Loftslagsráðstefna Sameinuðu þjóðanna, COP28, fer fram dagana 30. nóvember til 12. desember í Sameinuðu arabísku furstadæmunum. Þar koma saman 198 ríki og aðilar til að takast á við loftslagsvandann. Staða mannréttinda í Sameinuðu arabísku furstadæmunum verður einnig í sviðsljósinu þar sem hún getur haft áhrif á hvernig ráðstefnan gengur. 

Irina Danilovich er hjúkrunarfræðingur og aðgerðasinni frá Krímskaga en svæðið hefur verið hernumið af Rússlandi síðan 2014. Hún er í haldi rússneskra yfirvalda. Hún hefur vakið athygli á vanda innan heilbrigðiskerfisins á svæðinu og opinberlega fordæmt pólitískar ofsóknir gegn mannréttindafrömuðum og aðgerðasinnum. Einstaklingar sem hafa andmælt hernámi Rússlands, ólögmætri innlimun Krímskaga og mannréttindabrotum frá árinu 2014 hafar sætt ofsóknum, ógnunum, fölskum ákærum og þvinguðum mannshvörfum.  

Pakistönsk yfirvöld tilkynntu þann 3. október 2023 ákvörðun sína um að vísa óskráðu afgönsku flóttafólki úr landi fyrir 1. nóvember. Slík ákvörðun brýtur gegn alþjóðaskuldbindingum Pakistan.

Anna Lúðvíksdóttir framkvæmdastjóri Íslandsdeildar Amnesty International og Þórunn Pálína Jónsdóttir lögfræðingur deildarinnar afhentu Katrínu Jakobsdóttur forsætisráðherra ákall með uppfærðum undirskriftalista um vopnahlé í átökum Ísraels og vopnaðra hópa á Gaza þann 23. nóvember. Í heildina söfnuðust 11.733 undirskriftir. Utanríkisráðherra hafði áður móttekið sama uppfærða listann þann 21. nóvember.   

Ísraelsk yfirvöld hafa beitt varðhaldi án dómsúrskurðar, sem er ein tegund varðhalds að geðþótta, í auknum mæli gegn palestínsku fólki á hernumda svæðinu á Vesturbakkanum ásamt því að palestínskir fangar hafa sætt ómannúðlegri og niðurlægjandi meðferð frá 7. október síðastliðnum. Tilvik um pyndingar og dauðsföll í varðhaldi síðasta mánuðinn hafa heldur ekki verið rannsökuð af ísraelskum yfirvöldum samkvæmt Amnesty International. 

Listakonan Julia Mai Linnéa Maria málaði nýverið glæsilegt vegglistaverk á útivegg kaffihússins Kaffi Vest í Vesturbæ Reykjavíkur. Verkið er af pólska kvenréttindafrömuðinum Justynu Wydrzyńska sem berst fyrir réttinum til öruggs þungunarrofs í heimalandi sínu.

Flytja þurfti 84 einstaklinga á brott úr „El bosque“- samfélaginu í Suður-Mexíkó þann 1. nóvember 2023 vegna hækkandi sjávarmáls og hræðilegra afleiðinga loftlagsbreytinga. Þeir voru fluttir í bæinn Frontera sem eru í 12 km fjarlægð.

Amnesty International ítrekar ákall sitt um að óbreyttir borgarar í gíslingu á hernumdum svæðum á Gaza verði leystir úr haldi án tafar og skilyrðislaust. Á meðal gísla eru börn. Hamas og aðrir vopnaðir hópar hafa haldið þeim í gíslingu í mánuð eða frá 7. október. Þúsundir einstaklinga hafa farið út á götur í Ísrael á síðustu dögum til að gagnrýna viðbrögð ísraelskra stjórnvalda og krafist þess að fá ástvini sína aftur heim.

Anna Lúðvíksdóttir framkvæmdastjóri Íslandsdeildar Amnesty International og Þórunn Pálína Jónsdóttir lögfræðingur deildarinnar afhentu Bjarna Benediktssyni utanríkisráðherra ákall með 6944 undirskriftum þann 3. nóvember. Forsætisráðuneytið fékk einnig undirskriftirnar en Katrín Jakobsdóttir forsætisráðherra gat ekki veitt þeim viðtöku sökum fjarveru erlendis.  

Hin árlega og alþjóðlega herferð, Þitt nafn bjargar lífi, hefur svo sannarlega sýnt að hægt er að umbreyta lífi þolenda mannréttindabrota með þeim einfalda hætti að setja nafn sitt á bréf til stjórnvalda og krefjast umbóta í máli þeirra.

Taktu þátt og skrifaðu undir tíu áríðandi mál einstaklinga eða hópa sem beittir eru alvarlegum órétti. Þannig söfnuum við milljónum undirskrifta og mögnum saman þrýsting á stjórnvöld víða um heim sem brjóta mannréttindi. Samtakamátturinn skilar árangri! Á hverju ári fáum við góðar fréttir af málum einstaklinga sem þið hafið barist fyrir í Þitt nafn bjargar lífi.

Amnesty International sendir frá sér brýnt ákall um tafarlaust vopnahlé allra aðila á hernumdum svæði Gaza og í Ísrael til að koma í veg fyrir frekara mannfall meðal óbreyttra borgara og til að tryggja aðgang að hjálpargögnum á Gaza þar sem nú ríkir mannúðarneyð af áður óþekktri gráðu.