Ekvador
Binda þarf enda á notkun gasbruna í Amazon-skóginum
Stjórnvöld í Ekvador hafa ekki framfylgt dómsúrskurði sem féll í vil níu baráttustúlkna og ungra kvenna um að binda enda á notkun gasbruna í Amazon-skóginum. Gasbrunar brjóta á réttindum íbúa nærliggjandi svæða vegna mengunar sem þeir valda. Almennt er viðurkennt á alþjóðavettvangi og í vísindasamfélaginu að gasbrunar hafi neikvæð áhrif á mannréttindi og umhverfið ásamt því að ýta undir loftslagsbreytingar.
Vandamálið í hnotskurn
Gasbrunar eru notaðir í olíuvinnslu til að brenna jarðgas sem er aukaafurð vinnslunnar. Til er tækni sem hægt er að nota í staðinn við olíuvinnslu sem hefur síður neikvæð áhrif á umhverfið og mannréttindi. Olíufyrirtæki hafa þó ekki sýnt áhuga á að nýta þessa tækni, meðal annars vegna aukins kostnaðar.
Brennsla jarðefnaeldsneytis er ein helsta losun gróðurhúsalofttegunda sem valda loftslagsbreytingum. Gasbrunar á heimsvísu losa 500 milljónir tonna af koltvísýringi á ári, sem er sambærilegt koltvísýringslosun allra íbúa Bretlandseyja, ásamt mikilli losun metans sem er gastegund sem hitar lofthjúpinn 84 sinnum meira en koltvísýringur. Að auki eru íbúar nærliggjandi svæða útsettir fyrir eitruðum gastegundum dag hvern.
Níu stúlkur frá Amazon-skóginum fóru í mál við stjórnvöld í Ekvador þar sem þær kröfðust lögbanns á gasbruna í nágrenni þeirra á þeim grundvelli að brotið sé á mannréttindum þeirra. Héraðsdómstóll úrskurðaði stúlkunum í hag árið 2021 en þrátt fyrir þennan úrskurð eru enn gasbrunar á svæðinu.
Fjöldi gasbruna hefur aukist frá 394 í ágúst 2021 í 486 í júní 2023. Amnesty International hefur staðfest 52 gasbruna sem eru á svæði sem eru innan við fimm kílómetra frá íbúabyggð, fjarlægð sem veldur mögulegum skaða fyrir samfélögin í kring og umhverfið.
Ekvador er meðal þrjátíu landa sem mest nota gasbruna í heiminum. Í Amazon-skóginum í Ekvador er brotið á rétti íbúa sem líður fyrir gasbruna og það bitnar á framtíð þeirra, sérstaklega ungs fólks.
Hvað er hægt að gera?
Skrifaðu undir ákall og krefstu þess að forseti Ekvador hrindi af stað áætlun um að stöðva notkun gasbruna (sérstaklega þeirra sem staðsettir eru 5 km frá byggð) í samræmi við dómsúrskurð, verndi mannréttindi íbúa sem búa í grennd við gasbruna og stuðli að réttlátum orkuskiptum þar sem dregið verður smám saman úr notkun jarðefnaeldsneytis.
Tengt efni
Þau þurfa þína hjálp!
Þín undirskrift getur bjargað mannslífi
Ísrael
Stöðva þarf hópmorðið á Gaza
Ísrael fremur hópmorð á Palestínubúum á Gaza. Við krefjumst þess að íslensk stjórnvöld geri allt sem í þeirra valdi stendur til að stöðva hópmorðið (e. genocide). Í nýrri skýrslu Amnesty International, „You Feel Like You Are Subhuman”: Israel’s Genocide Against Palestinians in Gaza, er sýnt fram á að um hópmorð er að ræða á Palestínubúum á Gaza.
Aserbaísjan
Leysið fjölmiðlafólk og aðgerðasinna úr haldi
Aðförin að borgaralegu rými í Aserbaísjan í aðdraganda COP29 hefur í för með sér að réttlæti í loftslagsmálum nái ekki fram að ganga. Skrifaðu undir og sýndu samstöðu með aðgerðasinnum og fjölmiðlafólki sem hafa hlotið refsingu fyrir að draga stjórnvöld sín til ábyrgðar.
Alþjóðlegt
Stöðvum drápsvélmenni
Yfirvöld og fyrirtæki eru óðum að þróa vopn með aukinni sjálfstýringu þar sem ný tækni og gervigreind eru notuð. Slík “drápsvélmenni” gætu verið notuð í átökum, við löggæslu eða landamæravörslu. Ákvarðanir sem snúast um líf og dauða ættu ekki að vera teknar af vélmennum. Hvetjum þjóðarleiðtoga heims til samningaviðræðna um ný alþjóðalög sem varða sjálfstýringu vopna.
Ekvador
Binda þarf enda á notkun gasbruna í Amazon-skóginum
Stjórnvöld í Ekvador hafa ekki framfylgt dómsúrskurði sem féll í vil níu baráttustúlkna og ungra kvenna um að binda enda á notkun gasbruna í Amazon-skóginum. Gasbrunar brjóta á réttindum íbúa nærliggjandi svæða vegna mengunar sem þeir valda. Skrifaðu undir ákall og krefstu þess að forseti Ekvador hrindi af stað áætlun um að stöðva notkun gasbruna (sérstaklega þeirra sem staðsettir eru 5 km frá byggð) í samræmi við dómsúrskurð, verndi mannréttindi íbúa sem búa í grennd við gasbruna, stuðli að réttlátum orkuskiptum þar sem dregið verður smám saman úr notkun jarðefnaeldsneytis.
Sambía
Læknir sóttur til saka fyrir samkynhneigð
Suwilanji Situmbeko læknir var sóttur til saka fyrir samkynhneigð og dæmdur í 15 ára fangelsi ásamt erfiðisvinnu. Skrifaðu undir ákall um að Þordís Kolbrún Reykfjörð Gylfadóttir utanríkisráðherra þrýsti á sambísk stjórnvöld um að ógilda dóminn yfir Suwilanji Situmbeko og láta hann lausan tafarlaust og án skilyrða.
Sádi-Arabía
Ísland beiti sér gegn skelfilegum mannréttindabrotum í Sádi-Arabíu
Yfirvöld í Sádi-Arabíu leggja allt kapp á að þagga niður í gagnrýnisröddum í landinu. Samfélagsmiðlafærsla þar sem kallað er eftir umbótum í mannréttindamálum eða yfirvöld gagnrýnd getur ein og sér leitt til ferðabanns, fangelsisvistar svo áratugum skiptir eða jafnvel dauðadóms.
Alþjóðlegt
TikTok þarf að gæta öryggis barna og ungs fólks
Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
- Þú færð send 3 áköll í mánuði
- Þú greiðir 299 kr. fyrir hvert sms móttekið
- Skrifaðu undir ákallið með því að svara skilaboðunum AKALL í 1900
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu