Vegna harðnandi átaka milli Ísraels og Hezbollah vill Amnesty International koma því á framfæri að gífurlegt mannfall í Líbanon frá því í síðustu viku er áminning um mikilvægi þess að allir stríðsaðilar framfylgi skyldum sínum í samræmi við alþjóðleg mannúðarlög.
Yfirvöld og fyrirtæki eru óðum að þróa vopn með aukinni sjálfstýringu þar sem ný tækni og gervigreind eru notuð. Drónar og önnur háþróuð vopn eru þróuð til að taka ákvarðanir og velja skotmörk án atbeina nokkurrar manneskju. Slík “drápsvélmenni” gætu verið notuð í átökum, við löggæslu eða landamæravörslu.
Amnesty International kallar eftir rannsókn á eyðileggingu borgaralegra innviða af hálfu ísraelska hersins á Gaza og telur að þessar hernaðaraðgerðir teljist stríðsglæpir.
Stærstu vopnaflutningalönd heims brjóta enn og aftur á reglum vopnaviðskiptasamningsins með ólögmætum vopnaflutningum sem veldur átakanlegu mannfalli á átakasvæðum eins og í Súdan, Myanmar og á hernumdu svæðunum í Palestínu, sérstaklega Gaza, segir Amnesty International þegar liðin eru rúm tíu ár frá samþykkt samningsins.
Fjölmargir mannréttindasigrar náðust á fyrstu sex mánuðum ársins þar sem Amnesty International lagði sitt lóð á vogaskálarnar. Fólk sem var ranglega fangelsað var leyst úr haldi, lög voru betrumbætt og réttlæti náði fram að ganga. Allt mikilvægir sigrar sem skipta máli. Stuðningsfólk um allan heim greip til aðgerða og sýndi fram á að samtakamátturinn hefur áhrif.
Nú þegar ár er liðið frá upphafi stríðsátaka á milli hersveitar Súdans og RSF-hersveita (e. Rapid Support Forces) hafa viðbrögð alþjóðasamfélagsins verið sorglega bágborin á sama tíma og mannfall óbreyttra borgara í landinu eykst. Í dag þann 15. apríl, þegar ár er liðið frá upphafi átakanna, verður listasýning haldin í Naíróbí í Kenýa á vegum Amnesty International, Sudan Democracy First Group og NGO International Film Festival þar sem súdanskt listafólk sýnir verk sín til stuðnings óbreyttum borgurum í Súdan sem þjást mest vegna átakanna.
Í kjölfar samþykktar ályktunar öryggisráðs Sameinuðu þjóðanna þar sem hvatt er til tafarlauss vopnahlés á meðan Ramadan [föstumánuður múslima] stendur yfir sem leiðir til varanlegs vopnahlés ásamt tafarlausrar og skilyrðislausrar lausnar gísla og aukins aðgangs mannúðaraðstoðar að Gaza, lét Agnès Callamard, aðalframkvæmdastjóri Amnesty International, eftirfarandi orð falla:
Íslensk stjórnvöld hafa ákveðið að hefja á ný greiðslur til Palestínuflóttamannaaðstoðar Sameinuðu þjóðanna (UNRWA). Ísland var á meðal þeirra ríkja sem ákváðu í janúar að frysta greiðslur í kjölfar þess að Ísraelar sögðu 12 af 30 þúsund starfsmönnum UNRWA hefðu átt þátt í árás Hamas á Ísrael 7. október síðastliðinn. Ákvörðunin var mjög umdeild og gagnrýnd af hálfu margra, þ.á.m. Amnesty International.
Alþjóðadómstóllinn í Haag (ICJ) gaf út bráðabirgðaniðurstöðu þann 26. janúar um að raunveruleg hætta sé á hópmorði á palestínskum íbúum Gaza. Amnesty International kallar á Ísraelsríki að hlíta fyrirskipun Alþjóðadómstólsins og að veita fólki á Gaza skilvirka grunnþjónustu og mannúðaraðstoð án tafar.
Íslandsdeild Amnesty International lýsir yfir alvarlegum áhyggjum vegna ákvörðunar ríkisstjórnar Íslands um að frysta fjármögnun til Palestínuflóttamannaaðstoðar Sameinuðu þjóðanna (UNRWA) og hvetur ríkistjórn Katrínar Jakobsdóttur til að snúa þeirri ákvörðun við án tafar og styðja við störf UNRWA. Ákvörðun ríkisstjórnar Katrínar Jakobsdóttur um stöðvun fjárstuðnings til UNRWA var tilkynnt 30. janúar síðastliðinn.
Samkvæmt Amnesty International er fyrirskipun alþjóðadómstólsins í Haag um bráðabirgðaráðstafanir vegna málsóknar Suður-Afríku á hendur Ísraels um hópmorð mikilvægt skref sem gæti hjálpað til að veita palestínsku fólki á á Gaza vernd gegn þjáningum og óafturkræfum skaða.
Anna Lúðvíksdóttir framkvæmdastjóri Íslandsdeildar Amnesty International og Þórunn Pálína Jónsdóttir lögfræðingur deildarinnar afhentu Katrínu Jakobsdóttur forsætisráðherra ákall með uppfærðum undirskriftalista um vopnahlé í átökum Ísraels og vopnaðra hópa á Gaza þann 23. nóvember. Í heildina söfnuðust 11.733 undirskriftir. Utanríkisráðherra hafði áður móttekið sama uppfærða listann þann 21. nóvember.