SMS
17. september 2021Um heim allan þagga stjórnvöld niður í mótmælendum með lögreglukylfum. Kylfurnar eru notaðar sem þöggunartól.
Í desember 2020 varð ungur maður í Hvíta-Rússlandi fyrir lögregluárás eftir að hafa tekið þátt í friðsömum mótmælum. Hann var barinn í höfuðið með kylfu og kýldur í andlit og maga, þrátt fyrir að hann streittist ekki gegn handtöku.
Þetta er eitt af fjölmörgum dæmum um misbeitingu þessara vopna, oft gegn friðsömum mótmælendum.
Rannsóknir Amnesty sýna að kylfur eru notaðar í refsingarskyni. Þær eru notaðar til að berja fólk sem haldið er niðri. Þær eru notaðar til að berja háls og höfuð. Þær eru notaðar til að beita kynferðislegt ofbeldi og pyndingum. Þetta verður að stöðva.
Kylfur eru álitnar skaðminni vopn sem eigi að gera lögreglu kleift að beita hóflegri valdbeitingu og komast hjá notkun hættulegri vopna en rannsóknir sýna að misbeiting kylfa er algeng. Þrátt fyrir þetta eru engar reglugerðir um sölu og viðskipti þessara vopna.
Skortur er á reglugerðum vegna viðskipta með lögregluvopn og búnað. Á allsherjarþingi Sameinuðu þjóðanna á næsta ári munu ríki greiða atkvæði um ályktun er varðar alþjóðlegan og skuldbindandi samning um viðskipti lögregluvopna og búnaðar sem hægt er að nota til að beita pyndingum og annarri illri meðferð. Samningurinn myndi einnig banna viðskipti lögregluvopna og búnaðar sem í eðli sínu er ætlað að valda skaða, t.d. gaddakylfur, stífar svipur (e. sjambok), ýmis rafstuðstól og niðurlægjandi eða sársaukafullir fjötrar.
SMS-aðgeranetið krefst þess að íslensk stjórnvöld styðji gerð alþjóðlegs og skuldbindandi samnings um viðskipti með lögregluvopn og búnað sem eru notuð til að beita pyndingum.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu