Enn og aftur hefur þitt nafn bjargað lífi. Mál samviskufangans Bernardo Caal Xol var hluti af árlegu herferð okkar, Þitt nafn bjargar lífi, árið 2021. Bernando varð frjáls á ný þann 24. mars eftir fjögur ár í fangelsi. Lögfræðingur hans sagði að dómari hefði fyrirskipað lausn hans vegna góðrar hegðunar.  

Idris Hasan, Úígúri sem býr í Tyrklandi, var handtekinn í júlí 2021 í Marokkó vegna þess að hann var eftirlýstur af Interpol. Kínversk yfirvöld skilgreina hann sem hryðjuverkamann vegna starfa sem hann hefur unnið fyrir úígúrísk samtök. Lög í Kína skilgreina hryðjuverk með víðtækum og óljósum hætti og þeim hefur verið beitt til að ofsækja Úígúra og aðra múslimska minnihlutahópa. Þann 15. desember 2021 staðfestu dómstólar í Marokkó framsal Idris Hasan. Hann er enn í varðhaldi og í mikilli hættu að verða framseldur til Kína þar sem hann verður líklega pyndaður og fangelsaður að geðþótta.

Nazanin Zaghari-Ratcliffe og Anoosheh Ashoori hafa verið leyst úr haldi í Íran. Þau eru bæði bresk-írönsk og eru komin aftur til Bretlands. Samanlagt voru þau rúm tíu ár í fangelsi eftir óréttmæta handtöku. Amnesty International fagnar þessum fréttum þótt fyrr hefði verið.  

Mannréttindabarátta Amnesty International hefur skilað miklu árið 2021 um heim allan. Lögum hefur verið breytt til samræmis við mannréttindi og samviskufangar leystir úr haldi. Hér má sjá yfirlit yfir helstu sigra ársins.

Leyniþjónustan í Íran neitar Zeynab Jalalian, íranskri konu af kúrdískum uppruna, um aðgengi að heilbrigðisþjónustu til að þvinga fram játningu frá henni á myndbandi. Zeynab glímir við alvarlegar aukaverkanir eftir að hafa veikst af kórónuveirunni.  

Amnesty International hefur fylgst grannt með málinu um beiðni Bandaríkjanna um framsal Julian Assange frá Bretlandi. Þann 4. janúar 2021 hafnaði dómstóll í London beiðni um framsal en tveimur dögum síðar var Assange neitað um lausn úr haldi gegn tryggingu. Amnesty International fagnar þeirri ákvörðun að hafna framsalsbeiðninni en fordæmir að hann hafi ekki verið leystur úr haldi gegn tryggingu. Julian Assange hefur verið í haldi í rúmt ár vegna framsalsbeiðni til Bandaríkjanna.   

Árið 2020 hefur verið erfitt ár en þrátt fyrir það hafa mannréttindasigrar náð fram að ganga sem ber að fagna. Starf Amnesty International ber árangur með ýmsum hætti. Einstaklingar hafa verið leystir úr haldi, ákærur felldar niður, réttlæti náðst, breytingar gerðar á lögum til hins betra og fyrirtæki tekið ábyrgð á starfsemi sinni. Þetta er meðal sigra sem ber að fagna á þessu ári. Smelltu hér til að sjá aðrar góðar fréttir á árinu.

Samstaða er mikilvæg á þessum óvissutímum þegar kórónuveirufaraldurinn geisar. Á tímum sem þessum er mikilvægt að horfa á það jákvæða og sjá hverju samtakamátturinn getur áorkað. Á síðustu mánuðum hafa ýmsir sigrar unnist í mannréttindabaráttunni. Það er mikilvægt að fagna hverjum sigri og ekki síst núna þegar kvíðinn og óttinn er skammt undan. Hér eru 20 sigrar sem sýna fram á samtakamáttinn í mannréttindabaráttunni. Fjölmargir aðgerðasinnar hafa verið leystir úr haldi, löggjöfum hefur verið breytt í þágu mannréttinda og dómar mildaðir.

Síðustu daga hefur fulltrúi Amnesty International verið viðstaddur réttarhöldin yfir Julian Assange vegna framsalsbeiðni Bandaríkjanna. Julia Hall var þar fyrir hönd samtakanna sem sérfræðingur um mannréttindi í Evrópu. Hún hafði þetta um málið að segja:

Í ljósi áheyrnar í máli Julian Assange um framsal til Bandaríkjanna þann 24. febrúar næstkomandi kallar Amnesty International eftir því að yfirvöld í Bandaríkjunum felli niður allar ákærur á hendur honum sem tengjast njósnum og hann leystur úr haldi í kjölfarið.

Árangur af starfi Amnesty International og mannréttindabaráttunnar er margs konar. Lög eru sett til verndar mannréttindum, komið er í veg fyrir lagabreytingar sem ógna mannréttindum, réttlæti næst, aftökur eru stöðvaðar, fólk er leyst úr haldi og fyrirtækjum gert að virða mannréttindi. Þátttaka þín í mannréttindabaráttunni skiptir máli.

Evelyn Hernández var sýknuð fyrir rétti þann 19. ágúst og er það sigur fyrir mannréttindi. Hún var 21 árs þegar neyðartilvik á heimili Evelyn þann 6. apríl 2016 leiddi til fósturmissis hennar. Starfsfólk á vakt tilkynnti Evelyn Hernández til lögreglu þegar hún kom á sjúkrahús til aðhlynningar.