Ísraelskar hersveitir hafa síðustu fjóra mánuði beitt palestínskt fólk grimmilegu ofbeldi á hernumda Vesturbakkanum á meðan heimsbyggðin fylgist með ástandinu á Gaza. Hersveitir hafa drepið palestínskt fólk með ólögmætum hætti, meðal annars með óhóflegri og ónauðsynlegri valdbeitingu gegn mótmælendum og við handtöku ásamt því að neita særðu fólki um læknisaðstoð. Þetta kemur fram í nýrri rannsókn Amnesty International.
Íslandsdeild Amnesty International lýsir yfir alvarlegum áhyggjum vegna ákvörðunar ríkisstjórnar Íslands um að frysta fjármögnun til Palestínuflóttamannaaðstoðar Sameinuðu þjóðanna (UNRWA) og hvetur ríkistjórn Katrínar Jakobsdóttur til að snúa þeirri ákvörðun við án tafar og styðja við störf UNRWA. Ákvörðun ríkisstjórnar Katrínar Jakobsdóttur um stöðvun fjárstuðnings til UNRWA var tilkynnt 30. janúar síðastliðinn.
Íslandsdeild Amnesty International lýsir yfir alvarlegum áhyggjum vegna ákvörðunar ríkisstjórnar Íslands um að frysta fjármögnun til PalestínuflóttamannaaðstoðarSameinuðu þjóðanna (UNRWA) og hvetjum þig til að tryggja að ríkistjórn þín styðji störf UNRWA. Frysting fjármagns eykur á þjáningar rúmlega tveggja milljóna palestínskra flóttamanna, sem skráðir eru flóttamenn hjá UNRWA. Rúmlega 70% íbúa Gaza hafa verið á landflótta síðan árið 1948 en nú vofir yfir öllum íbúum svæðisins yfirgnæfandi hætta á hópmorði.
Ísrael verður að binda enda á grimmilegt hernám Gaza og Vesturbakkans, þar á meðal Austur-Jerúsalem, sem Ísrael hefur viðhaldið síðan 1967, samkvæmt yfirlýsingu Amnesty International nú þegar opinber málsmeðferð hefst hjá Alþjóðadómstólnum í Haag (ICJ) til að kanna lagalegar afleiðingar langvarandi hernáms Ísraels.
Á hverjum degi fær Amnesty International upplýsingar um mannréttindabrot sem eiga sér stað um allan heim.
Hæstiréttur Bretlands hefur staðfest tveggja daga fyrirtöku í máli Julian Assange, dagana 20.-21. febrúar, til að ákvarða hvort að Julian Assange fái fleiri tækifæri til að fara með mál sitt fyrir dómstóla í Bretlandi. Verði ákvörðunin sú að hann hafi fullnýtt rétt sinn til áfrýjunar vegna fyrirhugaðs framsals til Bandaríkjanna er aðeins tvennt í stöðunni. Framsalsferlið til Bandaríkjanna mun hefjast eða Julian Assange leiti til Mannréttindadómstóls Evrópu.
Rocío San Miguel, þekkt baráttukona fyrir mannréttindum, var handtekin að geðþótta þann 9. febrúar 2024 á flugvellinum í Caracas í Venesúela. Hún sætir þvinguðu mannshvarfi (leynilegu varðhaldi yfirvalda).Þetta er ein af aðferðunum sem hafa verið skráðar sem stjórnvöld beita til að bæla niður andstöðu.
Lögreglurannsókn stendur enn yfir á mannshvarfi 43 nemenda þann 26. september 2014 . Síðustu niðurstöður rannsóknarinnar sýndu mögulega vanrækslu eða þátttöku hersins í hvarfi nemendanna.
Aftökur tveggja manna eftir svívirðilega ósanngjörn réttarhöld bera þess merki að írönsk yfirvöld ganga sífellt lengra í grimmd sinni. Mohammad Ghobadlou, 23 ára mótmælandi með þroskahömlun, var tekinn af lífi við dögun þann 23. janúar síðastliðinn í kjölfar leynilegs málaferlis og úrskurðar.
Undirrituð félagasamtök fagna því að um 100 einstaklingum á Gaza hafi verið veitt dvalarleyfi á Íslandi á grundvelli laga um útlendinga og sameiningu fjölskyldna. Vegna þeirra fordæmalausu aðstæðna sem nú ríkja á Gaza, hvetja samtökin íslensk stjórnvöld til þess að leggja allt kapp á að tryggja tafarlausa brottför þessa hóps frá Gaza til Íslands. Hópurinn samanstendur aðallega af konum og börnum í sérstaklega viðkvæmri stöðu. Þá hvetja undirrituð félagasamtök stjórnvöld til þess að taka til efnismeðferðar allar þær umsóknir palestínsks fólks sem nú liggja fyrir.
Frá því að talíbanar tóku við völdum í ágúst 2021 hafa konur sem mótmæla grimmilegri stefnu talíbana gegn konum þar í landi ýmist sætt þvinguðum mannshvörfum (leynilegu varðhaldi yfirvalda), handtökum að geðþótta eða pyndingum.
Samkvæmt Amnesty International er fyrirskipun alþjóðadómstólsins í Haag um bráðabirgðaráðstafanir vegna málsóknar Suður-Afríku á hendur Ísraels um hópmorð mikilvægt skref sem gæti hjálpað til að veita palestínsku fólki á á Gaza vernd gegn þjáningum og óafturkræfum skaða.