Á alþjóðadegi gegn dauðarefsingunni, 10. október, gefur Amnesty International út skýrslu um dauðarefsinguna í Malasíu:  Fatally flawed: Why Malaysia must abolish the death penalty. 

Yfirvöld á Kýpur leyfðu Ahmed H, sýrlenskum karlmanni sem var ranglega sakfelldur í Ungverjalandi vegna misbeitingar á hryðjuverkalögum, að sameinast fjölskyldu sinni á ný í lok september.

Þann 17. ágúst var háskólakennarinn Firew Bekele handtekinn og ákærður samkvæmt harkalegum hryðjuverkalögum (e. Anti-Terrorism Proclamation) Eþíópíu. Á seinasta áratug hafa lögin verið notuð til að bæla niður andstöðu. Firew Bekele er ákærður fyrir að skrifa bók sem gagnrýnir forsætisráðherra Eþíópíu, Abiy Ahmeden, enhann neitar að hafa skrifað bókina. Firew Bekele er samviskufangi sem þarf að leysa tafarlaust úr haldi án skilyrða.

Kumi Naidoo, aðalframkvæmdastjóri Amnesty International, hefur biðlað til 30 þúsund skóla víðsvegar í heiminum að nemendum verði leyft að taka þátt í loftslagsverkföllum sem eru án fordæmis og verða haldin 20. og 27. september. Opið bréf var sent til skólayfirvalda  í ýmsum löndum, þar á meðal Ástralíu, Kanada, Ungverjalandi, Spáni, Nýja-Sjálandi og Bretlandi.

Đoàn Thị Hồng var handtekin ólöglega í september 2018 og hefur verið í haldi síðan án þess að mál hennar hafi verið tekið fyrir af dómstólum. Fjölskylda Đoàn Thị Hồng fékk ekki að hitta hana fyrr en 4. september 2019, 11 mánuðum eftir að hún var tekin höndum, og tók þá eftir heilsubrestum hjá henni. Við krefjumst þess að yfirvöld leysi Đoàn Thị Hồng úr haldi þar sem hún er samviskufangi og hefur einungis nýtt rétt sinn til tjáningarfrelsis á friðsamlegan hátt.

Mánudaginn 16. september næstkomandi mun Íslandsdeild Amnesty International veita viðurkenningu fyrir forystu í baráttunni gegn loftlagsbreytingum í Bíó Paradís kl. 17:00. Elísabet Jökulsdóttir flytur unga fólkinu hvatningu og tónlistarfólkið GDRN og Flóni flytja nokkur lög. Boðið verður upp á léttar veitingar.

Ríkisstjórn Bolsonaro forseta Brasilíu hefur heimilað ólöglegar innrásir á landsvæði frumbyggja í Amazon-skógi. Þetta hefur leitt til u.þ.b. 75.000 skógarelda á þessu ári og hótana ólöglegra aðila í garð  frumbyggja á svæðinu.

Amnesty International þrýstir á TripAdvisor að taka út skráningar á síðu sinni á ferðamannastöðum á landtökusvæðum Ísraels. Landtökusvæði Ísraela á hernumdu svæðum Palestínu eru ólögleg og valda þjáningum Palestínubúa. Hvað eru hernumdu svæði Palestínu, hvers vegna eru landtökusvæði Ísraela ólögleg og hvaða þjáningum valda þau?

Tveir menn, Gökhan Türkmen og Mustafa Yılmaz, hurfu sporlaust í febrúar á þessu ári. Grunur leikur á að um þvingað mannhvarf sé að ræða en yfirvöld hafa til þessa neitað að þeir séu í haldi þeirra. Þann 29. júlí birtust á ný fjórir menn, sem einnig hafði verið saknað síðan í febrúar, en þeir höfðu verið í haldi hryðjuverkadeildar lögreglunnar í höfuðstöðvum hennar í Ankara. Báðir mennirnir sem enn er saknað eru opinberir starfsmenn sem reknir voru samkvæmt tilskipun ríkisstjórnarinnar í kjölfar valdaránstilraunarinnar í Tyrklandi árið 2016.

Eldar hafa geisað víða í Amazon-regnskóginum undanfarnar vikur sem hafa áhrif á líf fjölda fólks. Kumi Naidoo, aðalframkvæmdastjóri Amnesty International, telur mikilvægt að frumbyggjum á svæðinu sé sýnd samstaða og hann skorar á stjórnvöld að grípa til aðgerða.

Aðgerðasinni frá Senegal, Guy Marius Sagna, var ákærður fyrir „falskar hryðjuverkaaðvaranir“ þann 5. ágúst síðastliðinn. Hann var handtekinn að geðþótta þann 16. júlí í höfuðborginni Dakar en leystur úr haldi mánuði síðar. Guy var yfirheyrður vegna tveggja Facebook-færslna þar sem hann fjallaði um skort á fullnægjandi læknisaðstöðu í Senegal og einnig fyrir innlegg sitt á Facebook-síðu sinni um veru franska hersins í Afríku.

Aðalframkvæmdarstjóri Amnesty International, Kumi Naidoo, var staddur hér á landi síðastliðinn föstudag fram til þriðjudags. Margt dreif á daga hans hér á Íslandi en síðastliðinn laugardag tók hann þátt í Reykjavík Pride með ungliðahreyfingu Íslandsdeildarinnar, var viðstaddur afhjúpunar minnisvarða um jökulinn Ok á sunnudaginn, hitti Guðlaug Þór Þórðarson utanríkisráðherra Íslands og stóð að lokum fyrir hádegisumræðum á skrifstofu Íslandsdeildarinnar á mánudaginn.