Þitt nafn bjargar lífi er stærsta mannréttindaherferð í heimi. Hún hefur verið haldin árlega frá árinu 2001 í þágu þolenda mannréttindabrota. Herferðin hefur vaxið með árunum og fer nú fram í rúmlega 200 löndum. Í ár verður herferðinni á Íslandi formlega hleypt af stokkunum þann 17. nóvember.
Þegar allt virðist á niðurleið í heiminum getur verið niðurdrepandi að lesa fréttirnar. Þá er erfitt ímynda sér að hægt sé breyta heiminum til hins betra. Þitt nafn bjargar lífi, hin árlega alþjóðlega herferð Amnesty International, sýnir að þú getur haft mikil áhrif með lítilli fyrirhöfn. Það eina sem þarf að gera er að skrifa nafn sitt undir tíu mál til stuðnings þolendum mannréttindabrota og krefja þannig stjórnvöld um umbætur. Það er meira að segja hægt að skrifa undir öll málin í einu!
Aðalframkvæmdastjóri Amnesty International, Agnès Callamard, er stödd á loftslagsráðstefnunni COP27 sem haldin er í Sharm El-Sheikh í Egyptalandi dagana 6.-18. nóvember. Amnesty International kallar eftir því að leiðtogar heims sýni opinbera samstöðu með þolendum mannréttindabrota í Egyptalandi og þrýsti á egypsk yfirvöld að láta af áralöngum brotum á mannréttindum.
Taktu þátt og skrifaðu undir 10 áríðandi mál einstaklinga eða hópa sem beittir eru alvarlegum órétti. Þannig söfnum við milljónum undirskrifta og mögnum saman þrýsting á stjórnvöld víða um heim sem brjóta mannréttindi.
Fordæmalaus og vaxandi ógn steðjar að réttinum til að mótmæla um heim allan, að sögn Amnesty International sem ýtir nýrri herferð úr vör í dag til að sporna gegn tilraunum stjórnvalda til að grafa undan þessum grundvallarrétti. Þessi alþjóðlega herferð styður við herferð sem Íslandsdeild Amnesty International hóf í fyrra og ber heitið: Án mótmæla verða engar breytingar.
Á tímum þegar mannréttindi eru víða fótum troðin í heiminum er auðvelt að missa sjónar á því jákvæða. Það má ekki gleyma að fagna þeim mannréttindasigrum sem Amnesty International hefur stuðlað að með hjálp stuðningsfólks okkar á fyrstu sex mánuðum ársins. Fólk ranglega í fangelsi hefur verið leyst úr haldi, óréttlátum lögum hefur verið breytt og valdafólk hefur verið dregið til ábyrgðar. Hér eru mannréttindasigrar til að fagna.
Amnesty International gefur út skýrslu með 20 leiðbeinandi reglum um viðeigandi beitingu lögreglukylfa fyrir alþjóðadag til stuðnings þolenda pyndinga sem er þann 26. júní. Reglurnar segja til um hvenær og hvernig megi beita slíkum vopnum í samræmi við alþjóðleg mannréttindalög þar sem lögmæti, nauðsyn, meðalhóf og ábyrgð eru höfð að leiðarljósi. Nýlegt myndband frá Indlandi þar sem lögregla ræðst á mótmælendur og gæslufanga með kylfum sýnir nauðsyn þess að kljást við útbreidda misbeitingu kylfa og annarra barefla.
Samkvæmt árlegri skýrslu Amnesty International um dauðarefsinguna er það mikið áhyggjuefni að dauðadómum og aftökum hafi fjölgað árið 2021 í ríkjum sem hafa beitt henni mikið hingað til. Þessi ríki héldu uppteknum hætti í kjölfar afnáms takmarkana í tengslum við kórónuveirufaraldurinn.
Í ársskýrslu Amnesty International fyrir árið 2021 kemur fram að efnameiri ríki í samvinnu við risafyrirtæki blekktu fólk með innantómum slagorðum og fölskum loforðum um að rísa upp úr kórónuveirufaraldrinum með sanngjörnum hætti. Þetta eru ein stærstu svik okkar tíma. Niðurstöður skýrslunnar eru að þessi ríki ásamt risafyrirtækjum hafi í raun aukið ójöfnuð í heiminum. Þar er greint frá rót vandans sem er meðal annars skaðleg græðgi fyrirtækja og grimmilegir eiginhagsmunir ríkja auk vanræksla stjórnvalda um heim allan er varðar innviði og heilbrigðismál.
Mannréttindabarátta Amnesty International hefur skilað miklu árið 2021 um heim allan. Lögum hefur verið breytt til samræmis við mannréttindi og samviskufangar leystir úr haldi. Hér má sjá yfirlit yfir helstu sigra ársins.
Leiðtogar G20-ríkjanna hafa í yfirlýsingu sinni í lok leiðtogafundarins í Róm síðustu helgi gefið loforð um að kanna leiðir til að hraða bólusetningum í heiminum og vinna að því að ná markmiði Alþjóðaheilbrigðisstofnunarinnar um að 40% íbúa hvers lands í heiminum séu bólusettir í enda árs.
Taktu þátt og skrifaðu undir 10 áríðandi mál einstaklinga sem beittir eru alvarlegum órétti. Þannig söfnum við milljónum undirskrifta og mögnum saman þrýsting á stjórnvöld víða um heim sem brjóta mannréttindi.