Myndbönd, ljósmyndir og frásagnir þolenda og vitna sem Amnesty International hefur undir höndum staðfesta að íranskar öryggissveitir hafa beitt ólögmætum aðgerðum gegn friðsömum mótmælendum víðsvegar um Íran eftir að yfirvöld viðurkenndu að hafa skotið niður farþegaflugvél frá Úkraínu þann 8. janúar síðastliðinn.

Kevin Whelan starfsmaður Amnesty International í mannréttindaráði Sameinuðu þjóðanna í Genf heldur því fram í grein sinni að ekkert ríki sé smáríki. Enn fremur geti ekkert ríki í mannréttindaráðinu kallað sig eða verið kallað smáríki. Tilefni greinarinnar er þátttaka og seta Íslands í mannréttindaráðinu en setu Íslands lauk um seinustu áramót. Greinin hefur verið þýdd úr ensku yfir á íslensku.

Fulltrúar og starfsfólk tengt stjórnarandstöðunni í Venesúela hafa orðið fyrir ítrekuðum árásum síðan 20. desember 2019. Aukin hætta er á handtökum að geðþótta og öðrum alvarlegum mannréttindabrotum gegn fulltrúum stjórnarandstöðunnar. Þetta er ekki í fyrsta sinn sem Nicolas Maduro, forseti Venesúela og ríkisstjórn hans hafa beitt harðræði til að bæla niður í fulltrúa stjórnarandstöðunnar. Handtökur að geðþótta og þvinguð mannshvörf eru algengar þöggunaraðferðir ríkisstjórnarinnar.

Þann 29. nóvember 2019 handtóku óeinkennisklæddir lögreglumenn blaðamennina Solafa Magdy, Hossam el-Sayed og Mohamed Salah á kaffihúsi í Kaíró höfuðborg Egyptalands. Farsímar þeirra, tölvur og bílar voru gerð upptæk. Degi síðar voru blaðamennirnir úrskurðaðir í gæsluvarðhald vegna rannsóknar á ákærum á hendur þem. Solafa og Mohamed eru ákærð fyrir „að ganga í hryðjuverkahóp“ og „dreifingu á fölskum fréttum“ á meðan Hossam er ákærður fyrir „félagaaðild að hryðjuverkasamtökum“. Leynilögreglumenn hafa beitt Solafa barsmíðum fyrir að neita að veita aðgang að farsíma sínum. Saksóknarinn framlengdi síðan varðhald þeirra um 15 daga á meðan rannsókn stæði yfir.

Þann 6. desember 2019 var 22 ára íröskum ljósmyndara Zaid Mohammed Abid al-Khafaji rænt fyrir utan heimili sitt í Bagdad í Írak. Fjórir óeinkennisklæddir menn drógu hann inn í bíl og keyrðu á brott. Fjölskylda hans leitaði aðstoðar hjá yfirvöldum sem sögðust ætla að rannsaka málið.

Íslandsdeild Amnesty International þakkar heilshugar öllum þeim sem ljáðu nafn sitt við herferðina, Þitt nafn bjargar lífi og studdu þannig tíu ungmenni víðs vegar um heiminn sem sæta grófum mannréttindabrotum.

Í frumbyggjasamfélagi Bojayá Chocó í Vestur-Kólumbíu er 2.250 manns haldið í herkví af skæruliðahópnum Ejército de Liberación Nacional, ELN og herþjálfaða hópnum Autodefensas Gaitanistas de Colombia. Hóparnir neita frumbyggjunum um aðgang að mat og læknisaðstoð. Við krefjumst þess að kólumbísk yfirvöld setji fram alhliða áætlun til verndar réttindum Bojayá- samfélagsins.

Árangur af starfi Amnesty International og mannréttindabaráttunnar er margs konar. Lög eru sett til verndar mannréttindum, komið er í veg fyrir lagabreytingar sem ógna mannréttindum, réttlæti næst, aftökur eru stöðvaðar, fólk er leyst úr haldi og fyrirtækjum gert að virða mannréttindi. Þátttaka þín í mannréttindabaráttunni skiptir máli.

Þingið í Slóvakíu ræðir nú lagafrumvarp er varðar skerðingu á réttindum til þungunarrofs. Ef frumvarpið verður samþykkt þurfa konur að uppfylla fjölmörg skilyrði til að gangast undir þungunarrof. Þessi skilyrði eru ekki byggð á læknisfræðilegum forsendumog grafa undir rétti til friðhelgi einkalífs, rétti til mannlegrar reisnar og sjálfsákvörðunarrétti er snýr að heilbrigðisþjónustu. Skilyrðin ýta einnig undir smán og niðurlægingu. Slóvakíska þingið verður að hafna frumvarpinu umsvifalaust.

Amnesty International þykir miður að þurfa að tilkynna að Kumi Naidoo, aðalframkvæmdastjóri samtakanna, hefur tekið þá ákvörðun, eftir að hafa ráðfært sig við lækni, að segja starfi sínu lausu af heilsufarsástæðum.

Þar sem aftakaveðri er spáð á morgun, þriðjudaginn 10. desember, hefur Íslandsdeild Amnesty International ákveðið að færa opna húsið fyrir herferðina Þitt nafn bjargar lífi fram á fimmtudaginn 12. desember frá kl. 15 til 18.Við vonumst til að sem flestir sjái sér fært að mæta til okkar á skrifstofu samtakanna að Þingholtsstræti 27, þriðju hæð og skrifa undir bréf til stjórnvalda vegna tíu mála ungmenna sem sæta grófum mannréttindabrotum.Einnig gefst gestum kostur á að skrifa stuðningskveðjur til ungmennanna og fjölskyldna þeirra en stuðningskveðjurnar eru ekki síður mikilvægar í mannréttindabaráttunni þar sem þær veita þolendum mannréttindabrota styrk og fullvissu um að umheimurinn hafi ekki gleymt þeim.

Þriðjudaginn 10. desember býður Íslandsdeild Amnesty International félaga og gesti velkomna á skrifstofu deildarinnar í Þingholtsstræti 27 til þátttöku í Þitt nafn bjargar lífi.