Danmörk
Danmörk leggur hundruð flóttafólks í hættu með því að senda það aftur til Sýrlands. Dönsk yfirvöld staðhæfa að höfuðborgin Damaskus og nágrenni hennar séu örugg svæði í Sýrlandi. Þrátt fyrir að loftárásir og átök séu hætt á sumum svæðum, vofir enn hætta yfir þar sem sannanir eru fyrir því að pyndingar, þvinguð mannshvörf og varðhaldsvist eigi sér enn stað í landinu. Dönskum yfirvöldum er skylt að vernda sýrlenskt flóttafólk og verða að hætta við endursendingar flóttafólks til Sýrlands.
Danmörk breytti stefnu sinni árið 2019 í málefnum flóttafólks. Áður var stefnan sú að styðja aðlögun flóttafólks en nú er markmiðið að senda burt flóttafólk með öllum tiltækum ráðum. Yfirlýst markmið forsætisráðherra Danmerkur, Mette Fredriksen er að losna við allt flóttafólk úr landinu. Dönsk stjórnvöld hafa því á síðastliðnum tveimur árum hraðað endurskoðun á landvistarleyfi 900 einstaklinga frá Sýrlandi.
Þrjátíu og níu sýrlendingar hafa þegar verið sviptir landvistarleyfi og komið fyrir á miðstöð fyrir endursendingar þar sem þeim er meinað að vinna eða sækja sér menntun. Þar bíður fólkið í mikilli óvissu fjarri fjölskyldum sínum, samfélagi, skólum eða vinnastöðum, þangað til að mögulegri brottvísun kemur. Dönsk stjórnvöld geta ekki sent fólkið til Sýrlands þar sem ekkert stjórnmálasamband er milli landanna og er líf flóttafólksins því í algjörri biðstöðu.
Sýrlendingunum er haldið við óviðunandi aðstæður með það að markmiði að þvinga fram samþykki þeirra til að flytja sjálfviljug til baka. Þetta er ólögmæt þvingunaraðgerð samkvæmt alþjóðalögum.
Sýrland er langt frá því að vera öruggt land. Borgarar sem snúa aftur á svæði undir stjórn sýrlenska ríkisins þurfa að fá heimild sem felur meðal annars í séryfirheyrslu af hálfu sýrlensku öryggissveitarinnar. Öryggissveit Sýrlands ber ábyrgð á víðtækum og skipulögðum mannréttindabrotum, þar á meðal pyndingum, þvinguðum mannhvörfum og aftökum án dóms og laga.
Sýrlenska flóttafólkið flúði til Danmerkur til að forðast átök og ofsóknir. Það er ótækt að því sé skipað að snúa aftur í hættuna sem það flúði. Sýrlenska flóttafólkið þarf á vernd að halda.
Þrýstu á utanríkisráðherra Danmerkur, Mathias Tesfaye, um að snúa við ákvörðunum um endursendingar sýrlensks flóttafólks og endurnýja landvistarleyfi þeirra.
Þín undirskrift getur bjargað mannslífi
Alþjóðlegt
Í áraraðir hafa stjórnvöld og tískufyrirtæki hagnast á slæmum starfsaðstæðum kvenna sem sauma fötin okkar. Brotið er kerfisbundið á mannréttindum verkafólks í fataiðnaði sem vinnur oft við hættulegar aðstæður, launin eru undir framfærsluviðmiði og ráðningarsamningar eru ótryggir. Laun sem duga ekki fyrir framfærslu þýðir að verkafólkið hefur ekki aðgang að nauðsynjum eins og mat, heilbrigðisþjónustu, hreinu vatni, menntun og öruggu húsnæði.
Ungverjaland
Géza Buzás-Hábel, sætir sakamálarannsókn fyrir það eitt að hafa skipulagt gleðigönguna í Pécs í Ungverjalandi sem fór fram 4. október síðastliðinn þrátt fyrir bann gegn gleðigöngunni. Amnesty International kallar eftir því að saksóknaraembættið loki tafarlaust rannsókn á málinu þar sem hún brýtur gegn réttinum til friðsamlegrar samkomu, tjáningarfrelsinu og banni gegn mismunun samkvæmt evrópskum og alþjóðlegum mannréttindalögum.
Georgía
Andro Chichinadze, 29 ára leikari frá Georgíu, var dæmdur í tveggja ára fangelsi 3. september 2025 eftir þátttöku í mótmælum í Tbilisi. Hann er vel þekktur í Georgíu og hefur hann gagnrýnt stjórnvöld opinberlega og verið virkur þátttakandi í mótmælum frá nóvember til desember 2024.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
