Angóla

Hirðingjasamfélög í hættu

Nú varir einn versti þurrkur síðast­liðin 40 ár í suður­hluta Angóla. Afleið­ing­arnar eru ógnvæn­legar þar sem heilsa og matarör­yggi hirð­ingja­sam­fé­laga á svæðinu eru í veru­legri hættu. Vannæring hefur aukist til muna og aðgangur að vatni og hrein­lætis­að­stöðu er ótryggður.  

Fjöl­skyldur hafa, síðan í mars á þessu ári, flúið til Namibíu í neyð í leit að mat, vatni og nauð­syn­legri þjón­ustu, eins og heil­brigð­is­þjón­ustu. Mataróör­yggi stafar einnig af því að beit­ar­land hirð­ingja­sam­fé­laga á svæðinu hefur að stórum hluta verið tekið yfir af stór­bændum. Að missa þessi beit­ar­lönd hefur grafið undan efna­hags­legri og félags­legri stöðu hirð­ingja­sam­fé­lag­anna og getu þeirra til að fram­leiða mat og lifa af þurrka í suður­hluta Angóla. 

Krefstu þess að forseti Angóla João Lourenço tryggi að réttur hirð­ingja­sam­fé­laga í suður­hluta Angóla sé virtur og vernd­aður.

Krefstu þess að forsetinn:  

  • Tryggi matarör­yggi og aðgang að hreinu vatni á svæðinu 
  • Grípi til aðgerða til að draga úr áhrifum loft­lags­breyt­inga á svæðinu  
  •  Fylgist með fólks­flutn­ingum vegna þurrka og finni lang­tíma­lausnir fyrir vega­laust fólk 
  • Komi í veg fyrir frekari yfir­töku beit­ar­landa á svæðinu og dragi þá til ábyrgðar sem brotið hafa lög og heimilt stór­bændum að taka yfir beit­ar­löndin.

 

Lestu um rann­sókn Amnesty Internati­onal á svæðinu árin 2018-2019 í skýrsl­unni „The end of catt­le’s para­dise“.

Þau þurfa þína hjálp!

Þín undirskrift getur bjargað mannslífi

Tæland

Krefjumst réttlætis fyrir friðsama mótmælendur í Tælandi

Stjórnvöld í Tælandi nýta kórónuveirufaraldurinn til að þagga enn frekar niður í ungum friðsömum mótmælendum. Fleiri en 600 ungmenni eiga yfir höfði sér langa fangelsisdóma fyrir það eitt að mótmæla friðsamlega þrátt fyrir að lögreglan hafi beitt óhóflegu valdi við að leysa upp mótmælin.

Alþjóðlegt

Stöðvið misbeitingu kylfa

Um heim allan þagga stjórnvöld niður í mótmælendum með lögreglukylfum. Kylfurnar eru notaðar sem þöggunartól. Rannsóknir Amnesty sýna að kylfur eru notaðar í refsingarskyni. Þær eru notaðar til að berja fólk sem haldið er niðri. Þær eru notaðar til að berja háls og höfuð. Þær eru notaðar til að beita kynferðislegt ofbeldi og pyndingum. Þetta verður að stöðva. Við krefjumst þess að íslensk stjórnvöld styðji gerð alþjóðlegs og skuldbindandi samnings um viðskipti með lögregluvopn og búnað sem eru notuð til að beita pyndingum.

Bandaríkin

Vernda þarf mannréttindi í Afganistan

Aðgerðir stjórnar Bidens til að vernda mannréttindi í Afganistan í kjölfar yfirtöku Talíbana í Kabúl eru ófullnægjandi. Hvíta húsið verður að gera meira til að tryggja flutning baráttufólks fyrir mannréttindum, aðgerðasinna sem berjast fyrir kvenréttindum og fjölmiðlafólks úr landi. Aðgerðaleysi kostar mannslíf!

Kúba

Leysið friðsama mótmælendur úr haldi

Þúsundir komu saman þann 11. júlí á Kúbu til að mótmæla ríkisstjórninni vegna efnahagsástandsins, skorts á lyfjum, og almennra takmarkana á tjáningarfrelsinu. Mögulega eru hundruð mótmælenda í fangelsi og ríkið þaggar niður í gagnrýnisröddum með fjölda ákæra. Krefjumst þess að friðsamir mótmælendur verði leystir umsvifalaust úr haldi án skilyrða.

Bangladess

Aðför stjórnvalda að tjáningarfrelsi á netinu

Yfir þúsund einstaklingar hafa verið handteknir í Bangladess frá árinu 2018 á grundvelli laga um stafrænt öryggi (DSA, Digital Security ACT) fyrir að nýta rétt sinn til tjáningar á netinu. Bregstu við og krefstu þess að forsætisráðherra Bangladess, Sheikh Hasina, felli lögin úr gildi eða endurbæti í samræmi við alþjóðalög þau ákvæði sem eru notuð til að þagga niður í gagnrýnisröddum.

Angóla

Hirðingjasamfélög í hættu

Nú varir einn versti þurrkur síðastliðin 40 ár í suðurhluta Angóla. Afleiðingarnar eru ógnvænlegar þar sem heilsa og mataröryggi hirðingjasamfélaga á svæðinu eru í verulegri hættu. Vannæring hefur aukist til muna og aðgangur að vatni og hreinlætisaðstöðu er ótryggður.

Alþjóðlegt

Ríki hætti ólögmætri notkun á njósnabúnaði

Í löndum víðsvegar um heiminn reiða yfirvöld sig sífellt meira á stafrænt eftirlit í þeim tilgangi að áreita eða handtaka einstaklinga sem tjá sig til varnar mannréttindum eða afhjúpa viðkvæmar upplýsingar. Aukning er á stafrænum árásum gegn mannréttindasinnum, fjölmiðlafólki og almennum borgurum. Njósnum, hótunum og þöggun er beitt með því að brjótast inn í stafræn tæki einstaklinga. Þessari aðför verður að linna. Með undirskrift þinni þrýstir þú á stjórnvöldá heimsvísu að bregðast við kröfum um að vernda mannréttindasinna um heim allan.