Loftslagsváin er aðför að mannréttindum. Brýnt er að ríki á COP26  ráðstefnunni grípi strax til aðgerða til verndar mannréttindum.

Frá yfir­töku í Afgan­istan þann 15. ágúst hafa talibanar lofað umbótum frá fyrri stjórn­artíð sinni og sagst ætla að vernda kven­rétt­indi og tján­ing­ar­frelsið. Annað hefur hins vegar bersýni­lega komið í ljós og eru loforðin því innantóm. Íslandsdeild Amnesty International kallar eftir að íslensk stjórnvöld veki athygli á ástandinu í Afganistan hvar sem tækifæri gefst, beiti sér fyrir að komið verði á fót sjálfstæðri rannsóknarsendinefnd (e. Fact Finding Mission) og standi við gefin loforð um móttöku afgansks flóttafólks á Íslandi.

Íslandsdeild Amnesty International hefur gefið út nýtt hlaðvarp sem kallast Tjáum okkur.

Síðastliðinn laugardag komu aðgerðasinnar saman víða um heim til að sýna afgönskum borgurum samstöðu. Refugees in Iceland, No borders og Solaris stóðu fyrir samstöðufundi hér á landi og mættu einnig aðgerðasinnar frá Ungliðahreyfingu Íslandsdeildar Amnesty International og grasrótarhópi sem kallar sig Samstaðan. Samstöðufundurinn hófst með kröfugöngu frá Hlemmi niður að Austurvelli. Opið var fyrir óformleg ræðuhöld sem endaði með afgönskum hópsöng sem snerti hjörtu viðstaddra á Austurvelli.

Íslandsdeild Amnesty International og Mannréttindaskrifstofa Íslands hafa gefið út þrjú fræðslumyndbönd um mannréttindi á sex tungumálum (íslensku, ensku, pólsku, spænsku, persnesku og arabísku). Myndböndin þrjú fjalla um jafnrétti, réttindi á vinnumarkaði og réttindi barna. Markmiðið með myndböndunum er að veita flóttafólki og öðrum innflytjendum gagnlegar grunnupplýsingar um réttindi í þessum þremur málaflokkum í tengslum við íslenskt samfélag.

Í tilefni af 60 ára afmæli Amnesty International, í dag föstudaginn 28. maí, fagnaði Íslandsdeildin stóra deginum í Pósthússtræti við Austurvöll. Anna Lúðvíksdóttir, framkvæmdastjóri Íslandsdeildar samtakanna, hélt stutta ræðu og opnaði útisýningu um sögu og mannréttindasigra samtakanna síðustu 60 ára í máli og myndum. Þá veitti Claudia Ashanie Wilson viðurkenninguna „Aðgerðasinni Amnesty International“ fyrir hönd stjórnar Íslandsdeildar Amnesty International.

Í 60 ár hefur alþjóðahreyfingin Amnesty International barist þrotlaust gegn mannréttindabrotum og hefur skilað árangri fyrir hundruð þúsunda einstaklinga um heim allan. Amnesty International fagnar afmæli sínu, sögu og sigrum með opnun útisýningar í Pósthússtræti í dag, föstudaginn 28. maí, klukkan 17:00 ásamt því að veita viðurkenninguna Aðgerðasinni Amnesty International til að heiðra einstakling sem hefur barist fyrir mannréttindum með aðgerðum sínum af krafti og eljusemi.

Í tilefni af 60 ára afmæli Amnesty International stöndum við fyrir viðburði í Pósthússtræti við Austurvöll næstkomandi föstudag, 28. maí klukkan 17:00.

Ungliðahreyfing Íslandsdeildar Amnesty er aftur komin á skrið eftir að hafa legið í dvala yfir veturinn. Ungliðastarfið felst í því að vekja athygli á og kalla eftir aðgerðum í málum sem tengjast mannréttindabaráttu víðsvegar um heim, en einnig að fræðast og fræða aðra um stöðu mannréttinda á Íslandi. Það verður viðburðaríkur maímánuður hjá ungliðahreyfingu Íslandsdeilarinnar og er markmiðið að fá inn fleiri nýja ungliða til að spreyta sig á mannréttindastarfi í sumar.

Í maí hefst ungliðastarf Amnesty International af fullum krafti og  ungu fólki á aldrinum 14-24 ára er velkomið að taka þátt.

Amnesty International er alþjóðleg hreyfing tíu milljón einstaklinga um heim allan sem vilja berjast fyrir réttlátum heimi þar sem mannréttindi okkar allra eru virt. Þann 28. maí eru 60 ár frá því að Amnesty International hóf baráttu sína fyrir mannréttindum.

Íslandsdeild Amnesty International fagnar því að síðastliðinn þriðjudag, þann 23. mars, hafi verið samþykkt ályktun í mannréttindaráði Sameinuðu þjóðanna um stöðu mannréttinda í Íran, sem ríkjahópur undir forystu Íslands lagði fram. Umrædd ályktun tryggir áframhaldandi umboð sérstaks skýrslugjafa til að fylgjast með og upplýsa mannréttindaráðið reglulega  um stöðu mannréttinda í Íran.