Kína

Kína: 70 ára Úígúra haldið í einangrun

Ekkert hefur heyrst frá Qurban Mamut síðan í nóvember 2017. Hann er Úígúri og fyrrum ritstjóri Xianjiang Civilization, sem fjallar um menn­ingu og sögu Úígúra í Xianjiang í Kína. Qurban Mamut heim­sótti son sinn, Bahram Sintash, í Banda­ríkj­unum í febrúar 2017. Sonur hans, sem er banda­rískur ríkis­borgari, telur að faðir sinn hafi verið hand­tekinn fyrir það eitt að eiga ættingja sem býr utan Kína þar sem hann frétti í sept­ember 2018 að faðir sinn hefði verið færður í svokall­aðar endur­mennt­un­ar­búðir.

Hann hefur miklar áhyggjur af föður sínum vegna aldurs og líkam­legs ástands. Amnesty Internati­onal hefur skráð fleiri tilfelli þar sem fólk frá Xianjiang hefur verið sent í endur­mennt­un­ar­búðir fyrir að eiga ættingja erlendis.

Bahram Sintash vinnur í Banda­ríkj­unum fyrir útvarps­stöðina Radio Free Asia (RFA), einn af fáum fjöl­miðlum sem fjalla óháð um ástandið í Xinjiang. Mörg dæmi eru um að skyld­menni starfs­fólks útvarps­stöðv­ar­innar hafi verið send í endur­mennt­un­ar­búðir í Kína.

Í Xinjiang eru einna flestir þjóð­ern­isminni­hluta­hópar í Kína. Meira en helm­ingur íbúa tilheyra múslimskum hópum, þar á meðal eru um 11,3 millj­ónir Úígúrar.

Í mars 2017 settu stjórn­völd reglu­gerð sem banna „öfga­hegðun“ eins og að ganga í búrku, vera með „óeðli­legt“ skegg og lesa eða birta  „öfga­fullt efni“. Áætlað er að rúmlega milljón Úígúrar og fleiri múslimskir hópar hafi verið í haldi í þessum svokölluðu endur­mennt­un­ar­búðum. Samkvæmt kínverskum stjórn­völdum er tilgangur búðanna að veita fólki valfrjálsa menntun en frásagnir einstak­linga sem hefur verið haldið þar lýsa matar­skorti, barsmíðum og einangr­un­ar­vist.

Skrifaðu undir og krefstu þess að Qurban Mamut verði látinn laus!

 

Kína: Úígúrar búsettir erlendis ofsóttir

Þau þurfa þína hjálp!

Þín undirskrift getur bjargað mannslífi

Marokkó

Marokkó: Blaðamaður áreittur af stjórnvöldum

Þann 29. júlí 2020 var blaðamaðurinn Omar Radi handtekinn og ákærður fyrir að grafa undan þjóðaröryggi og fyrir nauðgun. Marokkósk stjórnvöld hafa áreitt hann síðan skýrsla frá Amnesty International sem birt var í júní 2020 sýndi fram á að njósnað hefði verið um hann í gegnum síma hans. Omar Radi hefur verið ötull gagnrýnandi ríkisstjórnarinnar og hefur rannsakað spillingu stjórnvalda.

Hvíta-Rússland

Hvíta-Rússland: Verndum friðsama mótmælendur

Myndir og skýrslur sem varpa ljósi á ómannúðlegt lögregluofbeldi gegn friðsömum mótmælendum í Hvíta-Rússlandi, bæði á götum úti og í varðhaldi, hafa verið í fréttum um allan heim.

Venesúela

Venesúela: Fellið niður ákærur á hendur pólitísks fanga

Óeinkennisklæddir lögreglumenn handtóku Nicmer Evans, stjórnmálafræðing, þann 13. júlí 2020 í Caracas í Venesúela. Þeir eru liðsmenn öryggissveitar hersins (DGCIM) og annarrar sérdeildar innan hersins (CICPC).

Íran

Íran: Íranskur Kúrdi á yfir höfði sér dauðadóm

Arsalan Khodkam hlaut dauðadóm fyrir „njósnir“ eftir óréttlát réttarhöld sem stóðu yfir í 30 mínútur. Dómurinn var byggður á játningu sem náð var fram með pyndingum. Hann hefur ekki fengið að velja sér lögfræðing. Dauðadómur fyrir njósnir brýtur gegn alþjóðalögum. 

Mósambík

Mósambík: Leysið flóttafólk og umsækjendur um alþjóðlega vernd úr haldi

Hópur flóttafólks og umsækjenda um alþjóðlega vernd hefur verið í haldi að geðþótta í Pemba, í norðausturhluta Mósambík í meira en eitt og hálft ár við hræðilegar aðstæður á lögreglustöð. Um er að ræða sextán einstaklinga frá Lýðstjórnarveldinu Kongó og Eþíópíu. Vegna kórónuveirufaraldursins er heilsa þeirra í enn frekari hættu.

Kína

Kína: 70 ára Úígúra haldið í einangrun

Ekkert hefur heyrst frá Qurban Mamut síðan í nóvember 2017. Hann er Úígúri og fyrrum ritstjóri Xianjiang Civilization, sem fjallar um menningu og sögu Úígúra í Xianjiang í Kína. Qurban Mamut heimsótti son sinn, Bahram Sintash, í Bandaríkjunum í febrúar 2017.

Indónesía

Indónesía: Sjö aðgerðasinnar handteknir fyrir mótmæli

Þann 17. júní 2020 voru sjö aðgerðasinnar frá Papúa, svæði sem tilheyrir Indónesíu, sakfelldir fyrir landráð og dæmdir í 10 – 11 mánaða fangelsi fyrir aðild þeirra í mótmælum í ágúst 2019. Þeir voru handteknir eingöngu fyrir að nýta tjáningarfrelsið og standa fyrir friðsælum mótmælum. Þeir eru samviskufangarsem verður að leysa úr haldi strax.

Ungverjaland

Ungverjaland: Verndum réttindi trans og intersex fólks

Þann 28. maí staðfesti forseti Ungverjalands ný lög sem samþykkt voru á þingi 19. maí og banna breytingu á kynskráningu. Sérstakur eftirlitsmaður um grundvallarmannréttindi í Ungverjalandi (e. Hungary’s Commissioner for Fundamental Rights) getur komið í veg fyrir að lögin verði að veruleika með því að kalla eftir endurskoðun á þeim. Ef eftirlitsmaðurinn bregst ekki við er alvarlega vegið að réttindum trans og intersex fólks og hætta á að lögin ýti undir frekari árásir og hatursglæpi gegn þessum hópum.