Simbabve

Hvar er Itai Dzamara?

Itai Dzamara er blaða­maður frá Simbabve og leið­togi hóps mótmæl­enda sem hefur barist frið­sam­lega fyrir auknu lýðræði í heimalandi sínu. Itai hvarf árið 2015 í Harare en hann hefur verið skot­mark örygg­is­lög­regl­unnar, verið barinn, numinn á brott og hafður í haldi með ólög­mætum hætti.

Itai var vel þekktur gagn­rýn­andi ríkis­stjórnar fyrrum forseta Simbabve, Robert Mugabe. Hann kallaði opin­ber­lega eftir afsögn forsetans sem hann taldi hafa mistekist að stýra hrak­andi efnahag landsins.

Þann 8. mars árið 2015 var Itai staddur á rakara­stofu í Glen, Harare, þegar fimm óþekktir menn mættu á staðinn og námu hann á brott. Degi áður flutti hann ávarp á fjölda­fundi og fjallaði um hrak­andi efnahag landsins. Vitni segja mennina fimm hafa hand­járnað hann og neytt inn í hvítan vörubíl. Númera­plötur bílsins voru huldar.

Itai hafði áður verið rænt, hann hafður í haldi með ólög­mætum hætti og barinn af örygg­is­lög­regl­unni í Simbabve. Amnesty Internati­onal telur hann vera fórn­ar­lamb þvingaðs manns­hvarfs.

Simbabve býr yfir langri sögu þving­aðra manns­hvarfa aðgerða­sinna og gagn­rýn­enda stjórn­valda.

Eftir hvarf Itai lagði fjöl­skylda hans fram skýrslu til Glen Noran-lögreglu­stöðv­ar­innar. Engin raun­veruleg rann­sókn hefur átt sér stað enda hafa engar skýrslur verið lagðar fram af hálfu yfir­valda til dómstóla. Enn er ekkert vitað um örlög hans.

Fjöl­skylda Itai á skilið að fá svör. Skrifaðu undir og skoraðu á stjórn­völd í Simbabve að hefja rann­sókn á hvarfi Itai Dzamara.

Þau þurfa þína hjálp!

Þín undirskrift getur bjargað mannslífi

Simbabve

Lækni rænt af heimili sínu

Peter Magombeyi, læknir og forseti Félags sjúkrahúslækna í Simbabve, var rænt af heimili sínu í Harare Budiriro að næturlagi af þremur vopnuðum mönnum þann 14. september síðastliðinn. Aðilar grunaðir um að starfa fyrir leyniþjónustu Simbabve höfðu hótað honum að hann myndi hverfa sporlaust með valdi ef hann hætti ekki afskiptum sínum af verkfalli lækna.

Indland

Skert tjáningarfrelsi í Kasmír

Frá 5. ágúst síðastliðnum hefur ríkt fjarskiptabann í Kasmír-héraði, fyrirskipað af indverskum stjórnvöldum. Þá hefur íbúum héraðsins einnig verið sett útgöngubann sem kemur í veg fyrir að fólk geti farið út af heimili sínu eða átt samskipti hvort við annað og umheiminn.

Suður-Afríka

Menntakerfi sem viðheldur ójöfnuði

Þó að 25 ár séu liðin frá því að lög um aðskilnaðarstefnu voru afnumin í Suður-Afríku gætir enn mikils ójöfnuðar í menntakerfi landsins. Arfleifð kynþáttamismununar í menntakerfinu einkennist meðal annars af slæmum árangri nemenda í grunn- og framhaldsskóla, yfirfullum kennslustofum, ófullnægjandi aðstöðu og námsgögnum tug þúsunda nemenda.

Grikkland

Krefjumst réttlætis fyrir Zak

Zak Kostopoulos, grískur samkynhneigður aðgerða- og mannréttindasinni lést þann 21. september 2018 í kjölfar fólskulegrar líkamsárásar. Zak, einnig þekktur undir drag-sviðsnafninu Zackie Oh, var baráttumaður fyrir réttindum hinsegin fólks og HIV- smitaðra.

Ekvador

Verndum umhverfissinna í Amason-regnskóginum

Þær Patricia Gualinga, Nema Grefa, Salomé Aranda og Margoth Escobar hætta lífi sínu og fjölskyldna sinna daglega við störf sín í Amason-skóginum. Störf þeirra felast í því að vernda stærsta regnskóg heims með því að berjast gegn pólitískum og efnahagslegum öflum sem tengjast jarðefnavinnslu á landsvæðum frumbyggja í Amason.

Íran

Bresk-írönsk kona sökuð um njósnir

Nazanin Zaghari-Ratcliffe er fertug bresk-írönsk kona. Hún hefur nú setið í meira en þúsund daga í írönsku fangelsi þar sem hún afplánar dóm en hún var sakfelld fyrir njósnir vorið 2016. Írönsk stjórnvöld búa ekki yfir neinum sönnunum sem styðja þessar ásakanir.

Danmörk

Kynlíf án samþykkis er nauðgun

Dönsk stjórnvöld hafa ekki sett samþykki í forgrunn við skilgreiningu á hugtakinu nauðgun í hegningarlögum landsins. Lögin vísa eingöngu til ofbeldis eða hótana. Aðeins 8 lönd af 31 Evrópulandi hafa sett kröfu um samþykki við skilgreiningu á hugtakinu nauðgun og er Ísland eitt þeirra.

Filippseyjar

Stöðvum árásir á mannréttindasinna

Þann 22. apríl fékk mannréttindasinninn Christina Palabay textaskilaboð frá nafnlausum aðila þar sem hún var vöruð við því að hún og nokkrir aðrir sem tilheyra mannréttindasamtökunum Karapatan á Filippseyjum verði myrt á þessu ári. Nokkrum klukkustundum áður var meðlimur Karapatan, Bernadino Patigas, skotinn til bana í borginni Escalante í Negros-héraðinu í norðuhluta Filippseyja.