Dóminíska lýðveldið

Krefjumst verndar vændisfólks í Dóminíska lýðveldinu

,,Tík, þetta er það sem hæfir þér.“ Lögreglan í Dómin­íska lýðveldinu nauðgar, ber og niður­lægir vænd­is­fólk – oft miðandi með byssum. Þetta eru pynd­ingar. Krefj­umst verndar þeirra og að þær fái notið rétt­inda sinna.

Karlrembu­menning innan lögregl­unnar, ofan á mikla félags­lega útskúfun og mismunun gagn­vart vænd­is­fólki, hefur þau áhrif að lögreglan misnotar vald sitt með ólög­mætum hætti. Lögreglan pyndar vænd­is­konur til að refsa þeim og viðhalda valdi sínu yfir þeim.

Trans konur verða sérstak­lega fyrir barðinu á lögregl­unni sem beitir þær grófri kynferð­is­legri misnotkun og niður­lægir vegna trans­fóbíu. Vænd­is­fólk kallar eftir lögum sem banna mismunun, sem yrðu fyrsta skrefið í átt að því að taka á þessu ofbeldi og mismunun.

Sumar vænd­is­konur eru einnig baráttu­konur fyrir mann­rétt­indum í Dómin­íska lýðveldinu þar sem þær berjast fyrir rétt­indum sínum. Þær eru þó oft útilok­aðar frá mann­rétt­inda- og kven­rétt­inda­hreyf­ingum vegna þess að þær eru í vændi.

Til að allar konur njóti frelsis verðum við að byrja á því að berjast fyrir rétt­indum jaðar­settra kvenna. Þegar við hefjum upp raust okkar til að styðja vænd­is­konur hefjum við upp raustina fyrir allar konur.

Krefj­umst þess að stjórn­völd í Dómin­íska lýðveldinu samþykki lög um bann við mismunun og aðrar raun­hæfar aðgerðir til að vernda vænd­is­konur frá pynd­ingum og illri meðferð.

Lesa má um skýrslu Amnesty Internati­onal þar sem skráðar voru sögur 46 vændis­k­venna í Dómin­íska lýðveldinu hér.

Tengt efni

Þau þurfa þína hjálp!

Þín undirskrift getur bjargað mannslífi

Mósambík

Mósambík: Leysið flóttafólk og umsækjendur um alþjóðlega vernd úr haldi

Hópur flóttafólks og umsækjenda um alþjóðlega vernd hefur verið í haldi að geðþótta í Pemba, í norðausturhluta Mósambík í meira en eitt og hálft ár við hræðilegar aðstæður á lögreglustöð. Um er að ræða sextán einstaklinga frá Lýðstjórnarveldinu Kongó og Eþíópíu. Vegna kórónuveirufaraldursins er heilsa þeirra í enn frekari hættu.

Kína

Kína: 70 ára Úígúra haldið í einangrun

Ekkert hefur heyrst frá Qurban Mamut síðan í nóvember 2017. Hann er Úígúri og fyrrum ritstjóri Xianjiang Civilization, sem fjallar um menningu og sögu Úígúra í Xianjiang í Kína. Qurban Mamut heimsótti son sinn, Bahram Sintash, í Bandaríkjunum í febrúar 2017.

Indónesía

Indónesía: Sjö aðgerðasinnar handteknir fyrir mótmæli

Þann 17. júní 2020 voru sjö aðgerðasinnar frá Papúa, svæði sem tilheyrir Indónesíu, sakfelldir fyrir landráð og dæmdir í 10 – 11 mánaða fangelsi fyrir aðild þeirra í mótmælum í ágúst 2019. Þeir voru handteknir eingöngu fyrir að nýta tjáningarfrelsið og standa fyrir friðsælum mótmælum. Þeir eru samviskufangarsem verður að leysa úr haldi strax.

Ungverjaland

Ungverjaland: Verndum réttindi trans og intersex fólks

Þann 28. maí staðfesti forseti Ungverjalands ný lög sem samþykkt voru á þingi 19. maí og banna breytingu á kynskráningu. Sérstakur eftirlitsmaður um grundvallarmannréttindi í Ungverjalandi (e. Hungary’s Commissioner for Fundamental Rights) getur komið í veg fyrir að lögin verði að veruleika með því að kalla eftir endurskoðun á þeim. Ef eftirlitsmaðurinn bregst ekki við er alvarlega vegið að réttindum trans og intersex fólks og hætta á að lögin ýti undir frekari árásir og hatursglæpi gegn þessum hópum.

Bandaríkin

Bandaríkin felli niður ákærur á hendur Julian Assange

Bandarísk yfirvöld verða að fella niður allar ákærur á hendur Julian Assange sem tengjast njósnum og birtingu gagna vegna starfa hans hjá Wikileaks. Miskunnarlausar tilraunir bandarískra stjórnvalda til að hafa hendur í hári Julian Assange vegna opinberunar gagna sem innihéldu meðal annars upplýsingar um mögulega stríðsglæpi bandaríska hersins eru alvarlegar árásir gegn réttinum til tjáningarfrelsis.