Taktu þátt og skrifaðu undir tíu áríðandi mál einstaklinga eða hópa sem beittir eru alvarlegum órétti. Þannig söfnuum við milljónum undirskrifta og mögnum saman þrýsting á stjórnvöld víða um heim sem brjóta mannréttindi. Samtakamátturinn skilar árangri! Á hverju ári fáum við góðar fréttir af málum einstaklinga sem þið hafið barist fyrir í Þitt nafn bjargar lífi.
Amnesty International sendir frá sér brýnt ákall um tafarlaust vopnahlé allra aðila á hernumdum svæði Gaza og í Ísrael til að koma í veg fyrir frekara mannfall meðal óbreyttra borgara og til að tryggja aðgang að hjálpargögnum á Gaza þar sem nú ríkir mannúðarneyð af áður óþekktri gráðu.
Amnesty International hefur rannsakað og skráð fimm ólögmætar árásir Ísraels á Gaza, þar á meðal handahófskenndar árásir þar sem fjöldi óbreyttra borgara lét lífið. Þessar árásir ollu gríðarlegri eyðilegginu og í sumum tilfellum þurrkuðust heilu fjölskyldurnar út. Í öllum fimm árásunum braut Ísrael alþjóðleg mannúðarlög. Amnesty International heldur áfram að rannsaka árásir á Gaza.
Þann 13. október fengu 23 spítalar fyrirskipanir um brottflutninga frá ísraelska hernum. Síðan þá hefur ísraelski herinn ítrekað hringt í spítalana og þrýst á starfsfólk að hlýða. Spítalarnir veita lífsnauðsynlega meðferð fyrir meira en 2000 sjúklinga og eru eini griðastaður tugþúsunda fjölskyldna á flótta.
Íslandsdeild Amnesty International fagnar frumvarpi til laga um Mannréttindastofnun Íslands. Samtökin hvetja til þess að lagasetningunni verði komið á sem fyrst og minna á að á íslenskum stjórnvöldum hvílir þjóðréttarleg skylda til að setja á fót mannréttindastofnun sem uppfyllir Parísarviðmið Sameinuðu þjóðanna.
Nú þegar yfirvöld í nokkrum Evrópulöndum hafa sett takmarkanir á réttinn til að mótmæla í tengslum við samstöðu með mannréttindum palestínsks fólks kallar Amnesty International eftir því að tjáningarfrelsið sé virt. Fólk á rétt á að koma saman og tjá sig með friðsamlegum hætti.
Ísraelskar hersveitir og palestínskir vopnaðir hópar verða að leita allra leiða til að vernda líf óbreyttra borgara í átökum milli Ísraels og hernumdu svæða Palestínu. Átökin hófust þegar Hamas hófu að skjóta eldflaugum til Ísraels og senda vopnaða menn í hernaðaraðgerðir inn í suðurhluta Ísrael sem hefur aldrei verið gert áður.
Samkvæmt áætlun á Brent Brewer að vera tekinn af lífi í Texas í Bandaríkjunum þann 9. nóvember 2023. Hann var dæmdur til dauða árið 1991. Dómnum var hnekkt árið 2007 en hann var dæmdur til dauða á ný árið 2009.
Í aðdraganda ofangreindrar lagasetningar sendi Íslandsdeild Amnesty International allsherjar- og menntamálanefnd umsögn um fyrirhugaðar breytingar á útlendingalögum. Í henni sagði m.a. að með því að heimila skerðingu á grunnþjónustu er varðar fæði, húsnæði og nauðsynlega heilbrigðisþjónustu er hætt við því að alvarleg vandamál skapist og velferð fólks sé stefnt í hættu.
Íslandsdeild Amnesty International fagnar framkomnu frumvarpi til laga um breytingu á lögum um útlendinga (afnám þjónustusviptingar).
Þann 15. september ýtir Íslandsdeild Amnesty International úr vör fjáröflunarherferð til styrktar verkefnis Amnesty International á Ameríkusvæðinu. Verkefnið styður við níu stúlkur í Amazon-skóginum í Ekvador sem berjast fyrir hreinu, heilnæmu og sjálfbæru umhverfi þar sem þær búa. Stuðningurinn felst m.a. í frekari rannsóknum á áhrifum gasbruna á heilsu fólks og umhverfið. Einnig verður lögð áhersla á vitundarvakningu og herferðir, innan lands sem utan, til að þrýsta á stjórnvöld í Ekvador.
Abdul- Baqi Saeed Abdo, umsækjandi um alþjóðlega vernd frá Jemen, hefur verið í haldi að geðþótta í rúmlega 20 mánuði í Egyptalandi og stendur nú frammi fyrir því að vera sendur til heimalandsins þar sem líf hans er í hættu.