Palestína

Þrýstu á TripAdvisor að hörfa frá hernumdu landtökusvæðum Ísraels í Palestínu

Heimili þúsunda Palestínu­manna hafa verið eyði­lögð, land þeirra hertekið og þeir sviptir rétt­inum til að lifa, vinna og ferðast sem frjálsir menn.

Þrátt fyrir það blómstrar ferða­iðn­aður á svæðinu með tilstilli stór­fyr­ir­tækja á borð við TripA­dvisor sem hagnast á þessum mann­rétt­inda­brotum.

Á heima­síðu TripA­dvisor má finna 70 ólíkar eignir, starf­semi og áfanga­staði á ólög­legum land­töku­svæðum Ísraels á hernumdu svæðum Palestínu. Með þessu leggur fyrir­tækið sitt á voga­skálar hagkerfis land­töku­svæð­isins og stuðlar að stækkun og þenslu þess sem og „normalíserar“ og rétt­lætir ástandið fyrir almenn­ingi. Land­töku­svæðin eru á palestínsku landi og ólögleg samkvæmt alþjóð­legum lögum. Land­töku­svæðin ættu því ekki að vera ferða­mannastaður.

Frá því árið 1967, þegar Ísra­els­ríki hernam Vest­ur­bakkann og aust­ur­hluta Jerúsalem, hefur ríkis­stjórn Ísraels stuðlað að stækkun hernumdu land­töku­svæð­anna.

Land­takan hefur víðtæk átak­anleg áhrif á mann­rétt­indi Palestínu­manna, þar á meðal réttinn til viðun­andi lífs­kjara, réttinn til að eiga heimili, góðrar heilsu, aðgengis að menntun og frelsi til að ferðast. Land­takan lamar einnig hagkerfi Palestínu.

Með því að veita ferða­mönnum aðgang að land­töku­svæð­unum tekur TripA­dvisor virkan þátt í að brjóta þessi mann­rétt­indi.

Látum ekki stór­fyr­ir­tæki hagnast í þágu ólög­legrar land­töku Ísraels sem jafn­gildir stríðs­glæp.

Þau þurfa þína hjálp!

Þín undirskrift getur bjargað mannslífi

Íran

Flest börn tekin af lífi í Íran

Á síðustu þremur árum hefur Íran fjölgað aftökum á börnum og ungmennum sem framið höfðu glæpi á barnsaldri þrátt fyrir að það sé ólöglegt samkvæmt alþjóðlegum lögum og mjög alvarlegt brot á mannréttindum. Til þess að koma í veg fyrir viðbrögð frá alþjóðasamfélaginu hefur Íran ítrekað framkvæmt þessar ólöglegu aftökur á ungmennum í leyni, án vitneskju fjölskyldna eða lögfræðinga þeirra. Með þeim hætti fá samtök eins og Amnesty International ekki tækifæri til að upplýsa heiminn um voðaverkin og hvetja fólk eins og þig til aðgerða.

Marokkó

Blaðakona í haldi á fölskum forsendum

Hajar Raissouni var handtekin af marokkósku lögreglunni 31. ágúst síðastliðinn grunuð um að hafa gengist undir þungunarrof, þrátt fyrir að engar sannanir liggi fyrir. Hún var handtekin fyrir utan læknamiðstöð í Rabat ásamt unnusta sínum, lækni og tveimur starfsmönnum læknamiðstöðvarinnar. Öll fimm eru enn í haldi.

Simbabve

Lækni rænt af heimili sínu

Peter Magombeyi, læknir og forseti Félags sjúkrahúslækna í Simbabve, var rænt af heimili sínu í Harare Budiriro að næturlagi af þremur vopnuðum mönnum þann 14. september síðastliðinn. Aðilar grunaðir um að starfa fyrir leyniþjónustu Simbabve höfðu hótað honum að hann myndi hverfa sporlaust með valdi ef hann hætti ekki afskiptum sínum af verkfalli lækna.