Íþróttafólk í Hvíta-Rússlandi fórnar nú íþróttaferli sínum og frelsi fyrir það eitt að tjá sig um mannréttindabrot í heimalandi sínu. Amnesty International stendur fyrir herferðinni #StandWithBelarus til að sýna íþróttafólkinu í Hvíta-Rússlandi stuðning í mannréttindabaráttu þess. Krystsina Tsimanouskaya, íþróttakona frá Hvíta-Rússlandi og þátttakandi á Ólympíuleikunum í Japan í ár óskaði eftir alþjóðlega vernd í pólska sendiráðinu í Tókýó þann 2. ágúst 2021 í kjölfar þess að hvítrússnesk yfirvöld reyndu að þvinga hana aftur til heimalands síns.

Þúsundir komu saman þann 11. júlí á Kúbu til að mótmæla ríkisstjórninni vegna efnahagsástandsins, skorts á lyfjum, og almennra takmarkana á tjáningarfrelsinu. Mögulega eru hundruð mótmælenda í fangelsi og ríkið þaggar niður í gagnrýnisröddum með fjölda ákæra. Krefjumst þess að friðsamir mótmælendur verði leystir umsvifalaust úr haldi án skilyrða. 

Saiful Mahdi, lektor til 25 ára við Syiah Kuala-ríkisháskólann í Aceh-héraði á Indónesíu, var dæmdur í þriggja mánaða fangelsi fyrir ærumeiðingar og honum gert að greiða 85 þúsund króna sekt (10 milljónir IDR) fyrir að gagnrýna ráðningarferli verkfræðideildar háskólans.

Rinchen Tsultrim, 29 ára tíbetskur munkur, var dæmdur í fjögurra og hálfs árs fangelsi í mars 2020 án réttlátrar málsmeðferðar. Fjölskylda hans fékk ekki upplýsingar um dóminn fyrr en ári síðar þegar yfirvöld tilkynntu loks að hann væri í haldi í ónefndu fangelsi í Chengdu í Sichuan-héraði.

Samkvæmt rannsókn Amnesty International hafa alsírsk stjórnvöld herjað á aðgerðasinna sem hafa nýtt rétt sinn til tjáningar eða friðsamlegra mótmæla fyrir kosningar sem fram fóru þann 12. júní síðastliðinn. Að minnsta kosti 37 aðgerðasinnar voru handteknir með óréttmætum hætti fyrir þátttöku í mótmælum eða gagnrýni á stjórnvöld á tímabilinu 26. mars til 26. maí 2021. Auk þess voru a.m.k. 273 aðgerðasinnar  enn í haldi í lok júní 2021.

Í mars fengu tæplega ein og hálf milljón Nepala sem eru í áhættuhópi vegna kórónuveirufaraldursins bóluefnið Oxford-AstraZeneca. Þessi hópur þarf að fá næstu bólusetningu fyrir 5. júlí til að virkni bóluefnisins sé tryggð. Ekkert bóluefni er til.

Íslandsdeild Amnesty International og Mannréttindaskrifstofa Íslands hafa gefið út þrjú fræðslumyndbönd um mannréttindi á sex tungumálum (íslensku, ensku, pólsku, spænsku, persnesku og arabísku). Myndböndin þrjú fjalla um jafnrétti, réttindi á vinnumarkaði og réttindi barna. Markmiðið með myndböndunum er að veita flóttafólki og öðrum innflytjendum gagnlegar grunnupplýsingar um réttindi í þessum þremur málaflokkum í tengslum við íslenskt samfélag.

Milostène er aðgerðasinni sem stýrir umhverfisverndarsamtökum Action pour la Reforestation et la Défense de l’Environnement, AREDE í Trou-duNord, bæ í norðausturhluta Haítí. Síðan 2013 hafa samtökin barist fyrir réttindum smábænda. Hann hefur margoft orðið fyrir árásum eða morðtilraunum vegna starfa sinna. 

Raman Pratasevich, blaðamaður frá Hvíta-Rússlandi á flótta sem hefur gagnrýnt hvítrússneska ríkisstjórnina, var ólöglega handtekinn þann 23. maí af stjórnvöldum í Hvíta-Rússlandi ásamt maka sínum, Sofiu Sapega. Þau voru í flugi frá Aþenu til Vilníus þegar vélinni var beint í aðra átt og gert að lenda í Minsk vegna sprengjuhótunar. Raman Pratasevich var eftirlýstur í heimalandi sínu vegna „hryðjuverka“ fyrir vinnu sína sem blaðamaður. Verði hann dæmdur sekur á hann yfir höfði sér 20 ára fangelsisvist.

Í nýrri skýrslu Amnesty International er greint frá alvarlegum skorti á geðheilbrigðisþjónustu í Síerra Leóne fyrir fólk sem hefur orðið fyrir sálrænum áföllum í kjölfar grimmilegrar borgarastyrjaldar og skæðs ebólufaraldurs.

Í tilefni af 60 ára afmæli Amnesty International, í dag föstudaginn 28. maí, fagnaði Íslandsdeildin stóra deginum í Pósthússtræti við Austurvöll. Anna Lúðvíksdóttir, framkvæmdastjóri Íslandsdeildar samtakanna, hélt stutta ræðu og opnaði útisýningu um sögu og mannréttindasigra samtakanna síðustu 60 ára í máli og myndum. Þá veitti Claudia Ashanie Wilson viðurkenninguna „Aðgerðasinni Amnesty International“ fyrir hönd stjórnar Íslandsdeildar Amnesty International.

Í 60 ár hefur alþjóðahreyfingin Amnesty International barist þrotlaust gegn mannréttindabrotum og hefur skilað árangri fyrir hundruð þúsunda einstaklinga um heim allan. Amnesty International fagnar afmæli sínu, sögu og sigrum með opnun útisýningar í Pósthússtræti í dag, föstudaginn 28. maí, klukkan 17:00 ásamt því að veita viðurkenninguna Aðgerðasinni Amnesty International til að heiðra einstakling sem hefur barist fyrir mannréttindum með aðgerðum sínum af krafti og eljusemi.