Salma al-Shehab er 34 ára gömul baráttu­kona, fræði­kona og tveggja barna móðir frá Sádi-Arabíu. Hún var handtekin í janúar 2021 og hefur verið dæmd í 27 ára fangelsi.

Mohammad bin Nasser al-Ghamdi, kennari á eftirlaunum, hlaut dauðadóm fyrir það eitt að nýta tjáningarfrelsið.

Stjórn­völd í Sádi-Arabíu sýna ekkert umburð­ar­lyndi gagn­vart gagn­rýni. Fólk hlýtur nú harðari dóma en Amnesty Internati­onal hefur nokkru sinni áður skrá­sett í Sádi-Arabíu fyrir að nýta rétt sinn til tján­ingar.

Khaled Al Serr er palestínskur skurðlæknir sem var handtekinn þann 24. mars 2024 á Nasser-sjúkrahúsinu í suðurhluta Gaza af ísraelska hernum. Honum hefur verið haldið í leynilegu varðhaldi. Það telst þvingað mannshvarf sem er brot á alþjóðlegum lögum. Í rúma tvo mánuði hafa ísraelsk yfirvöld haldið staðsetningu hans og afdrifum leyndum. Þær brotakenndu upplýsingar sem fjölskylda hans hefur fengið koma frá samstarfsfólki hans og föngum sem hafa verið leystir úr haldi. 

Frumvarp til fyrstu almennu hegningarlöggjafar Sádi-Arabíu, sem er ekki enn búið að opinbera en var lekið var út, gengur í berhögg við alþjóðlega mannréttindastaðla og afhjúpar hræsnina á bak við loforð krónprinsins Mohammed bin Salman um framfarir og umburðarlyndi í landinu. Þetta kemur fram í skýrslu Amnesty International um stöðu mála í Sádi-Arabíu. Yfirvöld í Sádi-Arabíu hafa ekki deilt frumvarpinu með frjálsum félagasamtökum til umsagnar en þarlendir lögfræðingar hafa staðfest að frumvarpið sem var lekið út sé ófalsað.

Andófsmaðurinn og rapparinn, Toomaj Salehi, á það á hættu á að vera tekinn af lífi. Dómstóll í Esfahan í Íran dæmdi hann til dauða í apríl síðastliðinn fyrir það eitt að taka þátt í uppreisninni „Konur, Líf, Frelsi “ og birta færslur á samfélagsmiðlum þar sem yfirvöld í Íran voru gagnrýnd.  

Ahmad Khalefa er ísraelskur ríkisborgari frá Palestínu. Hann er lögfræðingur, baráttumaður fyrir mannréttindum og var nýlega kosinn borgarfulltrúi.  

Í kjölfar samþykktar ályktunar öryggisráðs Sameinuðu þjóðanna þar sem hvatt er til tafarlauss vopnahlés á meðan Ramadan [föstumánuður múslima] stendur yfir sem leiðir til varanlegs  vopnahlés ásamt tafarlausrar og skilyrðislausrar lausnar gísla og aukins aðgangs mannúðaraðstoðar að Gaza, lét Agnès Callamard, aðalframkvæmdastjóri Amnesty International, eftirfarandi orð falla: 

Alþjóða­dóm­stóllinn í Haag (ICJ) gaf út bráða­birgðanið­ur­stöðu þann 26. janúar um að raun­veruleg hætta sé á hópmorði á palestínskum íbúum Gaza. Amnesty International kallar á Ísraelsríki að hlíta fyrirskipun Alþjóðadómstólsins og að veita fólki á Gaza skilvirka grunnþjónustu og mannúðaraðstoð án tafar.

Ísraelskar hersveitir hafa síðustu fjóra mánuði beitt palestínskt fólk grimmilegu ofbeldi á hernumda Vesturbakkanum á meðan heimsbyggðin fylgist með ástandinu á Gaza. Hersveitir hafa drepið palestínskt fólk með ólögmætum hætti, meðal annars með óhóflegri og ónauðsynlegri valdbeitingu gegn mótmælendum og við handtöku ásamt því að neita særðu fólki um læknisaðstoð. Þetta kemur fram í nýrri rannsókn Amnesty International.  

Ísrael verður að binda enda á grimmilegt hernám Gaza og Vesturbakkans, þar á meðal Austur-Jerúsalem, sem Ísrael hefur viðhaldið síðan 1967, samkvæmt yfirlýsingu Amnesty International nú þegar opinber málsmeðferð hefst hjá Alþjóðadómstólnum í Haag (ICJ) til að kanna lagalegar afleiðingar langvarandi hernáms Ísraels.

Aftökur tveggja manna eftir svívirðilega ósanngjörn réttarhöld bera þess merki að írönsk yfirvöld ganga sífellt lengra í grimmd sinni. Mohammad Ghobadlou, 23 ára mótmælandi með þroskahömlun, var tekinn af lífi við dögun þann 23. janúar síðastliðinn í kjölfar leynilegs málaferlis og úrskurðar.