Rússland

Fjölmiðlakona og tveggja barna móðir sætir illri meðferð í fangelsi

Maria Ponom­ar­enko er aðgerðasinni, fjöl­miðla­kona og bloggari frá Barnaul, Altai Krai í Rússlandi, sem starfaði á netfréttamiðl­inum RusNews. Hún deildi skila­boðum á samskiptamiðl­inum Telegram um sprengju­árás rúss­neskra hersveita á leikhús í Mariupol í mars 2022. Fyrir það var hún hand­tekin þann 23. apríl 2022 og sett í varð­hald lögreglu í Sankti Péturs­borg á grund­velli ritskoð­un­ar­laga um hernað (e. War censorship law) sem sett voru á stuttu eftir innrásina í Úkraínu, í byrjun mars 2022. Hún var ákærð á grund­velli ákvæðis 207.3 fyrir „að dreifa vísvit­andi fals­fréttum á opin­berum vett­vangi um rúss­neska herinn byggt á hatri“.

Í júlí 2022 var Maria flutt á geðsjúkrahús sem að sögn yfir­valda var hluti af rann­sókn þeirra á hendur henni. Maria segist hafa verið sprautuð með óþekktum lyfjum á meðan hún var þar.  

Maria var dæmd í sex ára fang­elsi þann 15. febrúar 2023. Hún var flutt á fanga­ný­lenduna IK-22 í Krasnoy­arsk í október 2023, rúmlega 900 km frá Barnaul, sem gerir henni mjög erfitt um vik að hitta tvær ólögráða dætur sínar.

Maria hefur sætt illri meðferð í fang­elsinu og henni hefur ítrekað verið refsað fyrir engar sakir, meðal annars með 15 daga einangr­un­ar­vist vegna þess að hún féll í yfirlið. Það er bannað í rúss­neskum fanga­ný­lendum að leggjast fyrir eða að setjast á rúmbrík að degi til. Þá sætti Maria aftur refs­ingu með vistun í einangrun fyrir að fara ekki að fyrir­mælum fanga­varðar um að rísa úr rúmi sínu sem hún gat ekki vegna bakverkjar.

Talið er að Mariu hafi verið refsað með þessum hætti fyrir að kvarta yfir aðstæðum í fang­elsinu. Hún fór í hung­ur­verk­fall í október 2023 til að mótmæla illri meðferð. Mariu er neitað um lækn­is­með­ferð og geðheilsu hennar hrakar stöðugt. Í nóvember 2023 hófst ný málsókn gegn Mariu á grund­velli ákvæðis 321 (2) hegn­ing­ar­laga.

Rúss­nesk yfir­völd ásökuðu hana um að beita tvo fanga­verði „ofbeldi”  þegar þeir fylgdu henni í fyrir­töku í dóms­máli hennar vegna rann­sóknar á agabroti. Maria hefur neitað sök en hún var form­lega ákærð fyrir þær sakir í desember 2023 og á yfir höfði sér fimm ára fang­elsi til viðbótar við þau sex sem hún afplánar nú þegar verði hún fundin sek.  

Skrifaðu undir og kallaðu eftir því að rúss­nesk stjórn­völd leysi Mariu Ponom­ar­enko skil­yrð­is­laust úr haldi án tafar.

Auk þess er krafist að Rúss­land afnemi ritskoð­un­ar­lögin og leysi öll þau úr haldi sem hafa einungis tjáð andóf sitt á stríðinu í Úkraínu.

Þau þurfa þína hjálp!

Þín undirskrift getur bjargað mannslífi

Sádi-Arabía

Ísland beiti sér gegn skelfilegum mannréttindabrotum í Sádi-Arabíu

Yfirvöld í Sádi-Arabíu leggja allt kapp á að þagga niður í gagnrýnisröddum í landinu. Samfélagsmiðlafærsla þar sem kallað er eftir umbótum í mannréttindamálum eða yfirvöld gagnrýnd getur ein og sér leitt til ferðabanns, fangelsisvistar svo áratugum skiptir eða jafnvel dauðadóms.

Ekvador

Heimatilbúin sprengja fyrir utan heimili ungs umhverfissinna

Leonela Moncayo er umhverfissinni frá Amazon-skóginum í Ekvador og ein af níu stúlkum sem fóru í mál við stjórnvöld þar í landi og kröfðust lögbanns á gasbruna í nágrenni við heimili þeirra á þeim grundvelli að brotið sé á mannréttindum þeirra. Talið að öryggi stúlknanna níu og fjölskyldna þeirra sé í hættu.

Rússland

Listakona afplánar sjö ára dóm á fanganýlendu fyrir mótmæli

Aleksandra (Sasha) Skochilenko er tónlistar- og listakona frá Sankti Pétursborg í Rússlandi. Hún var ákærð á grundvelli ritskoðunarlaga og hlaut sjö ára dóm hinn 16. nóvember 2023. Henni er haldið við skelfilegar aðstæður og heilsu hennar hrakar ört. Skrifaðu undir ákallið og kallaðu eftir því að Rússland afnemi ritskoðunarlögin og leysi Aleksöndru skilyrðislaust úr haldi án tafar.

Rússland

Fjölmiðlakona og tveggja barna móðir sætir illri meðferð í fangelsi

Maria Ponomarenko er fjölmiðlakona og tveggja barna móðir sem sætir illri meðferð í fangelsi. Hún deildi skilaboðum á samskiptamiðlinum Telegram um sprengjuárás rússneskra hersveita á leikhús í Mariupol í mars 2022. Skrifaðu undir og kallaðu eftir því að rússnesk stjórnvöld leysi Mariu Ponomarenko skilyrðislaust úr haldi án tafar.

Rússland

Fólk fangelsað fyrir að mótmæla stríðinu í Úkraínu

Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.

Kólumbía

Verndum mannréttindafrömuði í Kólumbíu

Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.

Alþjóðlegt

TikTok þarf að gæta öryggis barna og ungs fólks

Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.