Egyptaland
Aisha el-Shater, 41 árs dóttir leiðtoga Múslímska bræðralagsins (Muslim Brotherhood), og eiginmaður hennar Mohamed Abo Horeira hafa verið í haldi í rúm þrjú og hálft ár vegna fjölskyldutengsla við bræðralagið og fyrir að nýta mannréttindi sín með friðsamlegum hætti. Mál þeirra er nú fyrir neyðarrétti vegna falskra ákæra.
Aisha el-Shater var haldið í langvarandi einangrun, hún hefur ekki fengið fjölskylduheimsóknir í meira en þrjú og hálft ár og henni er meinað um viðeigandi heilbrigðisþjónustu þrátt fyrir að þurfa lífsnauðsynlega á því að halda. Þessi meðferð eru pyndingar samkvæmt alþjóðalögum.
Hjónin voru handtekin þann 1. nóvember 2018. Sama dag handtóku stjórnvöld í Egyptalandi að minnsta kosti 31 mannréttindasinna og lögfræðinga, 10 konur og 21 karlmann. Herjað var sérstaklega á Egyptian Coordination for Rights and Freedoms (ECRF) sem skrásetti þvinguð mannshvörf, beitingu dauðarefsingarinnar og veitti lagalega aðstoð fyrir þolendur mannréttindabrota. Þau urðu að hætta störfum og gáfu út yfirlýsingu þar sem farið var fram á að mannréttindaráð Sameinuðu þjóðanna gripi inn í ástandið.
Undanfarna mánuði hafa pólitískir andstæðingar og gagnrýnendur ríkisstjórnarinnar verið sakfelldir á grundvelli falskra ákæra í kjölfar ósanngjarnra réttarhalda.
Khairar el Shater, faðir Aisha el Shater, hefur verið í fangelsi frá júlí 2013 þegar herinn steypti þáverandi forseta af stól, Mohamed Morsi. Í kjölfarið bannaði yfirvöld Múslímska bræðralagið og saksótti fjölda meðlima og stuðningsaðila bræðralagsins.
Skrifaðu undir og krefstu þess að Aisha el Shater og Mohamed Abo Horeira verði skilyrðislaust leyst úr haldi án tafar og að allar ákærur á hendur þeim verði felldar niður. Á meðan þau eru í fangelsi er farið fram á að þau fái að vera í reglulegum samskiptum við fjölskyldu sína og lögfræðing ásamt því að þau fái aðgengi að viðeigandi heilbrigðisþjónustu.
Nánar um tjáningarfrelsið í Egyptalandi
Þín undirskrift getur bjargað mannslífi
Alþjóðlegt
Í áraraðir hafa stjórnvöld og tískufyrirtæki hagnast á slæmum starfsaðstæðum kvenna sem sauma fötin okkar. Brotið er kerfisbundið á mannréttindum verkafólks í fataiðnaði sem vinnur oft við hættulegar aðstæður, launin eru undir framfærsluviðmiði og ráðningarsamningar eru ótryggir. Laun sem duga ekki fyrir framfærslu þýðir að verkafólkið hefur ekki aðgang að nauðsynjum eins og mat, heilbrigðisþjónustu, hreinu vatni, menntun og öruggu húsnæði.
Ungverjaland
Géza Buzás-Hábel, sætir sakamálarannsókn fyrir það eitt að hafa skipulagt gleðigönguna í Pécs í Ungverjalandi sem fór fram 4. október síðastliðinn þrátt fyrir bann gegn gleðigöngunni. Amnesty International kallar eftir því að saksóknaraembættið loki tafarlaust rannsókn á málinu þar sem hún brýtur gegn réttinum til friðsamlegrar samkomu, tjáningarfrelsinu og banni gegn mismunun samkvæmt evrópskum og alþjóðlegum mannréttindalögum.
Georgía
Andro Chichinadze, 29 ára leikari frá Georgíu, var dæmdur í tveggja ára fangelsi 3. september 2025 eftir þátttöku í mótmælum í Tbilisi. Hann er vel þekktur í Georgíu og hefur hann gagnrýnt stjórnvöld opinberlega og verið virkur þátttakandi í mótmælum frá nóvember til desember 2024.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
