vernd og börnum rétt á lækna- og lyfja­þjón­ustu óháð rétt­ar­stöðu. Annað­hvort með gríska kenni­tölu (AMKA) eða í gegnum sérstakt sjúkra­kort fyrir útlend­inga (K.Y.P.A). Frá því að breyt­ingar á lögum áttu sér stað í júlí 2019 hafa erlendir ríkis­borg­arar hins­vegar ekki átt mögu­leika á að fá gríska kenni­tölu (AMKA) og aðgangur að heil­brigð­is­þjón­ustu því takmark­aður.

Ný lög um alþjóð­lega vernd frá nóvember 2019 lögðu fram mögu­leika um “tíma­bundið númer fyrir sjúkra­trygg­ingu fyrir ríkis­borgara frá þriðja landi (PAAYPA)” fyrir umsækj­endur um alþjóð­lega vernd. Hins­vegar vantar enn aðgerða­áætlun sem hefur leitt til þess að þúsundir umsækj­endur um alþjóð­lega vernd, þar á meðal næstum 50.000 einstak­lingar sem hafa komið til Grikk­lands síðan í júlí 2019, hafa ekki aðgang að lækna- og lyfja­þjón­ustu. Án grískrar kenni­tölu eiga þau einnig í erfið­leikum með að nálgast aðrar félags- og atvinnu­þjón­ustu­leiðir.

Þetta ástand setur líf og heilsu fólks í hættu og er alvar­legt brot á rétt­inum til heil­brigð­is­þjón­ustu!

Skrifaðu undir málið núna og krefstu þess að umsækj­endum um alþjóð­lega vernd, fylgd­ar­lausum börnum og börnum sem fæðast í Grikklandi en eiga foreldra sem eru óskráðir í landinu verði tryggður aðgangur að opin­berri heil­brigð­is­þjón­ustu eins og grísk lög gera ráð fyrir (4368/2016).

Þau þurfa þína hjálp!

Þín undirskrift getur bjargað mannslífi

Bandaríkin

Farandfólk og umsækjendur um alþjóðlega vernd í hættu vegna covid-19

Á sama tíma og heimurinn bregst við fordæmalausum aðstæðum sem skapast hafa vegna kórónuveirunnar eru fullorðnir og börn, vistuð í varðhaldi á vegum innflytjendaeftirlits Bandaríkjanna í yfirfullum rýmum, í mikilli smithættu og með takmarkaðan aðgang að heilbrigðisþjónustu.

Kína

Kína hætti ofsóknum gegn Úígúrum

Allt að ein milljón einstaklinga, aðallega minnihlutahópar múslima, hefur verið handtekin að geðþótta og komið fyrir í svokölluðum endurmenntunarbúðum í Xinjiang-héraði í norðvesturhluta Kína. Þeirra á meðal eru Úígúrar, Kasakar og önnur þjóðarbrot sem eiga sér sterkar trúarlegar og menningarlegar rætur.

Bandaríkin

Bandaríkin felli niður ákærur á hendur Julian Assange

Bandarísk yfirvöld verða að fella niður allar ákærur á hendur Julian Assange sem tengjast njósnum og birtingu gagna vegna starfa hans hjá Wikileaks. Miskunnarlausar tilraunir bandarískra stjórnvalda til að hafa hendur í hári Julian Assange vegna opinberunar gagna sem innihéldu meðal annars upplýsingar um mögulega stríðsglæpi bandaríska hersins eru alvarlegar árásir gegn réttinum til tjáningarfrelsis.

Ísland

Stjórnvöld tryggi velferð trans barna og unglinga

Í upphafi þessa árs var trans teymi Barna- og unglingageðdeildar Landspítala (BUGL) lagt niður. Umrætt teymi hefur gegnt lykilhlutverki í lífi trans barna og unglinga. Mikil óvissa ríkir nú um hvernig trans börn og unglingar verða þjónustuð.

Íran

16 ára fangelsisdómur fyrir að mótmæla löggjöf um höfuðslæðu

Yasaman Aryani storkaði lögum um höfuðslæðu í Íran með ögrandi gjörningi. Yasaman og móðir hennar gengu með hárið óhulið um lestarvagn einungis ætlaðan konum og dreifðu hvítum blómum meðal farþega. Yasaman var dæmd í 16 ára fangelsi í kjölfarið.

Grikkland

Börn á flótta fái aðgang að heilbrigðisþjónustu

Síðan í júlí 2019 hefur umsækj­endum um alþjóð­lega vernd og börnum óskráðs flótta­fólks verið mein­aður aðgangur að opin­berri heil­brigð­is­þjón­ustu í Grikklandi. Ný lög um alþjóð­lega vernd sem kynnt voru í nóvember síðast­liðnum hafa komið einhvers konar reglu á málið en skortur á aðgerða­áætlun veldur því að líf og heilsa þúsunda barna og full­orð­inna er í hættu.

Íran

Íslensk stjórnvöld beiti sér á alþjóðavettvangi

Í Íran fer ástand mannréttinda stöðugt versnandi. Stjórnvöld brjóta á rétti borgara sinna til tjáningarfrelsis, félaga- og fundafrelsis. Konur verða fyrir margvíslegri mismunun og þeim refsað fyrir að láta sjá sig opinberlega án höfuðslæðu. Baráttukonur fyrir mannréttindum eru fangelsaðar fyrir að mótmæla ástandinu með friðsömum hætti. Pyndingum og annarri illri meðferð er beitt án þess að gerendur séu dregnir til ábyrgðar. Þá er dauðarefsingin enn lögleg í Íran, auk þess sem aftökur eru framkvæmdar án dóms og laga.