Íran
Mótmæli hafa brotist út á landsvísu í Íran í kjölfar þess að hin 22 ára gamla Mahsa (Zhina) Amini lét lífið í varðhaldi yfirvalda. Írönsk yfirvöld hafa brugðist grimmilega við mótmælunum. Við krefjumst þess að alþjóðasamfélagið grípi til aðgerða.
Írönsk-kúrdísk kona að nafni Mahsa Amini var handtekin í Tehran af svokallaðri siðferðislögreglu þann 13. september 2022. Vitni sögðust hafa séð lögreglu ganga í skrokk á henni í flutningsbifreið lögreglunnar. Örfáum klukkustundum síðar var hún færð á sjúkrahús í dái og lést þremur dögum síðar.
Siðferðislögreglan hefur reglubundið handtekið konur og stúlkur af geðþótta, pyndað og beitt illri meðferð fyrir að fylgja ekki svívrðilegum, niðrandi og óréttlátum lögum um skyldunotkun höfuðslæða. Dauði Amini er kveikjan að mótmælum þvert og breitt um Íran en yfirvöld hafa svarað með harkalegum aðgerðum sem valdið hafa dauðsföllum.
Öryggissveitir hafa ítrekað beitt ólögmætu valdi gegn mótmælendum. Skotvopnum hefur verið beitt af stuttu færi, táragasi og vatnsfallbyssum hefur verið misbeitt og mótmælendur hafa verið barðir harkalega með lögreglukylfum. Hundruð manna, kvenna og barna hafa slasast í aðgerðum yfirvalda, tugir látið lífið og tvær manneskjur eru varanlega blindar á öðru eða báðum augum. Flest hinna særðu forðast að leita sér hjálpar á sjúkrahúsum af ótta við handtöku, sem eykur líkur á sýkingum og heilsutjóni. Írönsk yfirvöld reyna að fela glæpi sína með því að loka fyrir netaðgang í landinu.
Írönsk yfirvöld hafa á liðnum árum ekki þurft að sæta ábyrgð vegna morða á hundruðum mótmælenda eða illrar meðferðar á þúsundum þeirra. Það er tími kominn til að ríki Sameinuðu þjóðanna takist á við þetta refsileysi í Íran.
Skrifaðu undir ákall til utanríkisráðherra Íslands, Þórdísar Kolbrúnar Reykfjörð GYlfadóttur, um að íslensk stjórnvöld beiti sér fyrir því að Sameinuðu þjóðirnar setji af stað óháða rannsókn á alvarlegustu mannréttindabrotunum í Íran og tryggi að gerendur verði dregnir til ábyrgðar.
Þín undirskrift getur bjargað mannslífi
Afganistan
Matiullah Wesa er aðgerðasinni í þágu menntunar og mannréttinda. Hann var handtekinn að geðþótta af leyniþjónustu talibana. Fjölskylda hans hefur ekki fengið að heimsækja hann og engar leiðir tiltækar til að véfengja lögmæti varðhaldsins. Skrifaðu undir og krefstu þess að Abdul Haq Wasiq, framkvæmdastjóri leyniþjónustu talibana, leysi Matiulla Wesa tafarlaust úr haldi.
Lýðstjórnarlýðveldið Kongó
Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.
Venesúela
Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.
Kúba
Maykel Osorbo, er kúbverskur samviskufangi og tónlistarmaður. Hann hefur mætt stöðugu áreiti og hefur margsinnis sætt varðhaldi að geðþótta. Fjölskylda hans hefur tjáð Amnesty International að hún hafi töluverðar áhyggjur af heilsu Maykel. Skrifaðu undir og krefstu þess að hann verði tafarlaust leystur úr haldi.
Gambía
Fiskur er ein helsta náttúruauðlind Gambíu og sjávarútvegur spilar mikilvægt hlutverk í efnahag landsins. Ofveiðar hafa leitt til fæðuóöryggis í landinu. Skrifaðu undir og þrýstu á stjórnvöld í Gambíu að hafa eftirlit með ólöglegum og óheftum fiskveiðum og setja lög sem tryggja að fyrirtæki gæti þess að virða mannréttindi í starfsemi sinni.
Nígería
Keren-Happuch Aondodoo Akpagher var 14 ára stúlka og nemandi í Premier Academy í Abuja í Nígeríu. Grunur er um að henni hafi verið nauðgað í skólanum en hún dó nokkrum dögum síðar, 22. júní 2022. Krufning bendir til þess að hún hafi látist að völdum sýkingar sem hún fékk í kjölfar nauðgunar.
Ísrael
Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Fyrir ungt fólk sem vill hafa áhrif minnum við á ungliðahreyfingu Amnesty International en hópar eru starfandi um land allt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
