Ný skýrsla Amnesty International greinir frá hræðilegum afleiðingum átaka stjórnvalda og Boko Haram fyrir börn í norðausturhluta Nígeríu. Börn sem flýja svæði Boko Haram enda oftar en ekki í verri aðstæðum. Í besta falli eru þau á vergangi í harðri lífsbaráttu þar sem þau hafa lítinn eða engan aðgang að menntun. Í versta falli eru þau handtekin að geðþótta af hernum og þeim haldið árum saman við aðstæður sem teljast til pyndinga og annarrar illrar meðferðar. Einnig kemur fram í skýrslunni að alþjóðlegir aðilar hafi styrkt gallaða endurhæfingu fyrir meinta fyrrum hermenn Boko Haram sem í raun er ólögmætt varðhald barna og fullorðinna.

Saïkou Yaya Diallo, aðgerðasinni og aðstoðarmaður lögfræðings hjá stjórnarandstöðuflokknum National Front for the defense of the constitution (FNDC) var handtekinn þann 7. maí og settur í varðhald í Conakry, höfuðborg Gíneu, í kjölfar atviks sem átti sér stað á blaðamannafundi hjá stjórnmálaflokknum. Þann 12. maí var hann kærður fyrir líkamsárás, ofbeldi, hótanir og óspektir á almannafæri. Saïkou er með sykursýki sem krefst sérstaks mataræðis og meðhöndlunar og því í áhættuhópi vegna kórónuveirufaraldursins. Sama dag staðfestu stjórnvöld í Gíneu 58 tilfelli af COVID-19 smitum í fangelsinu og þrjú dauðsföll af völdum veirunnar.

Fram kemur í ársskýrslu Amnesty International fyrir árið 2019 að mótmælendur í Afríku sunnan Sahara hafi barist fyrir réttindum sínum gegn átökum og kúgun þrátt fyrir hættu á skotárásum eða barsmíðum. Í skýrslunni er greint frá mótmælum og harkalegum viðbrögðum stjórnvalda, mannréttindabrotum og átökum víðsvegar á svæðinu. Herjað var á aðgerðasinna og fjölmiðlafólk og þúsundir óbreyttra borgara þjáðust vegna átaka.

Blaðamanninum Mamane Kaka Touda er haldið í fangelsi í Niamey í Níger fyrir að birta færslu á samfélagsmiðlum varðandi grun um COVID-19 smit á gjörgæsludeild spítalans í borginni.

Þann 24. desember var rannsóknarblaðamaðurinn Ignace Sossou dæmdur í 18 mánaða fangelsi og til að greiða sekt fyrir „áreitni á netinu“ í Benín fyrir tíst á Twitter með tilvitnun í ummæli ríkissaksóknara. Ríkissaksóknarinn heldur því fram að ummæli hans hafi verið tekin úr samhengi og lagði fram kvörtun vegna ummæla Ignace Sossou til dómstóla í Benín. Ignace Sossou er í haldi að geðþótta. Leysa þarf hann úr haldi umsvifalaust án skilyrða.

Þann 17. ágúst var háskólakennarinn Firew Bekele handtekinn og ákærður samkvæmt harkalegum hryðjuverkalögum (e. Anti-Terrorism Proclamation) Eþíópíu. Á seinasta áratug hafa lögin verið notuð til að bæla niður andstöðu. Firew Bekele er ákærður fyrir að skrifa bók sem gagnrýnir forsætisráðherra Eþíópíu, Abiy Ahmeden, enhann neitar að hafa skrifað bókina. Firew Bekele er samviskufangi sem þarf að leysa tafarlaust úr haldi án skilyrða.

Aðgerðasinni frá Senegal, Guy Marius Sagna, var ákærður fyrir „falskar hryðjuverkaaðvaranir“ þann 5. ágúst síðastliðinn. Hann var handtekinn að geðþótta þann 16. júlí í höfuðborginni Dakar en leystur úr haldi mánuði síðar. Guy var yfirheyrður vegna tveggja Facebook-færslna þar sem hann fjallaði um skort á fullnægjandi læknisaðstöðu í Senegal og einnig fyrir innlegg sitt á Facebook-síðu sinni um veru franska hersins í Afríku.

Suður-súdönskum aðgerðasinna á fertugsaldri, Michael Wetnhialic, er haldið í höfuðstöðvum þjóðaröryggisstofnunar ríkisins og meinaður aðgangur að fjölskyldu sinni eða lögfræðingi. Hann var handtekinn að geðþótta af þjóðaröryggisstofnuninni í Juba þann 18. maí síðastliðinn.

Amnesty International fagnar úrskurði hæstaréttar í Botsvana í júní síðastliðnum um afglæpavæðingu samkynhneigðra sambanda og er það sigur fyrir jafnrétti og frelsi til að fá að elska.

Súdanska hersveitin sem nefnist „Rapid Support Forces“ hefur ráðist á og myrt friðsama mótmælendur. Súdanskir borgarar hafa stofnað lífi sínu og öryggi í hættu við að krefjast umbóta í landinu. Mótmælendur hafa barist fyrir breytingum og kallað eftir frelsi, friði og réttlæti og í apríl síðastliðinn var forseta landsins, Omar al-Bashir, komið frá völdum.

Réttindi kvenna og stúlkna er stór þáttur í starfi Amnesty International. Hér eru fimm sigrar í málefnum sem Amnesty International hefur barist fyrir ásamt mörgum aðgerðasinnum úr ýmsum grasrótarhreyfingum.

Íbúar fátækrahverfisins The Deep Sea í Naíróbí, höfuðborg, Kenía eiga á ný í hættu á að missa heimili sitt. Þann 1. febrúar tilkynntu yfirvöld að íbúar hefðu aðeins fjóra daga til að rýma svæðið svo hægt væri að ryðja fyrir gerð vegar sem er fjármagnaður af Evrópusambandinu. Ef íbúar yfirgæfu ekki svæðið fyrir þann tíma myndu yfirvöld reka íbúa á brott með valdi.