Íran

Íran: Íranskur Kúrdi á yfir höfði sér dauðadóm

Arsalan Khodkam hlaut dauðadóm fyrir njósnir eftir óréttlát rétt­ar­höld sem stóðu yfir í 30 mínútur. Dómurinn var byggður á játn­ingu sem náð var fram með pynd­ingum. Hann hefur ekki fengið að velja sér lögfræðing. Dauða­dómur fyrir njósnir brýtur gegn alþjóðalögum. 

Fjöl­skylda Arsalan Khodkam hefur frá árinu 2018 reynt að vekja athygli á órétt­látum dómi og hvatt ýmsar ríkisstofn­anir til að grípa inn í án árangurs. 

Arsalan Khodkam var hand­tekinn 23. apríl 2018 á herstöð í Urumieh þar sem hann starfaði sem liðs­for­ingi í  Írönsk­u bylt­inga­vörð­unum (IRGC). Hann var sakaður um njósnir fyrir Kúrdíska lýðræð­is­flokkinn í Íran (KDPI) og átti að hafa aðstoðað flokkinn í vopn­uðum aðgerðum þeirra gegn Revoluti­onary GuardsArsalan neitar þessum ásök­unum. Samkvæmt upplýs­ingum Amnesty Internati­onal hafði hann samskipti við ættingja sinn sem er meðlimur í Kúrdíska Lýðræð­is­flokknum í eitt skipti til að upplýsa hann um fyrir­hugaða áætlun  Írönsk­u bylt­inga­varð­anna um að brjóta á bak aftur frið­samleg mótmæli í Banekúrdísku svæði.  

Rann­sóknir Amnesty Internati­onal gefa til kynna að Arsalan hafi verið pynd­aður í marga daga og skrifað undir játn­ingu eftir að kona hans var sett í varðhald. 

Pynd­ingar brjóta gegn alþjóða­lögum og eru ólög­legar undir öllum kring­um­stæðum. Játn­ingar sem nást fram með pynd­ingum má ekki nota í rétt­ar­höldum. 

Amnesty fordæmir dauðarefsinguna og er alfarið á móti henni í öllum tilfellum undir öllum kring­umstæðum 

Skrifaðu undir og krefstu þess að íranska ríkið ógildi dóminn gegn Arsalan og tryggi honum réttlát rétt­ar­höld.

Þau þurfa þína hjálp!

Þín undirskrift getur bjargað mannslífi

Færeyjar

Réttur til þungunarrofs ekki virtur

Alþjóðadagur öruggs þungunarrofs er ár hvert 28. september. Á þeim degi er sjálfræði yfir eigin líkama fagnað og vakin athygli á því að réttur til þungunarrofs er víða takmarkaður. Færeyjar eru eina þjóðin á Norðurlöndunum þar sem konur geta ekki tekið sjálfstæða ákvörðun um þungunarrof. Færeysk þungunarrofslög eru með þeim ströngustu í Evrópu. Við krefjumst þess að færeyskar stúlkur, konur og ólétt fólk fái að njóta réttarins til þungunarrofs.

Kína

Fjöldahandtökur í Xinjiang

Í Xinjiang, sem er kínverskt sjálfstjórnarhérað Úígúra, eru að minnsta kosti 120 einstaklingar úr múslímskum minnihlutahópum í fangelsi án réttlátrar málsmeðferðar eða í fangabúðum. Skrifaðu undir og krefstu þess að kínversk stjórnvöld leysi þennan hóp fólks í Xinjiang-héraði úr haldi.

Sri Lanka

Stöðvum aðför að friðsömum mótmælendum í Srí Lanka

Á meðan efnahagskreppa og erfiðleikar dynja yfir Srí Lanka hafa yfirvöld þar í landi beitt harkalegum aðgerðum gegn mótmælum og skrímslavætt mótmælendur. Ranil Wickremesinghe, forseti Sri Lanka, verður samstundis að hætta að kúga, ógna og refsa friðsömum mótmælendum.

Rússland

Mannréttindalögfræðingar sviptir málflutningsleyfi

Rússnesk yfirvöld afturkölluðu málflutningsleyfi Lilya Gemedzhi, Rustem Kyamilev og Nazim Sheikhmambetov í refsingarskyni vegna mannréttindastarfa lögfræðinganna í þágu aðgerðasinna af þjóðarbroti Tatara á Krímskaganum. Skrifaðu undir ákall um að svipting málflutningsleyfi þeirra verði afturkölluð.

Bandaríkin

Bandaríkin: Verndið réttinn til þungunarrofs

Hæstiréttur Bandaríkjanna hefur snúið við fordæmi dóms sem verndaði réttinn til þungunarrofs í landinu. Krefjumst þess að ríkisstjórar í öllum ríkjum Bandaríkjanna komi í veg fyrir þungunarrofsbann og verndi réttinn til þungunarrofs. 

Katar

Krefjumst þess að FIFA gefi Katar rauða spjaldið fyrir misbeitingu farandverkafólks

Fyrir tilstuðlan farandverkafólks getur draumur Katar um að halda heimsmeistaramótið í fótbolta orðið að veruleika. FIFA ber skylda til að bregðast við og nota áhrif sín til að hvetja Katar til að vernda farandverkafólk. Þrátt fyrir að einhver árangur hefur náðst er enn langt í land. Krefjumst þess að FIFA gefi Katar rauða spjaldið fyrir misbeitingu farandsverkafólks!

Rússland

Stöðvið árásina og verndið almenning í Úkraínu

Hörmungar og mannréttindaneyð dynur á Úkraínubúum. Nú þegar hafa fullorðnir og börn látið lífið og líf fleiri þúsunda eru í hættu. Krefstu þess að rússnesk yfirvöld stöðvi þessa árás og verndi almenna borgara núna strax!

Alþjóðlegt

Ríki hætti ólögmætri notkun á njósnabúnaði

Í löndum víðsvegar um heiminn reiða yfirvöld sig sífellt meira á stafrænt eftirlit í þeim tilgangi að áreita eða handtaka einstaklinga sem tjá sig til varnar mannréttindum eða afhjúpa viðkvæmar upplýsingar. Aukning er á stafrænum árásum gegn mannréttindasinnum, fjölmiðlafólki og almennum borgurum. Njósnum, hótunum og þöggun er beitt með því að brjótast inn í stafræn tæki einstaklinga. Þessari aðför verður að linna. Með undirskrift þinni þrýstir þú á stjórnvöldá heimsvísu að bregðast við kröfum um að vernda mannréttindasinna um heim allan.

Bandaríkin

Bandaríkin felli niður ákærur á hendur Julian Assange

Bandarísk yfirvöld verða að fella niður allar ákærur á hendur Julian Assange sem tengjast njósnum og birtingu gagna vegna starfa hans hjá Wikileaks. Miskunnarlausar tilraunir bandarískra stjórnvalda til að hafa hendur í hári Julian Assange vegna opinberunar gagna sem innihéldu meðal annars upplýsingar um mögulega stríðsglæpi bandaríska hersins eru alvarlegar árásir gegn réttinum til tjáningarfrelsis.